Ամիրյան 3/37 հասցեում գտնող «Սեգաֆրեդո» սրճարանում հոկտեմբերի 12-ին պաշտոնապես բացվեց Սեգաֆրեդո Բարիստա Ակադեմիան, որի նպատակն է Հայաստանում զարգացնել սուրճ պատրաստելու արվեստը` կրթելով փորձառու բարիստաների: Ակադեմիան բացվել է «Ֆիգարո» ընկերության տնօրեն Անի Հովակիմյանի եւ Սարո Եափուճեանի նախաձեռնությամբ եւ ջանքերով:
Ակադեմիայի բացումն անցավ բազմամարդ, մրցույթներով, հյուրասիրությամբ եւ անակնկալներով, ինչպիսին էր, օրինակ, ռուս հայտնի բարիստա, Ռուսաստանի եւ Չինաստանի WBC եւ WCE չեմպիոն Սերգեյ Ստեպանչուկի ներկայությունն ու վարպետության դասը:
««Ֆիգարո» ընկերությունը, որն իր մեջ ներառում է Segafredo, Square One եւ Cinnabon ցանցը, ընդունում է աշխատակիցներին` որպես մատուցող, այնուհետեւ նրանք զարգանում են, աճում ու դառնում են բարիստաներ, մենեջերներ եւ ավելին: Եվ չկար հնարավորություն այն մարդկանց համար, որոնք հայտ էին ներկայացնում բարիստա լինելու համար, իսկ նման մարդիկ շատ են Հայաստանում: Այդտեղից միտք առաջացավ ստեղծել մի հարթակ, որտեղ ցանկացողները կարող են սովորել: Այդպիսով փոխվեց նաեւ մեր աշխատանքի սխեման, այսինքն` մատուցողները կարող են աճել, դառնալ մենեջերներ, բայց եթե նրանք ցանկանում են դառնալ բարիստաներ, ուրեմն պետք է անցնեն հատուկ դասընթացներ: Չէինք սպասում, որ արձագանքներն այդքան մեծ կլինեն, բայց արդեն ունենք երկու ձեւավորված խումբ: Դասընթացներն այնպես կկազմակերպվեն, որպեսզի չխանգարեն դիմողների աշխատանքին կամ դասերին»,-NEWS.am STYLE-ի հետ զրույցում մանրամասնեց Անին, իսկ Սեգաֆրեդո Բարիստա Ակադեմիայի ղեկավար Սարո Եափուճեանը հավելեց, որ դասընթացներին կարող են գրանցվել 16 տարեկանից բարձր անձիք` առանց տարիքային սահմանափակման. «Ամենակարեւորը պատրաստակամությունն է»,-շեշտեց նա,-«Դասընթացները տեւելու են 2 ամիս, որոնց ընթացքում դիմողները կստանան համապատասխան գիտելիք եւ փորձ, իսկ երկու ամիսների ուսուցման գինը կկազմի 180 հազար դրամ»:
Սեգաֆրեդո Բարիստա Ակադեմիայի պաշտոնական բացման արարողության հետաքրքիր մանրամասներին հետեւեք մեր ռեպորտաժում:
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը