Սիրելի ընթերցողներ, արդեն մեկ ամսից ավելի է մեր ամբողջ կապույտ երկրագունդը կարանտինի մեջ է... Այդքան երկար չորս պատերի մեջ նստելն անհարմարվետ է, դեպրեսիվ: Մենք որոշեցինք գոնե փոքր-ինչ գունավորել ձեր ինքնամեկուսացումը եւ թոփ ֆիլմերի ցանկ կազմել, որոնք, ըստ էության, համահունչ են մեր ապոկալիպտիկ առօրյային:
Թոփի առաջին մասի հետ կարող եք ծանոթանալ այստեղ: Դե, իսկ մենք առաջ ենք շարժվում:
«Ուղեւորները»
2016 թվական
5000 ուղեւորով տիեզերանավը, որոնք թռիչքի ընթացքում արհեստական քնի մեջ են, ուղեւորվում է դեպի այն մոլորակը, որը նրանց նոր տունը կդառնա: Ամեն ինչ ընթանում է ըստ պլանի, սակայն համակարգի անսարքության պատճառով երկու ուղեւոր անսպասելիորեն արթնանում է եւ հասկանում, որ մինչեւ վերջնական կետը դեռ 90 տարվա ճնապարհ կա, եւ նրանց վիճակված է իրենց կյանքի մնացած մասը երկուսով անցկացնել տեխնոլոգիաների վերջին ճիչով հագեցած տիեզերանավի շքեղ ինտերիերում:
«Մարսեցին»
2015 թվական
«Արես -3» առաքելությունը դեպի Մարս աշխատանքի ընթացքում ստիպված էր շտապ լքել մոլորակը` վրա հասնող ավազե փոթորիկի պատճառով: Ինժեներ եւ կենսաբան Մարկ Ուոթնին վնասվածք է ստացել: Առաքելության աշխատակիցները, նրան մահացած համարելով, տարհանվել են մոլորակից` Մարկին մենակ թողնելով:
Ուշքի գալով՝ Ուոթնին բացահայտում է, որ կապը Երկրի հետ բացակայում է, բայց, ընդ որում, կենդանի մոդուլն ամբողջությամբ գործում է: Գլխավոր հերոսը սկսում է միջոցներ փնտրել առկա պահուստներով 4 տարի` մինչեւ հաջորդ առաքելության ժամանումը, դիմանալու համար:
«Ես լեգենդ եմ»
2007 թվական
Անհայտ վիրուսը խլել է աշխարհի բնակչության կեսի կյանքը, իսկ մնացած կեսին վամպիրների է վերածել: Միակ կենդանի մնացած մարդը, ով իմունիտետ ունի հիվանդության նկատմամբ, գիշերային ժամերին, պաշարում է վամպիրներին, իսկ ցերեկը փորձում է հակաթույն գտնել եւ պարզել համաճարակի պատճառները:
«Հեռախոսային խցիկը»
2002 թվական
Ի՞նչ կանեք, եթե լսեք, թե ինչպես է հեռախոսազանգ հնչում հեռախոսային խցիկում: Ամենայն հավանականությամբ, բնազդաբար կվերցնեք հեռախոսը, չնայած, շատ լավ գիտեք, որ ինչ-որ մեկը պարզապես սխալ է զանգել: Սյուին թվում է, որ զանգին պետք է անպայման պատասխանել, իսկ արդյունքում նա մի հրեշավոր խաղի մեջ է ներքաշվում: «Միայն թե անջատիր հեռախոսը` եւ դու դիակ ես»,- ասում է նրան անտեսանելի զրուցակիցը:
«127 ժամ»
2010 թվական
Ձորերում թաքնված քարանձավների սիրահարը եւ անզսպելի ժայռեր մագլցողը հերթական անգամ միայնակ հայտնվում է մահվան թակարդում: 127 ժամ առանց սննդի, առանց ջրի եւ ողջ մնալու գրեթե ոչ մի հույսի:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով