• Ինչպես պատրաստել մրգային ժելե

  Տորթ ժելեի պատրաստման եղանակը․․․

• Հնդկական խոհանոցի հետաքրքիր ուտեստի բաղադրատոմս` Սիլվի Բարկովայից

  NEWS.am STYLE-ը Հնդկաստանում բնակվող հայ դերասանուհու հետ զրուցել է տեղի խոհանոցին հարմարվելու, այն յուրացնելու եւ իր նախընտրած ուտեստների մասին...

• Ֆրանսիական հայտնի խնձորով կարկանդակի պատրաստման եղանակը՝ Հայաստանում Ֆրանսիայի դեսպանության խոհարար Ֆրանսիս Էկաուտի կողմից (տեսանյութ)

  Այսօրվա բաղադրատոմսը խնձորով կարկանդակն է, որը Ֆրանսիայում անվանում են Տարտ տատեն/Tarte Tatin...

• Ի՞նչ կերակրատեսակներ պետք է պարտադիր լինեն Սուրբ Զատկի սեղանին

  NEWS.am STYLE-ը ներկայացնում է Սուրբ Զատկին պատրաստվող պարտադիր կերակրատեսակները․․․

• Թթխմորով կեքս Զատիկին ընդառաջ

  Զատկի թխվածքի բույրն ու անկրկնելի համը ոչ ոքի անտարբեր չեն թողնի...

• Հայ հայտնիներ, որոնք համեղ բաղադրատոմսերով են կիսվում իրենց հետեւորդների հետ (ֆոտո)

  NEWS.am STYLE-ը ներկայացնում է նրանցից մի քանիսին...

• Բանանով ՇԵՅՔ 5 րոպեում

  NEWS.am STYLE-ն առաջարկում է պատրաստել Բանանով ՇԵՅՔ․․․

• «Հայաստան ավելի լավ է քաղցած գալ». National Geographic

  Պարբերականը հոդված է նվիրել հայկական խոհանոցին ու գինիներին…

Փախլավան տարածված հրուշակեղեն է, որը պատրաստվում է շերտավոր խմորից օշարակի մեջ թաթախված ընկույզով։ Այն լայնորեն տարածված է Մերձավոր Արեւելքի ժողովուրդների խոհանոցում։ Այդ տարածաշրջանի  յուրաքանչյուր ազգ համոզված է, որ աղանդերի այս տեսակը իր խոհանոցին է պատկանում։ Փախլավա պատրաստում են հայերը, հույները, բուլղարացիները, արաբները, թուրքերը, իրանցիները, իրաքցիները, թաթարները եւ շատ այլ ազգեր։ Սակայն, ինչքան ազգ, այնքան բաղադրատոմս։ Հայաստանում փախլավայի հայրենի քաղաքն է համարվում Գավառը։

Փախլավան բազմաշերտ աղանդեր է, որ պատրաստվում է թղթի բարակություն ունեցող խմորաշերտերից, որոնք պատում են յուղով եւ տեղավորում թավայի մեջ կամ ոլորում են գլանիկների տեսքով։ Աղացած կամ մանր կտրատած հունական ընկույզը լցնում են խմորի շերտերի միջեւ, որոնք մինչ այդ թխում են եւ ներծծում շաքարավազի եւ կիտրոնի հյութի՝ համեմունքներով եւ վարդագույն ջրով օշարակը։ Իհարկե, այս բաղադրատոմսն ունի ամեն շրջանի բնորոշ իր բազում տարատեսակները։

Փախլավա պատրաստելն այնքան էլ հեշտ գործ չէ։ Հիմա, չնայելով դժվարությանը, բոլոր տնտեսուհիներն էլ սովորել պատրաստել ու մեծ հաճույքով եմ դա անում։ 

Անհրաժեշտ բաղադրիչներ՝

յուղ – 350 գր․

թթվասեր – 300 գր․

ձվի դեղնուց – 4 հատ

ձվի սպիտակուց – 4 հատ

ալյուր – 800 գր․

սոդա – 1 թ/գդ

շաքարավազ – 2,5 ճ/գդ

ընկույզ – 400 գր․

մեղր – 2 ճ/գդ

Պատրաստման եղանակը՝

Ալյուրը յուղի հետ լավ խառնել, ավելացնել 3 ձվի դեղնուցը, թթվասերն ու սոդան, խմոր հունցել, գնդել եւ 1 ժամով տեղափոխել սառնարան:

Խմորը հանել սառնարանից, բաժանել 8 գնդերի: Պատրաստել միջուկը: Ընկույզները մանրացնել, վրան լցնել 4 ձվի սպիտակուցներն ու շաքարավազը եւ լավ խառնել: Գնդերն ալյուր ցանած սեղանի վրա լավ գրտնակել:

Յուղապատ տապակի մեջ դնել խմորներն ու յուրաքանչյուրի արանքում միջուկ լցնել: Վերջին շերտի վրա միջուկ չլցնել: Քսել ձվի դեղնուցը, դանակով կտրատել։ Ցանկալի է զարդարել ընկույզներով: Փախլավան տեղափոխել նախօրոք 200 աստիճան տաքացրած ջեռոցը։ Թխել 45-50 րոպե:

Պատրաստ լինելուց 5-10 րոպե առաջ ջեռոցից հանել, վրան լցնել յուղի եւ մեղրի խառնուրդը, ապա կրկին տեղափոխել ջեռոց:

Բարի ախորժակ։

Հետևեք NEWS.am STYLE-ին Facebook-ում, Twitter-ում և Instagram-ում