Հեռուստասերիալներից ու ֆիլմերից հայտնի դերասաններ Մարինա Մնացականյանն ու Սեյրան Մովսիսյանը նշանվել են: Դերասանը շատ յուրահատուկ կերպով է սիրելիին առաջարկություն արել, ինչը ստիպել է Մարինային արտասվել՝ թե վախից, թե երջանկությունից: Թե ինչի մասին է խոսքն ու ինչպես է տեղի ունեցել Մարինայի կյանքի այդ անմոռանալի պահը, դերասանուհին պատմել է NEWS.am STYLE-ին:
Այսպիսով, Մարինան տանն է եղել, երբ Սեյրանն անհանգատացած զանգահարել է ու սիրելիին անհապաղ կանչել աշխատավայր:
«Ինձ համար սա բացարձակ անակնկալ էր: Տանն էի, ժամը երեկոյան 10-ն էր: Սեյրանը զանգահարեց, ասաց, որ շտապ գնամ մեր աշխատավայր, քանի որ խնդիրներ են ծագել: Ու ես այդ պահին կռվի ձայներ եմ լսում ու շտապ դուրս գալիս տանից: Գնամ, տեսնեմ՝ մեր շատ լավ ընկերները միասին վիճում են՝ Սամվելը Դանիելյան, Սիրանուշը Լազյան…Միասին վիճում են ու այնքան բնական են խաղում, որ անհնար էր չհավատալը: Այդպես մոտ 30 րոպե ինձ էլ են խառնում այդ վեճի մեջ, Սեյրանն էլ բարկացած ինձ դուրս է հանում տարածքից՝ ասելով, որ էլ չենք գալու այստեղ, ինչի պատճառով այդ լարվածությունից սկսում եմ լաց լինել: Իսկ հետո շրջվեմ ու տեսնեմ, որ ծնկի է իջել…»,-այսօր արդեն ժպիտով ու էմոցիաներով հիշում է Մարինան՝ հավելելով, որ բնական է սպասում էր, որ մի օր հարաբերություններն անցնելու են ավելի լուրջ փուլ, սակայն այն, ինչ արել է Սեյրանը, մինչ օրս շոկային է թվում դերասանուհուն:
«Գիտե՞ք, չեմ կրող ասել, թե բացարձակ խոսակցություններ չենք ունեցել նշանադրության մասին, բայց այդ պահը շատ անսպասելի էր: Երբեք չէի կարող պատկերացնել, որ նման կերպ կլինի առաջարկությունը, որ կշեղվենք ավանդական գծից ու այս տեսակ նշանադրություն կլինի: Իրականում ես շատ երազկոտ եմ, միշտ պատկերացնում եմ, որ այս պահն այսպես պետք է լինի, սա այնպես պետք է լինի: Իհարկե, սպասում էի, որ Սեյրանը յուրահատուկ կերպով կանի իր առաջարկությունը, բայց որ այդ աստիճան… չէի սպասում: Սպասելիքներս ոչ թե արդարացան, այլ չէի սպասում առհասարակ, շոկային էր… Շնորհակալ եմ նրան»:
Զույգը չի պատրաստվում նշանադրության մեծ խնջույք կազմակերպել, ասում են՝ ընտանեկան փոքրիկ հավաքույթ կունենան.
«Մեր որոշումը մենք արդեն կայացրել ենք, Սեյրանը մատիս մատանի է դրել, ու ես պատասխանել եմ՝ «այո», ուղղակի, բնականաբար, մեր ծնողներն էլ այդ ամենի մասնակիցը կդառնան»:
Նշանադրությանը, բնականաբար, կհաջորդի ամուսնությունը, բայց թե երբ, դերասանուհին դեռեւս դժվարացավ նշել.
«Հաջորդ քայլը հարսանիքն է, որը շատ պատասխանատու արարողություն է: Դեռ հստակ օրը չենք որոշել, բայց մտածում ենք՝ մոտակա ամիսների ընթացքում մի հետաքրքիր բան կազմակերպել»:
NEWS.am STYLE-ը շնորհավորում է Սեյրանին ու Մարինային՝ մաղթելով երջանկություն եւ հարատեւ սեր:
Սյունե Առաքելյան
Լուսանկարները տրամադրել է Մարինա Մնացականյանը
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը