NEWS.am STYLE-ի խմբագրությունն ընթերցողներից բազմիցս նամակներ էր ստանում, ովքեր առաջարկում էին բացել նոր խորագիր, որտեղ յուրաքանչյուր ցանկացող անորոշ հասցեատերերի շրջանակին ուղղված կարճ էսսեի, նամակի միջոցով կարող է ինքնարտահայտվել, ներկայացնել կյանքի մասին փիլիսոփայական մտորումները եւ այլն:
Կայքի խմբագրությունն անսաց այդ բազմաթիվ խնդրանքներին եւ սկսեց աշխատել նոր խորագրի ստեղծման ուղղությամբ, որը որոշվեց վերնագրել «Իմ պատմությունը»: Այսուհետ ձեզանից յուրաքանչյուրը կարող է մեզ ուղարկել սեփական պատմությունը [email protected] հասցեով (կարելի է նաեւ լուսանկարներով), իսկ մենք անպայման այն կտեղադրենք մեր կայքում՝ ցանկության դեպքում պահպանելով անանունությունը: Ամենից պատկերավոր, հուզիչ կամ արձագանք ստացած շարադրանքը խմբագրության կողմից մրցանակ կստանա:
«Ցանկանում եմ պատմել իմ խնդրի մասին: Հնարավոր է՝ ինչ-որ մեկը խորհուրդ կտա եւ կօգնի հաղթահարել իմ ցավը:
Մենք արդեն մեկ տարի է՝ ամուսնացած ենք: Դրանից առաջ շուրջ 2 տարի հանդիպում էինք: Ես նրան անչափ շատ եմ սիրում, կյանքիցս առավել: Հավանաբար այդ է պատճառը, որ այսքան ցավագին է…
Երբ նրան ասացի, որ հղի եմ, շատ ուրախացավ: Եվ հղիության ամբողջ ընթացքում ոչ մի քայլ չէր հեռանում ինձանից: Ես շրջապատված էի հոգատարությամբ եւ քնքշանքով: Բայց մեր փոքրիկի ծնունդից 2-3 շաբաթ առաջ փոխվեց: Փոքր-ինչ այլ դարձավ: Ես ամեն ինչ բացատրում էի իմ վիճակով եւ կարծում էի, թե ձանձրացրել եմ իմ նվնվոցով եւ վատ ինքնազգացողությամբ:
Այդ շրջանում նա անընդհատ գործերով գնում էր: Ես մենակ էի մնում, հաճախ առանց նրա էի պառկում քնելու: Վերադառնում էր, համբույրով արթնացնում ինձ, եւ մենք գրկախառնված քնում էինք: Ի՞նչ իմանայի, թե ուր է գնում:
Իմ փոքրիկը ծնվեց: Ես կարծես երազում լինեի: Չնայած ծննդաբերության ժամանակ տարած սթրեսին (որոշ հայ բժիշկներ կարողանում են հանուն իրենց օգուտի փչացնել տրամադրությունդ), անսահման երջանկությունն ինձ ոչ մի րոպե չէր լքում: Ինձ հետ նույն հիվանդասենյակում գտնվող աղջիկների ամուսինները տեսության էին գալիս առավելագույնն օրական մեկ անգամ: Իսկ իմ ամուսինը գալիս էր ե՛ւ առավոտյան, ե՛ւ ցերեկը, ե՛ւ երեկոյան: Ծաղիկներ, խաղալիքներ, նվերներ… Թվում էր՝ ի՞նչը կարող է ավելի լավ լինել:
Մի քանի օր անց դստերս հետ տուն վերադարձա: Ամուսինս տունը կարգի էր բերել, ամենուր փուչիկներ էին, ծաղիկներ ու խաղալիքներ, իսկ մուտքը վարդի թերթիկներով էր պատված:
Նա նաեւ օգնում էր խնամել երեխային: Մի քանի ժամը մեկ արթնանում էր, օգնում կերակրել (ինձ կեսարյան հատում էին արել, այդ պատճառով որոշ դժվարություններ կային):
Եվս մեկ շաբաթ անցավ: Եվ հանկարծ, ինչպես գլխին ստացված հարված, նրա բջջայինին զանգ եկավ: Քանի դեռ նա լոգարանում էր, ոչինչ չկասկածելով՝ ես վերցրեցի խոսափողը: Կանացի ձայնը նրան հեռախոսի մոտ կանչեց, իսկ հետո, իմանալով, որ չի կարող մոտենալ, լկտիաբար հետաքրքրվեց. «Իսկ Դուք ո՞վ եք: Ես նրա ընկերուհին եմ»: Հիշում եմ, թե որքան ջանք պահանջվեց, որպեսզի չասեմ, որ նրա կինն եմ: Ասացի, որ քույրն եմ: Ի պատասխան հնչեց. «Իմ անունը Ժենյա է: Շատ հաճելի է: Մենք ***-ի հետ արդեն մեկ ամիս է՝ հանդիպում ենք: Նա չի՞ ասել»: Մի քանի քաղաքավարական խոսքեր մրմնջալով՝ անջատեցի հեռախոսը:
Եվ վերջ: Աշխարհը շուռ եկավ: Այդ ցավն ու հոգեվիճակն անհնար է նկարագրել եւ մոռանալ: Կարծես քեզ վրա ցեխ շպրտեցին եւ մասնատեցին:
Նա դուրս եկավ լոգարանից: Ես ասացի, որ վատ եմ զգում եւ ցանկանում եմ քնել: Նա հագնվեց, համբուրեց եւ դուրս եկավ: Իսկ ես մնացի սենյակում, գրկեցի դստերս եւ սկսեցի արտասվել…
Այսպես ամբողջ օրն անցկացնելով՝ որոշեցի խոսել նրա հետ: Ի պատասխան, նա ամեն ինչ հերքեց եւ սեր խոստովանեց: Ես ցույց տվեցի, թե ներել եմ: Բայց հոգուս ցավը չի հանդարտվում…
Գտա այդ կնոջ հեռախոսահամարը, իմացա, թե ով է: Ամուսինս չի բաժանվում հեռախոսից, իր հետ նույնիսկ զուգարան է տանում:
Ասացեք, ի՞նչ անեմ: Մեր դուստրը շուտով մեկ ամսական կդառնա: Չգիտեմ, մեզ պե՞տք է հայրիկ, ով անընդհատ ստում է»:
Հետևեք NEWS.am STYLE-ին Facebook-ում, Twitter-ում և Instagram-ում
10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը