Այսօր՝ հոկտեմբերի 31-ին, աշխարհի մի շարք երկրներում նշում են «Հելոուինը»՝ տոն, որը սկիզբ է առել Մեծ Բրիտանիայի եւ Հյուսիսային Իռլանդիայի տարածաշրջանում, եւ որը տոնում են բոլոր սրբերի օրվա նախօրեին: Ըստ ավանդույթի՝ այս օրը մարդիկ քողարկվում են սարսափազդու դիմակների ներքո: Այդպիսի կերպարների այսօր շատ կհանդիպեք նաեւ երեւանյան փողոցներում: Ու թեեւ այս տոնը ոչ մի առնչություն չունի հայերի ու Հայաստանի հետ, մեր երկրում երիտասարդները եւս վերջին տարիներին ակտիվորեն նշում են այն՝ դիմակներով եւ թեմատիկ երեկույթներով:
Քանի որ Հայաստանն էլ անմասն չէ տոնից, NEWS.am STYLE-ը որոշեց ֆոտոշարք իրականացնել մոդելներ Թերեզա Մարտիրոսյանի, Մարիամ Դավթյանի, Անելյա Գուբրյանի եւ Լյուսի Հայրապետյանի մասնակցությամբ, որում փորձել ենք «Հելոուինը» միքսել նորաձեւության հետ: Աղջիկների հետ զրուցել ենք նաեւ տոնի հանդեպ իրենց վերաբերմունքի, վախերի եւ ֆոբիաների մասին: Իսկ, թե ինչպես է անցել մեր ֆոտոշարքի նկարահանման ընթացքը, դիտեք տեսանյութում:
Թերեզա Մարտիրոսյան. «Առաջին անգամ եմ նման կերպարում»
Ո՞րն է «Հելոուինի»` քո տեսած ամենասարսափելի կերպարը:
Առաջին կերպարս է նման ժանրի մեջ, որովհետեւ առանձնապե չեմ սիրում «Հելոուինը», չեմ նշում մեծ շուքով ու եթե անկեղծ՝ շատ չեմ ուսումնասիրել այդ տոնի մասին: Գուցե, իրականում այն մեծ նշանակություն ունի դրսում, բայց մեզ մոտ մեծ ուրախությամբ չեն նշում, թեպետ կան երիտասարդներ, որոնք ինչ-որ կերպ տոնում են: Ինքս սարսափ ժանրի սիրահար չեմ, անգամ նման ֆիլմեր չեմ դիտում:
Մանուկ ժամանակ ունեցե՞լ ես վախեր, որոնք հաղթահարել ես:
Կոնկրետ վախեր չեմ ունեցել, չեմ հիշում, որ ինչ-որ բան ինձ վրա հետք թողած լինի: Կառանձնացնեմ, թերեւս, ջրից վախը՝ կլինի լողավազանում, թե ծովում: Ջրից ֆոբիա ունեմ:
Երբ վախեցած ես լինում, ի՞նչն է քո արտաքինում քեզ մատնում:
Առհասարակ, ես էմոցիոնալ մարդ եմ, երբ ինչ-որ բանից վախեցած եմ, կամ մի բան ինձ դուր է գալիս, մի բան՝ ոչ, դա միանգամից երեւում է իմ դեմքից, իմ ժեստերից:
Ի՞նչն է քեզ համար սարսափելի գեղեցիկ:
Այդպիսի հասկացություն ես չեմ պատկերացնում: Իմ կարծիքով դրանք տարբեր բաներ են:
Միստիկ երեւույթներին հավատո՞ւմ ես. զգացե՞լ ես քո կյանքում:
Իմ կյանքում չեմ զգացել, բայց, այո, հավատում եմ:
«Հելոուինի» տոնակատարություններին մասնակցե՞լ/մասնակացո՞ւմ ես:
Երբեւիցե չեմ մասնակցել, այս ֆոտոշարքում էլ առաջին անգամ եմ նման կերպարում: Չգիտեմ՝ հետագայում ինչպես կլինի, բայց անկեղծ ասած՝ չեմ կարծում՝ երբեւէ կցանկանամ մասնակցել դրան:
«Հելոուինը» ինչի՞ հետ ես ասոցացնում:
Կոնկրետ բանի հետ չեմ ասոցացնում, իրական պատմությունը չեմ ուսումնասիրել, բայց նկատել եմ, որ մարդիկ հաճախ «Հելոուինը» խառնում եմ դիմակահանդեսի հետ, սակայն ըստ իս՝ դրանք տարբեր բաներ են:
Մարիամ Դավթյան. «Չեմ սիրում այս տոնը»
Ինչպե՞ս կբնութագրես քո կերպարը:
Ես «Դիսնեյի» նոր հերոսուհին եմ՝ Մարիամիսենտեն (ծիծաղում է): Ինչո՞ւ ոչ՝ շատ բարի ու խորհրդավոր կերպար, որը շատ սիրեցի:
Ո՞րն է «Հելոուինի»` քո տեսած ամենասարսափելի կերպարը:
Օհ, չեմ կարող մտաբերել, քանի որ այնքան էլ հետաքրքրված չեմ այս տոնով, բայց ինձ համար բոլոր չար կերպարներն էլ սարսափելի են:
Մանուկ ժամանակ ունեցե՞լ ես վախեր, որոնք հաղթահարել ես:
Մանուկ ժամանակ վախենում էի Մեշոկ պապիկից, որն իմ հետեւից կգար, եթե հացս չուտեի, նաեւ՝ մեր հարեւանի շնից՝ Արջուկից: Իսկ հիմա չեմ հավատում Մեշոկ պապիկի գոյւթյանը, իսկ շներին շատ եմ սիրում:
Ինչի՞ց ես վախենում այսօր:
Սիրելի ու հարազատ մարդկանց կորստից…
Երբ վախեցած ես լինում, ի՞նչն է քո արտաքինում քեզ մատնում:
Քանի որ շատ էմոցիոնալ եմ, հեշտ եմ մատնվում՝ ժեստեր, միմիկաներ…
Ի՞նչն է քեզ համար սարսափելի գեղեցիկ:
Երբ հոգին ու մարմինը ներդաշնակ են, երբ լույս կա մարդու մեջ, աչքերում՝ պարզություն, իսկ սրտում՝ սեր…
Միստիկ երեւույթներին հավատո՞ւմ ես. զգացե՞լ ես քո կյանքում:
Մենք տեսնում ենք այն, ինչին հավատում ենք: Ես՝ ինքս, դեռ չեմ զգացել, թեպետ շրջապատում շատ եմ լսում միստիկ պատմություններ:
«Հելոուինի» տոնակատարություններին մասնակցե՞լ/մասնակացո՞ւմ ես:
Չեմ մասնակցել, չեմ սիրում այդ տոնը: Այն իր մեջ ինչ-որ սատանայական բան ունի: Չնայած իր պատմությանը՝ ես կարծում եմ՝ այն որեւէ մեծ նշանակություն չունի:
«Հելոուինը» ինչի՞ հետ ես ասոցացնում:
Դդմիկների… շատ ու շատ դդմիկների…
Անելյա Գուբրյան. «Իրականում էլ աչքերիս տակ նման կապտուկներ կան հիմա»
Ինչպե՞ս կբնութագրես քո կերպարը:
Որքան էլ տարօրինակ հնչի՝ իմ կերպարին հումորով եմ մոտենում, նրան տվել եմ «Քննություններին պատրաստվող ուսանող» անվանումը (ծիծաղում է): Աչքերի տակի կապտուկները լիովին նկարագրում են իմ ներկայիս իրավիճակը, քանի որ առջեւում քննություններն են ու ես շատ քիչ եմ քնում, պարապում եմ: Իրականում էլ աչքերիս տակ նման կապտուկներ կան հիմա (ծիծաղում է):
Ո՞րն է «Հելոուինի»` քո տեսած ամենասարսափելի կերպարը:
Վերջերս Instagram-ում տեսա ամերիկացի հայտնի մի դիմահարդարի ստեղծած կերպարը, որում աղջկա պարանոցն ամբողջությամբ սեւ էր, կոկորդը՝ քրքրված, մի խոսքով՝ զարհուրելի ու ստացված կերպար էր:
Մանուկ ժամանակ ունեցե՞լ ես վախեր, որոնք հաղթահարել ես:
Առանձնապես ինչ-որ վախ չեմ ունեցել, բայց միշտ վախեցել եմ կորցնել մայրիկիս՝ ամբոխի մեջ (ծիծաղում է):
Ինչի՞ց ես վախենում այսօր:
Չգիտեմ՝ կարելի է դա վախ համարել, թե ոչ, բայց վերջերս սկսել եմ վախենալ անիմաստ ժամանակ վատնելուց: Ժամանակը շատ թանկ է, ու վախենում եմ այն վատնել սխալ մարդկանց, սխալ աշխատանքի վրա ու հետո չկարողանալ վերադարձնել...
Երբ վախեցած ես լինում, ի՞նչն է քո արտաքինում քեզ մատնում:
Կարծում եմ՝ այդքան արտաքինս չի մատնում, որքան՝ ձայնս: Երբ վախենում եմ, շատ բարձր եմ սկսում արձագանքել կամ խոսել, բայց շատ արագ հավաքում եմ ինձ:
Ի՞նչն է քեզ համար սարսափելի գեղեցիկ:
Կյանքը… Կյանքն ինձ համար սարսափելի գեղեցիկ երեւույթ է՝ իր բոլոր անսպասելի իրադարձություններով, նվերներով, լավ, թե վատ հիշողություններով ու օրերով…
Միստիկ երեւույթներին հավատո՞ւմ ես. զգացե՞լ ես քո կյանքում:
Շատ եմ հավատում էներգետիկ դաշտին՝ դրական, թե բացասական: Միստիկ երեւույթները եւս տեղ են գտել մեր կյանքում, մեր աշխարհում, մեր մոլորակում: Դրանց շատ եմ ուշադրություն դարձնում, ու երբ սկսում ես ուսումնասիրել, իսկապես,հավատում ես դրանց գոյությանը:
«Հելոուինի» տոնակատարություններին մասնակցե՞լ/մասնակացո՞ւմ ես:
Փոքր ժամանակ մասնակցել եմ ամերիկահայերի կողմից կազմայկերպված երեկույթներին: Հիմա չեմ մասնակցում… Դա մեր տոնը չեմ համարում, դրա համար էլ երեւի որեւէ եռանդ չեմ զգում դրա հանդեպ:
«Հելոուինը» ինչի՞ հետ ես ասոցացնում:
«Հելոունիը» ունեցել է իմաստ, երբ ստեղծվել է. դրա մասին կարդացել եմ, ուսումնասիրել եմ, բայց հիմա դա ավելի շատ վերածել են խնջույքի, տոնակատարության, ազատ ժամանակ անցկացնելուն: Բուն «Հելոուինը» նշվում է այն երկրներում, որտեղ հիմնադրվել է, մնացած երկրներում այն ուրախության առիթ է դաձել:
Լյուսի Հայրապետյան. «Չեմ ընդունում, երբ մարդիկ իրենց չափից շատ սարսափելի ու տգեղ են դարձնում»
Ինչպե՞ս կբնութագրես քո կերպարը:
Առօրյա սարդոստայնից մի հատված՝ իմ դեմքին…
Ո՞րն է «Հելոուինի»` քո տեսած ամենասարսափելի կերպարը:
Ինձ համար բոլոր զզվելի, տգեղ կերպարները, միշտ լինում են սարսափելի: Առհասարակ, «Հելոուինի» ժամանակ որեւէ երեկույթի գնալու ցանկությունը հիմնականում շատ քիչ է լինում, որովհետեւ չեմ ընդունում, երբ մարդիկ իրենց չափից շատ սարսափելի ու տգեղ են դարձնում:
Մանուկ ժամանակ ունեցե՞լ ես վախեր, որոնք հաղթահարել ես:
Այո, հստակ հիշում եմ՝ խաղերից եկել էր մի վախ՝ վախ պարտված լինելու: Հետո հասկացա, որ չկան պարտվածներ եւ հաղթողներ, ուղղակի կան ավելի շատ ձգտողներ ու ավելի շատ բաների հասնողներ, դրա համար էլ այդ վախը չունեմ այսօր:
Ինչի՞ց ես վախենում այսօր:
Վատ էներգիա ունեցող մարդկանցից, որովհետեւ նրանք ազդում են իմ ամբողջ օրվա վրա:
Երբ վախեցած ես լինում, ի՞նչն է քո արտաքինում քեզ մատնում:
Ենթադրում եմ՝ աչքերս եւ ժեստերս, հատկապես՝ ձեռքերիս ժեստերը շատ ակտիվ են:
Ի՞նչն է քեզ համար սարսափելի գեղեցիկ:
Օվկիանոսը, մայրամուտը, փոքրիկ լացող բալիկը, քնից նոր արթնացած, չշպարված աղջիկը՝ իր երկու հակասող տարբերակով (ժպտում է):
Միստիկ երեւույթներին հավատո՞ւմ ես. զգացե՞լ ես քո կյանքում:
Այո, հավատում եմ, ու կյանքումս եղել են պահեր, որ զգացել եմ, բայց չեմ խոսի դրանց մասին:
«Հելոուինի» տոնակատարություններին մասնակցե՞լ/մասնակացո՞ւմ ես:
Մասնակցում եմ՝ որպես կանոն զուտ նրա համար, որ առիթ ունեմ լինելու «վախենալու տիկնիկ»-ի կերպարում, բայց երբեք չեմ եղել սարսափելի տիկնիկ՝ ուղղակի՝ մի քիչ հոգնած ու կարմրած աչքերով: Կարծում եմ՝ «Հելոուինը» նաեւ լավ առիթ է, որ ընկերներով հավաքվենք, որովհետեւ այդ օրը տարբեր հետաքրքիր միջոցառումներ լինում են քաղաքում:
«Հելոուինը» ինչի՞ հետ ես ասոցացնում:
Մռայլ, զզվելի, մութ, անհասկանալի երեւույթների հետ:
Լուսանկարները՝ Արսեն Սարգսյանի
Տեսանյութը՝ Մելինե Տոնոյանի
Հարցազրույցը՝ Սյունե Առաքելյանի
Համագործակցության համար շնորհակալ ենք՝
Jena Art բրենդին (դիզայներ՝ Ժենյա Ասատրյան)` զգեստների համար,
Aga Kankanyan Image Studio-ին՝ դիմահարդարման համար,
Ջեք Թեքեյանին՝ Լյուսիի եւ Թերեզայի վարսահարդարման համար
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը