Գարնանային ավանդույթի համաձայն՝ Սլ. Սպենդիարյանի անվան օպերայի եւ բալետի ազգային ակադմիական թատրոնի տնօրեն եւ գեղարվեստական ղեկավար Կոնստանտին Օրբելյանը գարնան մեկնարկի առթիվ ասուլիս էր հրավիրել: Մաեստրոն շնորհավորեց լրագրողներին գարնան մեկնարկի առթիվ, իսկ կանանց հատուկ ուշադրության արժանացրեց՝ նվիրելով վարդեր:
Ասուլիսի նպատակը թատրոնի գարնանային պրեմիերաների մասին հայտարարելն էր, բայց նախքան դա՝ մաեստրոն հիշեց Սպարապետ Վազգեն Սարգսյանի ծննդյան օրը եւ մեկ րոպե լռությամբ լրագրողների հետ միասին հարգեց նրա հիշատակը:
Ինչ վերաբերում է թատրոնի գարնանային պրեմիերաներին, դրանք կմեկնարկեն մարտի 7-ից՝ Բիզեի «Կարմեն» օպերայի նոր բեմադրությամբ:
«Մեր թատրոնում շատ նորություններ են լինելու: Շուտով կլինի «Կարմեն»-ի գարնանային պրեմիերան՝ նոր դերասանական կազմով:
Համոզված եմ՝ սա հրաշալի իրադարձություն կլինի բոլորի համար, ովքեր սպասում էին այս օպերային: Այն մեկ անգամ արդեն բեմադրվել է Երեւանում՝ նոյեմբերի 10-ին. բեմադրող ռեժիսորը Նաիրե Ստեփանյանն է: Օպերան ներկայացվել է նաեւ Դուբայում»:
Անդրադառնալով մյուս նորություններին՝ մաեստրոն նշեց.
«Գարունը մեզ մոտ շատ բուռն է լինելու:Կունենանք շատ օպերաներ՝ «Աիդա», «Տրավիատա», «Տոսկա», Ռոսինիի «Ճանապարհորդություն դեպի Ռեյմս» օպերայի նոր բեմադրությունը կունենանք: Մեր թատրոնը պատրաստ է, երգիչները պատրաստ են, մնացել են փորձերը: Մի քանի տարի առաջ ներկայացրել ենք նաեւ Ռոսինիի «Մոխրոտը», որը նորից կվերականգնենք: Կլինեն նաեւ հայկական օպերաներ՝ «Անուշը»՝ Անահիտ Մխիթարյանի մասնակցությամբ, «Ալմաստը», «Սայաթ Նովան» ու «Արծվաբերդը», որը տարիներ առաջ ներկայացվել է Արցախում: Կներկայացնենք երեք բալետ Խաչատրյանից՝ «Սպարտակ», «Գայանե» եւ «Դիմակահանդես», կլինի նաեւ «Չիպոլինո» բալետը՝ Խաչատրյանի զարմիկի՝ Կարեն Խաչատրյանի բեմադրության հիման վրա»:
Մաեստրոյի կարծիքով՝ այս ներկայացումները հետաքրքիր կլինեն նաեւ Հայաստան ժամանած զբոսաշրջիկների համար:
Օրբելյանը նշում է՝ իրենք միշտ էլ պատրաստ են հրավիրելու համաշխարհային օպերաներ եւ ճանաչված արտիստների, միակ խնդիրը ֆինանսական հարցերն են:
«Դժվար է գործեր պլանավորել, երբ չգիտես՝ ինչ կլինի վաղը՝ կլինի՞ արդյոք ֆինանսավորում, թե՞ ոչ, բացում, փակում են թատրոններ… Երեկ եղավ հանդիպում Նազենի Ղարիբյանի հետ՝ թատրոնների տնօրենների մասնակցությամբ: Բոլորն էլ տալիս էին միեւնույն հարցը՝ սա ի՞նչ է: Պատասխանն էր՝ դա պարզապես աշխատանքային թուղթ էր, որը հայտնվել է մամուլում: Մի խոսքով, այնպես է ստացվել, որ բոլոր թատրոնները, թանգարաններն այսօր անբացատրելի վիճակում են: Կոնկրետ ոչինչ չասացին, բացի այն, որ այդ աշխատանքային թուղթը պատահականորեն է հայտնվել մամուլում»,-ասաց Օրբելյանը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են