«Գինեկոլոգները գինի պատրաստողներն են»․ «IQ-իկ»-ի 3-րդ թողարկումը

Պահարան. այն ամենն ինչ պարտադիր է ճամպրուկում՝հանգստի մեկնելիս

Ամերիկաբնակների արձագանքը հայկական տեսահոլովակներին. մաս 2` Իվետա Մուկուչյան

«IQ-իկ». Փոքրիկները` լրագրության մասին

Makeup tutorial. ստանում ենք վառ ամառային դիմահարդարում

Ինչպես ընտրել ամառային շապիկներն ու ճիշտ համադրել դրանք

«Իռլանդացին» ֆիլմի առաջին թիզերը

Արտասահմանցիները հայկական տեսահոլովակներ են դիտում

Երկու հայ հանդիպեցին Մոսկվայում․ Հրանտ Թոխատյան եւ Սարիկ Անդրեասյան

NEWS.am STYLE-ը ներկայացնում է․ երեք լուք մեկ ժակետով՝ ոճաբանի խորհուրդները

Դավիթ Պարոնիկյանը, Միշ Ամիրյանը & Co-ն ներկայացնում են. «համեղ» երաժշտություն Smart’n’Special-ից

«Ուզում եմ նստել «Համացանց» անունով ձին». Սարիկ Անդրեասյանն իր Youtube-յան շոուն ունի

«Իտալական մաֆիայի կրտսեր կազմ». հայ երիտասարդը «Лучше всех» հաղորդմանը եկել էր 8-ամյա թարգմանչի հետ

Քիմ Քարդաշյանը վերադարձել է Սպիտակ տուն՝ դատապարտյալներին աջակցելու համար

«Հայաստանը բացահայտումների երկիր է». Միխայիլ Շիրվինդտը Սեւանի ափին խեցգետնով քաբաբ է փորձել

Shabeeg․ խոսող շապիկներ

Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սրբուկը՝ «Եվրատեսիլ»-ի յութուբյան ալիքի դիտումների լավագույն եռյակում. ովքե՞ր են նրա մրցակիցները

16:35, 22 մարտի

«Եվրատեսիլ 2019» մրցույթի մեկնարկին մնացել է երկու ամիս ժամանակ, բայց Հայաստանի ներկայացուցիչ Սրբուկը, կարծես, արդեն տոնում է իր առաջին հաջողությունները մրցույթի շրջանակում:

Երգչուհու Walking Out երգը, որը հեղինակել են Գարիկ Պապոյանը, Lost Capital-ը եւ Tokionine-ը (Դավիթ Բադալյան), թողարկման առաջին իսկ օրվանից արժանացավ հայ երկրպագուների համակրանքին: Հարկ է նշել նաեւ, որ այս տարվա մեր մասնակցի տեսահոլովակը, որի ռեժիսորն Արթուր Մանուկյանն է, բուռն քննարկվեց նաեւ եվրոպացի բլոգերների կողմից:

YouTube-ում տեղադրված քննարկումներում հատկապես ընդգծվում են Սրբուկի վոկալային տվյալներն ու նրա երգի մեսիջը՝ «մի սպանիր սերը, սակայն նաեւ թույլ մի տուր, որ սերը սպանի քեզ»:

Երգի հաղորդագրությունը հասել է նաեւ մրցույթի երկրպագուներին: Այս մասին վկայում են «Եվրատեսիլ»-ի YouTube-ի պաշտոnական էջում տեղադրված տեսահոլովակի դիտումները, որոնք արդեն անցել են 3 միլիոնը:

Սրբուկն ընդհանուր առմամբ ունի 3,3 միլիոն դիտում: Այս ցուցանիշով հայ մաանակիցը YouTube-ում զբաղեցնում է երկրորդ տեղը: Դիտումների առաջատարը շարունակում է մնալ Նիդերլանդների ներկայացուցիչը՝ Դունքան Լոուրենսը: 24-ամյա երգիչը պատմում է իր կոտրված սրտի եւ պարտված սիրախաղի մասին: Arcade երգը Լոուրենսին բերել է 3,5 միլիոն դիտում:

Դիտելիության լավագույն եռյակում է նաեւ Մալթայի ներկայացուցիչը՝ Միշելը, որի տեսահոլովակը մրցույթի պաշտոնական ալիքում դիտել է 2,8 միլիոն մարդ:

Շվեդիան շարունակում է մրցույթում ներկայացնել ուժեղ երգիչներ եւ երգեր: Այս է վկայում նրանց այս տարվա ներկայացուցչի հաջողությունը: Ջոն Լանդվիկի Too Late For Love երգն ունի 1,2 միլիոն դիտում:

Ռուսական շոու-բիզնեսի հայտնի երգիչ Սերգեյ Լազարեւը, որն այս տարի կրկին որոշել է ուժերը փորձել համաեվրոպական հեղինակավոր մրցույթում (երգիչը Ռուսատանը ներկայացրել է նաեւ 2016 թ-ին), եզրափակում է ամենաշատ դիտումներ գրանցած ներկայացուցիչների հնգյակը: Ռուսաստանի ներկայացուցչի Scream երգը հավաքել է 1,1 միլիոն դիտում:

Միլիոնի եզրագիծը հատել են նաեւ Իտալիայի ներկայացուցիչը՝ Մահմուդը եւ Ֆրանսիայի ներկայացուցիչ Բիլալ Հասանին:

Մրցույթի անցած տարվա առաջատարը՝ Իսրայելը, այս պահի դրությամբ ունի 565 հազար դիտում: Այս տարի նախորդ տարվա հաղթող երկիրը մրցույթում կներկայացնի Կոբի Մարիմին՝ Home երգով:

Իսկ Ադրբեջանի ներկայացուցիչ Չինգիզն ունի 878 հազար դիտում:

Չնայած այս ցուցանիշներին՝ մրցույթի երկրպագուներն ու, առհասարակ, «Եվրատեսիլ»-ին ծանոթ մարդիկ չեն շտապում կանխատեսումներ անել, քանի որ հաճախ դիտումներն ու դրական մեկնաբանությունները մրցույթի ավարտին չեն դառնում հաղթանակի ցուցանիշ: Այնուամենայնիվ, նույնիսկ, ամենաքննադատ օգտատերերը, կարծես, թե հավանել են Սրբուկի եվրատեսիլյան երգը, ինչը վկայում են ֆեյսբուքյան գրառումներն ու երգի տակ արված մեկնաբանությունները:

Թե ինչ արդյունք կգրանցի հայ մասնակիցը մրցույթում, եւ արդյոք Հայաստանը կհյուրընկալի եվրոպական հանդիսատեսին մյուս տարի, պարզ կդառնա միայն մայիսին: Մրցույթի առաջին կիսաեզրափակիչը կկայանա մայիսի 14-ին, երկրոդը՝ 16-ին, իսկ եզրափակիչը տեղի կունենա մայիսի 18-ին: Սրբուկը կներկայանա երկրորդ կիսեզրափակչի առաջին մասում: Այս տարի մրցույթը կանցկացվի Իսրայելում՝ Թել Ավիվում՝ 41 երկրների ներկայացուցիչների մասնակցությամբ:

Սյունե Առաքելյան

Լուսանկարները՝ Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ