«Միսս Տիեզերք Արմենիա 2019» տիտղոսակիր Դայանա Դավթյանը նոր ֆոտոշարք ունի, որը տրամադրել է NEWS.am STYLE-ին ու պատմել դրա իրականացման, «Միսս Տիեզերք»-ին նախապատրաստվելու, անընդհատ կատարելագործվելու եւ ամառային հանգստի մասին:
Ֆոտոշարքում Դայանան տարբեր կերպարներում է, իսկ մի քանիսում` նույնիսկ «վտանգավոր աղջկա» դերում:
«Կախված ֆոտոշութի տարբեր հագուստներից՝ փորձում եմ կերպարանափոխվել, պատկերացնել ինձ տվյալ դերում: Սակայն կերպարները տարբեր են, եւ կյանքում իմ կերպարը հաստատ վտանգավոր չէ»,-վստահեցնում է նա:
Գեղեցկուհին խոստովանում է` «Միսս Տիեղերք Արմենիա» մրցույթը հաղթելուց հետո տարբեր առաջարկներ է ստանում, հատկապես` ֆոտոշարքերի: Իսկ տարբեր կերպարներով լուսանկարվելը մոդելի համար բարդ չի եղել.
«Մինչ այժմ եղել են տարբեր կերպարներ, սակայն այսպիսին առաջին անգամն էր, բայց բարդություն բոլորովին չառաջացրեց: Հնարավոր է` պատճառն այն է, որ միշտ սիրել եմ թատերական արվեստը»:
Դայանայից հետաքրքրվեցինք նաեւ, թե տիտղոսին արժանանալուց հետո մինչ օրս ինչ փոփոխություններ է նկատել իր մեջ եւ հանրության կողմից.
«Տիտղոս կրելը չափազանց հաճելի է, բայց նաեւ` շատ պարտավորեցնող: Աշխարհի ամենահեղինակավոր եւ ամենամեծաքանակ հետեւորդներ ունեցող գեղեցկության մրցույթին պատվով ներկայանալն ու արժանավայել կերպով երկիրը ներկայացնելը պահանջում է մեծ աշխատանք՝ սկսած լեզվի կատարելագործումից, մինչեւ գաղափարների բարձրաձայնումն ու արտաքինին ու կազմվածքին հետեւելը: Իսկ այդ ամենը պահանջում է շատ ժամանակ եւ էներգիա, մանավանդ ուսանողական կյանքի հետ համատեղելու պարագայում»,-ասում է ու հավելում,-«Շատերը ջերմորեն շնորհավորում են եւ մաղթում հաջողություն: Հարցազրույց եւ շփումներ եմ ունեցել նաեւ արտերկրի հայ համայնքների հետ (մասնավորապես Բրազիլիայի եւ Ֆրանսիայի): Իսկ երբ զգում ես, որ քեզ սրտանց երկրպագում են եւ սատարում քո հայրենակիցները, կարծես` ավելի ես վստահում ուժերիդ եւ ոգեշնչվում»:
Դայանայի համար «Միսս Տիեզերք»-ին մասնակցելը մանկության երազաք է եղել, սակայն 20-ամյա գեղեցկուհին ասում է` այն ժամանակ չէր կարող պակերացնել, որ Հայաստանը երբեւէ կունենա այդ իրավունքը:
«Ես շատ հպարտ եմ, որ այս շքեղ ու հեղինակավոր մրցույթում, որտեղ Հայաստանը ներկայանում է երկրորդ անգամ, այս երկրորդ տարում ինձ է հնարավորություն ընձեռնվել ներկայացնել երկիրս»:
Մինչ «Միսս Տիեզերք»-ի նախապատրաստական փուլը մոդելը հասցրել է վայելել ամառային հանգիստը.
«Քանի որ շուտով մեկնելու եմ մրցույթի, ըստ երեւույթին` ոչ մոտ երկիր, որոշեցինք ամռանը հեռու տեղ չմեկնել եւ մնալ հայրենիքում: Հանգստացա Սեւանի ափին»:
Դայանան արդեն ակտիվորեն նախապատրաստվում է մրցույթին. «Կատարելագործում եմ անգլերենս, զբաղվում եմ ֆիթնեսով, մասնացում եմ բազմատեսակ ֆոտոշութերի, աշխատում եմ մրցույթին անհրաժեշտ գաղափարախոսությունների շուրջ»:
Մրցույթից հետո Դայանան պատրաստվում է կատարել դիպլոմային աշխատանքը, այնուհետեւ՝ շարունակել ուսումը գրաֆիկական դիզայն մասնագիտությամբ:
Սյունե Առաքելյան
Լուսանկարները՝ Mika Gal Photography
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը