MTV VMA Awards: Red carpet looks

Բլոգ Լի. Հաղարծինի վանք

Հայկական դրոշով Քայլի Ջենները, շիկահեր Անի Երանյանն ու երեւանյան գարեջուրը. շաբաթվա ամփոփումը՝ NEWS.am STYLE-ում (տեսանյութ)

Գարեջրի 5-րդ հոբելյանական փառատոնը՝ Երեւանում (ֆոտո/վիդեո)

Այսօր ծնվել է Պատրիկ Սուեյզին. կյանքից վաղաժամ հեռացած դերասանի մասնակությամբ 5 ֆիլմ, որոնք առաջարկում ենք դիտել

POPcorn blog. 10 ամենաշատ հետեւողն ունեցող հայերն Ինսթագրամում

Ռոբերտ Դե Նիրոն դարձավ 75 տարեկան

Շոն Պենը նշում է 58-ամյակը

Forbes-ը ներկայացրել է 2018 թվականի ամենաբարձր վարձատրվող դերասանուհիների վարկանիշը

Մադոննան դարձավ 60 տարեկան

Կրքոտ VARDA-յի նոր տեսանյութը

PROFFY. Մի քանի ժամով` կոշկակար

Ամուսնության առաջարկություն՝ Ջուսին, շոկային կերպար Բրիթնիից, մերկ լուսանկար Լիլի Մորտոյից. շաբաթվա ամփոփումը՝ NEWS.am STYLE-ում

Shine&Food: Պարզիր՝ սունկ ուտելուց հետո չթունավորվելու ի՞նչ շանս ունես

Բլոգ Լի. Գառնու տաճարը, Գեղարդի վանքը, Քարերի սիմֆոնիան ու Կոտայքի այլ գողտրիկ անկյունները

POPcorn blog. 10 հայ բլոգեր, որոնց արժե հետեւել համացանցում

Դասթին Հոֆմանը նշում է 81-ամյակը

PROFFY. Կենդանաբանական այգու աշխատակից

«Անպայման կլինեն նոր հերոսներ եւ նոր պատմություններ». սցենարիստ Անի Մաղաքյանը՝ «Էլենի օրագրի» 2-րդ եթերաշրջանի մասին

15:05, 7 օգոստոսի

«Էլենի օրագիր»-ը հեռուստասերիալի ավարտը տխրեցրեց երկրպագուներին, որոնք սոցիալական ցանցերում դիմում էին հեռուստասերիալի ստեղծագործական անձնակազմին՝ խնդրելով եւս մեկ եթերաշրջան՝ իրենց սիրելի հերոսների մասնակցությամբ: Նրանց ցանկությունն աննկատ չմնաց ստեղծագործական կազմի կողմից. սեպտեմբերին եթերում կլինի «Էլենի օրագիրը» հեռուստասերիալի երկրորդ եթերաշրջանը:

Սցենարական ի՞նչ գիծ է ունենալու նոր եթերաշրջանը, ինչպիսի՞ փոփոխությունների են ենթարկվելու հեռուստադիտողին արդեն հարազատ դարձած հերոսներն ու ինչպե՞ս ստեղծվեց սերիալի շարունակությունը նկարահանելու գաղափարը: NEWS.am STYLE-ը այս եւ մի շարք այլ հարցերի շուրջ զրուցել է հեռուստասերիալի սցենարիստ Անի Մաղաքյանի հետ:

Անի, «Էլենի օրագրի» ավարտից հետո Ձեր էջը, կարելի է ասել, գրոհում էին երկրպագուները՝ պահանջելով եւս մեկ եթերաշրջան իրենց սիրելի հերոսների մասնակցությամբ: Հետաքրքիր է՝ արդյոք նրանց պահա՞նջը առիթ հանդիսացավ, որ սկսեք երկրորդ եթերաշրջանը, թե՞ նման մտադրություն դեռ առաջին եթերաշրջանի նկարահանման ընթացքում ունեցել եք:

Առաջին եթերաշրջանի ընթացքում կանխատեսումներ չէինք անում, ավարտին մոտ արդեն քննարկման փուլ մտավ երկրորդ եթերաշրջանը: Սկսեցինք աշխատել հնարավոր զարգացումների վրա: Մտածում էինք, եթե լավ գաղափար լինի, ինչո՞ւ ոչ, կարելի է նաեւ շարունակել սիրված պատմությունը: Երկրպագուների աննկարագրելի ակտիվությունը խթանիչ ուժ էր լավ միտք գտնելու համար: Երբ երկու ամիս շարունակ հազարավոր մարդիկ խնդրում են, պահանջում են ամեն կերպ համոզում ու ոգեւորում են քեզ, դու պարզապես իրավունք չունես դա հաշվի չառնել, իսկ երբ այդ ամենին գումարվում է նաեւ ղեկավարության պահանջը, դու այլևս ետդարձի ճանապարհ չունես:

Գիտեմ, որ սցենարիստները սովորաբար չեն սիրում նախապես բացահայտել ֆիլմի սցենարը, սակայն պետք է խնդրեմ, որ հնարավորության դեպքում մի փոքր փակագծերը բացեք:

Լինելու է այն, ինչ բոլորիս, կամ մեծ մասիս հետ է եղել դպրոցից հետո` նոր կյանք, նոր աշխարհ, նոր շրջապատ: Մեր հերոսները այսուհետ ուսանողներ են, համալսարանական կյանքը հետաքրքիր ու բուռն է, նրանք փորձում են մնալ առաջվանը, փորձում են չկորցնել իրենց «մեծերի աշխարհում», մեզ մնում է հետեւել` արդյոք կհաջողվի՞ հերոսներին մնալ հավատարիմ սեփական երազանքներին, սկզբունքներին եւ սիրուն: Միանգամից փոխվող միջավայրը, ազատությունը, որը տալիս է «մեծ կյանքը», կարող է շփոթեցնել, երբ դու երիտասարդ ես եւ փորձում ես կյանքում գտնել քո տեղը:

Կա՞ն «դասարանցիներ», որոնց հեռուստադիտողը չի տեսնի երկրոդ եթերաշրջանում: Նոր դերասաններ ու կերպարներ ֆիլմում կլինե՞ն:

Մեր հերոսներից մի քանիսի կյանքը այլ ուղով է գնացել, ոմանք մեկնել են երկրից, ոմանք արդեն ընտանիք են կազմել, ոմանք այլ ընտրություն են կատարել, որի արդյունքում ինչ-որ չափով հեռացել են իրենց նախկին ընկերական շրջապատից: Այդպես բոլորիս կյանքում է եղել: Դպրոցից հետո ոչ բոլորին է հաջողվում կապ պահպանել հին ընկերների հետ, անգամ ամենամտերիմիների: Այնպես որ՝ բացակայող կերպարները պարզապես մեզ հուշում են, որ «Էլենի Օրագիրը» չափազանց կյանքոտ պատմություն է, որտեղ մեկը դա ցույց է տալիս իր ներկայությամբ, մյուսը` բացակայությամբ: Անպայման կլինեն նոր հերոսներ, նոր պատմություններ, կարծում եմ՝ պետք է հետաքրքիր լինի նոր կերպարներ բացահայտելը: Հուսով եմ՝ նրանք նույնպես կսիրվեն, եւ հեռուստադիտողը նրանց կընդունի յուրայինի պես:

Երբ մի նախագիծ հաջողության է հասնում, դրա շարունակությունը պետք է չզիջի առաջինին եւ կրկին արդարացնի երկրպագուների սպասելիքները: Այս առումով մեծ պատասխանատվություն զգո՞ւմ եք Ձեր ուսերին:

Պատասխանատվությունը եւ անհանգստությունը շատ մեծ է: Դեռ ոչ մի նախագիծ այսպիսի անհանգստությամբ չէի սկսել: Ամեն դեպքում մենք արել ենք հնարավոր ամեն բան՝ լավ պատմություն, լավ սերիալ ստանալու համար. հուսով եմ՝ կգնահատվի:

Երբ գրում էիք «Էլենի օրագրի» սցենարը, պատկերացնո՞ւմ էիք, որ այն կգրանցի նման հաջողություն:

Պատկերացնում էի, որ կսիրվի, որովհետև ես գրելու ընթացքում արդեն սիրում էի իմ հերոսներին ու սիրում էի իմ պատմությունը, բայց այսքան մեծ սերը, այսպիսի արձագանքը հաճելի անակնկալ էր: Առաջին անգամ զգացի դա, երբ նկատեցի, որ սոցիալական ցանցերում մոտ 300 ֆան էջ ունի սերիալը եւ դրանք շարունակում են ավելանալ: Չգիտեմ` նման բան էլի եղել էր, թե ոչ: Երկրորդ անգամ ապացուցվեց սերիալի հանդեպ հետաքրքրությունը, երբ իմացանք, որ այն չորս ամսվա ընթացքում դարձել էր google որոնողական համակարգի 2017թ-ի ամենաորոնված հայկական սերիալը: Ընդհանրապես նախագիծն սկսելուց առաջ երբեք գուշակություն չեմ անում` հաջողություն կունենա, թե ոչ, պարզապես անում եմ իմ աշխատանքը եւ վստահում եմ նրանց, ում հետ աշխատում եմ:

Ի՞նչ եք կարծում՝ ո՞րն էր սերիալի հաջողության գրավականը՝ դպրոցականների մասին պատմությո՞ւնը, դերասանական կա՞զմը, թե՞ այլ բաղկացուցիչներ կային:

Ամեն ինչն էլ ազդեցություն ունեցավ: Դերասանները սիրվեցին անմիջապես, նրանց կերպարները վառ էին, իրենք էլ հրաշալի հաղթահարեցին իրենց առաջ դրված խնդիրը: Ընդհանրապես սա թիմային աշխատանք է, որտեղ եթե որեւէ մեկը թերանա, ամբողջ թիմը կզգա դա: Կարծում եմ` «Էլենի օրագրի» ֆենոմենը պայմանավորված է համաձայնեցված, համերաշխ եւ պատասխանատու թիմային աշխատանքով:

Երբ մի նախագիծ ավարտվում է, երկրպագուները շատ ծանր են տանում սիրելի հերոսների հետ բաժանումը, բայց այդ հերոսները առավել հարազատ են հենց սցենարիստին, որովհետեւ հենց նա է ստեղծում նրանց պատմությունները: Ինչպե՞ս եք հաղթահարում հերոսների հետ բաժանումը:)

Ճիշտ եք: Երբեք ոչ ոք սցենարիստի մասին չի մտածում:) Իհարկե, դժվար է բաժանվելը հերոսներից: Նրանք ինձ շատ հարազատ են դառնում, երբեմն անցած նախագծերը նայելիս հուզվում եմ, կարոտում եմ կերպարներին, ովքեր ամիսներ շարունակ ապրել են գլխիս մեջ ինձ հետ միասին:) Օգնում է հաղթահարել ամեն ինչ նոր նախագիծը, երբ նորից ամբողջովին նվիրվում եմ նոր գործին:

Կա՞ մի կերպար, որի մեջ ներդրել էիք  հենց Ձեր կյանքից մի պատմություն:

Այդպիսի մի քանի դրվագներ կային սերիալում: Լիզայի կերպարը, որն, ի դեպ, իմ ամենսիրելի կերպարներից մեկն էր, հաճախ ասում էր այն ամենն, ինչ դպրոցական տարիներին ես անընդհատ մտածում էի, բայց չէի ասում: Իմ հերոսները ինձ հնարավորություն տվեցին խոսելու այն ամենից, ինչը իմ ժամանակ ես երեւի համարձակություն չեմ ունեցել ասելու: Երկրորդ եթերաշրջանում նույնպես մի քանի դեպք, իրադարձություն նախատեսել եմ գրել, որոնք վերցրել եմ իմ ուսանողական տարիներից:

Անի, Ձեզ հաճախ են գրում սերիալի երկրպագուները: Համոզված եմ՝ առաջարկներ եւ ցանկություններ էլ են գրում կապված հերոսների ճակատագրերի հետ: Սցենարը գրելիս լինո՞ւմ է, որ ընդունեք նրանց առաջարկները:

Ոչ, չեմ կարդում նման նամակները, երբ գրում են, որ առաջարկ ունեն սցենարի հետ կապված, խնդրում եմ, որ չուղարկեն: Մենք իտերակտիվ սերիալ չենք նկարահանում, որտեղ հեռուստադիտողի ցանկությունը, կամ առաջարկը կարելի է ներգրավել սյուժեի մեջ: Դա ոչ պրոֆեսիոնալ եմ համարում: Երկրպագուները պետք է հասկանան, որ ես՝ որպես սցենարիստ, ամեն ինչ անում եմ, որ հենց իրենց հետաքրքիր լինի դիտել, էլ ի՞նչ իմաստ ունի միջամտելը:

Ինչպիսի՞ կերպարափոխություններով են ներկայանալու հերոսները հեռուստադիտողին:

Արտաքին փոփոխությունների հետ կապված երկար քննարկումների մեջ են դերասանները ռեժիսորի եւ ոճաբանի հետ, դեռ չգիտեմ ինչ եզրակացության են եկել, բայց ինչ էլ լինի, կարծում եմ՝ կլինի չափի մեջ եւ տեղին: Իմ կարծիքով հեռուստադիտողներն ավելի հետաքրքրությամբ կհետեւեն հերոսների ներքին փոփոխություններին, քան` արտաքին...

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության