Ինչո՞ւ՝ սա թերեւս ամենահաճախ տրվող հարցն է բոլոր ոլորտներում: Այս հարցին իր նոր տեսահոլովակում անդրադարձել է նաեւ երգչուհի Աստղիկ Սաֆարյանը, որը NEWS.am STYLE-ին տրամադրել է նոր աշխատանքի բեքսթեյջի լուսանկարներն ու պատմել երգի ստեղծման, տեսահոլովակի նկարահանման եւ կարատինը Բարսելոնայում անցկացնելու մասին:
Երգչուհին նշում է, որ տեսահոլովակը նկարահանել են 2019 թ-ի ամռանը, սակայն քանի որ եթերում արդեն հեռարձակվում էր իր «Suerte» երգի տեսահոլովակը, «Ինչու»-ի պրեմիերան հետաձգվել էր բավական երկար ժամանակով:
«Երգը նոր ստեղծագործություն է, երաժշտության հեղինակն ինքս եմ, իսկ բառերը գրել եմ երիտասարդ բանաստեղծուհի Լաուրա Հովհաննիսյանի բանաստեղծության հիման վրա: Ի սկզբանե, երբ նա գրել է այդ ստեղծագործությունը, ցանկացել է, որ այն երգ դառնա: Թեման ինձ հոգեհարազատ թվաց, քանի որ ինձ հետ նման իրավիճակներ պատահել էին, եւ, գուցե, հենց դրա շնորհվ էր, որ կարողացա բանաստեղծությունը վերածել երգի խոսքերի եւ դրա հիման վրա երաժշտություն գրել: Գործիքավորումն արել է Aram Rian-ը, իսկ ռեժիսորը Վարուժան Գալթակյանն է, օպերատոր՝ Հովհաննես Պողոսյան: Նրանց հետ աշխատել ենք նաեւ իմ «Օ, քամի, քամի» տեսահոլովակի շուրջ: Կերպարներիս ոճով ու դիզայնով ինքս եմ զբաղվել՝ համագործակցելով դիմահարդար Լիդիա Ավետիսյանի եւ վարսահարդար Հռիփսիմե Մանավազյանի հետ»:
«Ինչու» երգի տեսահոլովակը նկարահանվել է Բյուրականում: Երգչուհին հիշեց նաեւ գործընթացի հետաքրքիր մանրամասները.
«Քանի որ տեսահոլովակն ունի սյուժե, շատ վաղ առավոտից մենք ամբողջ թիմով արդեն Բյուրականում էինք լինում, որպեսզի կարողանայինք իրականացնել սյուժեին համապատասխան նկարահանումները: Այնուհետեւ վերադարձել ենք Երեւան ու այստեղ շարունակել նկարահանումները տեսահոլովակի հերոսի հետ, որի դերում հանդես է եկել տաղանդավոր լուսանկարիչ Մանչ Վարդանյանը: Այդ տեսարանները ներկայացված են, իբրեւ իմ հուշերից հատվածներ»:
Աստղիկն իր կարանտինն անցկացնում է Բարսելոնայում: Ասում է՝ շատ էր ցանկանում տեսահոլովակը ներկայացնելու ժամանակ լինել Երեւանում, սակայն ստեղծված իրավիճակի պատճառով չստացվեց: Այնուամենայնիվ, երգչուհին որոշեց իր վառ տեսահոլովակով բարձրացնել իր երկրպագուների տրամադրությունն այս օրերին:
«Կարանտինի առաջին օրից փորձում եմ դրական տրամադրություն պահել, զբաղվում եմ ինքնակրթմամբ՝ գրքեր եմ կարդում, ֆիլմեր դիտում, փորձում տան պայմաններում զբաղվել սպորտով, ավելի շատ եմ խորհում: Փորձում եմ այնպես անել, որ ստեղծված իրավիճակն ի օգուտ ինձ ծառայեցնեմ: Դեռ ստացվում է (ժպտում է)»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար