• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Օլյա Հակոբյանն արդեն երկար ժամանակ իր առօրյայի անբաժան մասն է դարձրել մարմնամարզումները. սպորտը դերասանուհուն կոփել է ոչ միայն արտաքուստ, այլեւ ներքուստ:

NEWS.am STYLE-ի «Գեղեցկության գաղտնիքներ» խորագրի շրջանակում Օլյան կիսվել է ինքնավստահության ու հմայքի իր մոտեցումներով:

Սովորաբար, մեր այս կամ այն որոշումը պայմանավորված է լինում կյանքի որոշակի գործոնով, սակայն Օլյան նշում է` կտրուկ սպորտային ապրելակերպին անցնելն իր դեպքում որեւէ արտաքին ազդակի հետ կապված չէ:

«Այնպես չէ, որ ինչ-որ բան եղավ, որից հետո որոշեցի մարզվել, միշտ էլ սիրել եմ սպորտը: Պարզապես, հիմա երեխաներս ավելի մեծ են ու կարող եմ ժամանակ տրամադրել դրան»,-անկեղծանում է դերասանուհին` հավելելով, որ մարզվել սկսել է ոչ թե կիլոգրամներ կորցնելու, այլ մարմնի ու հոգու ամրության համար:

«Իրականում քաշիս մեջ մեծ տարբերություն տեղի չի ունեցել. սովորաբար, երբ նոր ես սկսում մարզվել ու ծանր քաշեր ես բարձրացնում, հակառակն է տեղի ունենում` քաշդ ավելանում է, որովհետեւ մկաններ ես զարգացնում, հետո սկսվում է ճարպն այրելու պրոցեսը, ու գալիս ես ինչ-որ մի չափսի»:

Միշտ ինքնավստահ եւ հմայիչ տեսք ունեցող դերասանուհին փաստում է, որ իր կյանքում էլ ոչ միշտ է ամեն ինչ այնքան հարթ լինում, որքան թվում է առաջին հայացքից.

«Շատ ուրախ եմ, որ ստեղծում եմ ինքնավստահ կնոջ տպավորություն: Իհարկե, իմ կյանքում էլ եղել են ոչ այնքան հաջող շրջաններ, բայց եթե ասեմ, թե դրանցից դրդված շատ գլոբալ փոփոխություններ եմ արել արտաքինումս, ճիշտ չի լինի: Միգուցե, այդ օրն ավելի սիրուն կամ էպոտաժային հագնված լինեմ, որ ինձ լավ զգամ, բայց բնավորությունս այնպիսին է, որ ինձ մոտ սթրեսն ու դեպրեսիան երկար չեն տեւում, ես շատ շուտ հետ եմ գալիս, որովհետեւ սիրում եմ կյանքը, ինձ, ու շնորհակալ եմ, որ ապրում եմ հենց այս պայմաններում»:

Դերասանուհու խոսքով` սպորտը նաեւ օգնում է հաղթահարել բարդույթները.

«Բարդույթներ ունի յուրաքանչյուր մարդ: Դրանցից որոշները շտկվել ու շարունակում են շտկվել սպորտի միջոցով, որովհետեւ այն ուղղում, գեղեցկացնում է ոչ միայն արտաքին, այլեւ ներքին աշխարհդ»:

Անդրադառնալով իր արտաքին առավելություններին` Օլյան նշում է.

«Եթե արտաքին ամենասիրելի գծի մասին է խոսքը` միանշանակ, սիրում եմ իմ աչքերը: Իսկ ընդհանրապես ես անթերի չեմ, բայց ես ինձ սիրում եմ: Չեմ ուզում, օրինակ, վիրահատել իմ քիթը, որն իդեալին մոտ չէ, բայց ինձ դուր է գալիս»:

Խոսելով մարզումների մյուս առավելությունների մասին` դերասանուհին հավելեց.

«Դարձել եմ տեսակով ավելի կարգապահ: Իհարկե, չհաշված այս կարանտինային օրերը, ես ամեն առավոտ պետք է գնամ մարզասրահ: Դա ոչ միայն իմ մարմնի համար է. ես դրանով իմ օրն եմ սկսում, որը հետո շարունակվում է ավելի երջանիկ ու ուրախ»:

Իսկ սննդի հարցում Օլյան իրեն չի սահմանափակում.

«Եթե ասեմ, թե միայն առողջ սնունդ եմ օգտագործում, սուտ կլինի: Ես ինձ թույլ եմ տալիս ուտել շատ տարբեր բաներ, որովհետեւ կարծում եմ, որ այս կյանքում համեղ սնվելը շատ մեծ կարեւորություն ունի. դա էլ է մարդու ներսում երջանկության հորմոններ արտադրում: Ես ինձ երջանիկ չեմ զգա, եթե ինձ իսպառ զրկեմ ամեն ինչից»,-ասում է նա:

Հարցին` արդյոք արտաքի՞նն է ազդում ներքինի վրա, թե՞ հակառակն է, դերասանուհին պատասխանց.

«Ես կասեի` ամեն ինչ փոխկապակցված է: Եթե դու տխուր ես, կարծում եմ` ամենալավ արտաքինն անգամ քեզ չի օգնի, բայց գեղեցիկ լինելն, իհարկե, բարձրացնում է տրամադրությունը»:

Սյունե Առաքելյան

Լուսանկարները՝ Պարգեւ Այդինյանի եւ Օլյա Հակոբյանի անձնական արխիվից

Հետևեք NEWS.am STYLE-ին Facebook-ում, Twitter-ում և Instagram-ում