• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

«Միսս Հայաստան 1998», «Միսս ԱՊՀ 1999», «Միսիս Գլոբ 2009» տիտղոսակիր Գոհար Հարությունյանը ընտանեկան նոր ֆոտոշարք ունի, որն իրականացրել են լուսանկարիչ Էդգար Մարտիրոյանի հետ: Լուսանկարներում գեղեցկուհի եւ պրոֆեսիոնալ մոդել մայրիկին բոլորովին չեն զիջում նրա հինգ երեխաները, որոնց մասին էլ ծավալվել է Գոհարի հետ NEWS.am STYLE-ի նոր զրույցը, որը լուսանկարներին կից` ներկայացնում ենք ձեր ուշադրությանը:

Ով ինչպես է տրամադրվում...

Գոհարը նշում է` Էդգար Մարտիրոսյանի հետ աշխատել են նաեւ Kids Fashion նախագծի շրջանակում եւ «Միսս Արմենիա» գեղեցկության մրցույթի ժամանակ:

«Նրա հետ թե´ աղջիկները, թե´ երեխաները անկաշկանդ ու սիրով են լուսանկարվում: Իմ վերջին բոլոր հաջողված լուսանկարները նույնպես Էդգարի գործերից են: Լուսանկարվելու ծրագրեր միշտ լինում են: Իմ հարցազրույցների համար անձնական եւ ընտանեկան ֆոտոներ են պետք լինում եւ, պարբերաբար, դրանք հարկավոր է լինում թարմացնել: Երեխաներին ես ամբողջ օրը լուսանկարում եմ հեռախոսով, բայց լավ չի ստացվում: Տասնյակ նկարների միջից ոչ մեկից գոհ չեմ լինում: Դա էր պատճառը, որ մի քանի օր հետաձգելուց հետո կազմակերպեցինք ֆոտոշութը»,-անդրադառնալով ֆոտոշարքի գաղափարին` նշեց Գոհարը` խոստովանելով.

«Պրոֆեսիոնալ ֆոտոսեսիա կազմակերպելը մեծ ջանքեր է պահանջում: Այս անգամ որոշել էինք իմ ու մեծ աղջիկներիս մազերը մեկ օր առաջ հյուսել, որ գարնանային ալիքներ ունենայինք: Հետո սկսվում է բոլորի հագուստների հարցը: Պետք է անել այնպես, որ ընտանեկան լուսանկարում գույները համահունչ լինեն, բայց անհատապես բոլորին իր հագածը դուր գա, այլապես անտրամադիր կնկարվեն: Նաեւ պետք է փոքրերին «կաշառել», որ ենթարկվեն: Առաջ մեծ աղջիկներիս հետ նույնպես շատ դժվար էր, բայց հիմա քանի որ առաջին տարին է, ինչ գրանցվել են սոցցանցերում, ուզում են նոր նկարներ ունենալ, հետեւաբար` ինձ օգնում են: Մենուան նույնպես սիրում է լուսանկարվել, բայց միշտ ինչ-որ կռիվ է սկսվում երեխաների մեջ, նեղանում, գնում են, հետո հազիվ հետ ենք բերում, այդ ընթացքում զույգերն են տարբեր կողմեր փախչում: Նկարի մեջ միշտ ինչ-որ մեկը լացում է, կամ` լավագույն դեպքում միայն դժգոհ հայացքով է: Այդ ժամանակ ես միշտ մտածում եմ` ես լավ նկարվեմ, քանի որ շատ անգամ իրենք լավ են դուրս գալիս, ես` ոչ»:

5 երեխա՝ 5 տարբեր գույն...

Գեղեցկուհին 5` մեկը մյուսից տարբեր ու գեղեցկադեմ երեխաների մայր է, որոնք որքան նման են, նույնքան էլ` տարբեր: Գոհարը բնութագրում է, թե երեխաներից յուրաքանչյուրն ինչ յուրահատուկ գիծ ունի.

«Մելինեն ամենաշատն է բնավորությամբ ինձ նման` պարտաճանաչ է, աշխատասեր, օգնության է հասնում բոլորին, պատասխանատու եւ լուրջ բնավորություն ունի: Մեր բախտը բերել է, որ հենց նա է մեր տան մեծ երեխան: Ինքը իմ լավագույն ընկերն է, ով մշտապես իմ մասին հոգ է տանում:

Բիայնան ավելի շատ իր հայրիկին է նման` հանգիստ, ծիծաղկոտ, ինքնակենտրոնացած: Բիայնան շատ հաջողակ է կյանքում, իր մոտ ամեն բան ավելի հեշտ է ստացվում, քան ավելի շատ ուժ ու եռանդ գործադրող Մելինեի: Մելինեն զբաղվում է վոկալով եւ կիթառի դասերի է հաճախում, սիրում է Մայքլ Զեքսոնին, գիտի բոլոր երգիչների անուններն ու կենսագրությունը: Սիրում է ամեն բան խորացված ուսումնասիրել, գիրք կարդալ: Մելինեն չի սիրում հեռախոսային խաղեր ու չունի դրանցից կախվածություն: Ինքնուրույն հանձնում է հեռախոսն ու խնդրում, որ անջատեմ ու իրեն չտամ:

Բիայնան այս տարի հաճախեց «Տրիո Ստուդիո»-ի դերասանական խմբակ, եւ օգոստոսին նկարահանվելու է «Դեպի ճամբար» սիթքոմում, մարմնավորելու է գլխավոր դերերից մեկին: Նաեւ վերջերս նրան ընտրել էին գովազդային հոլովակում նկարահանվելու համար: Բիայնան շատ է ուրախանում իր հաջողությունների համար ու լրջորեն փորձում վերհիշել դերասանական հմտությունների դասերը:

Մենուաս ջենտլմեն է, ռոմանտիկ, շուտ սիրահարվող…. Մենուան մեր տան ամենաաշխույժն է: Փոքրիկների հետ վտանգավոր խաղեր է խաղում, ու հաճախակի իրար վնասում ու լացում են: Մենուան իմ հայրիկին է նման` կենդանասեր է ու շատ բարի: Սիրում է սովորել վտանգավոր կենդանիների, հատկապես` գիշատիչ ձկների մասին:

Փոքրիկները` Արգիշտին ու Սոֆենան, բնավորությամբ տարբեր են: Առաջինը ծնվել է Արգիշտին, որը շատ է նման հայրական կողմից իր պապիկին` Ջիվանին: Արտաքինով շատ տարբեր է մյուսներից ու դեռ շատ վատ է խոսում:

Սոֆենան մեր տան ուրախությունն է: Ամեն ինչ խոսում է ու ամբողջ օրը բոլորի ուշադրությունը իր վրա է վերցնում: Բոլորս հերթով ուզում ենք գրկել, շոյել, ոսկեգույն խուճուճ մազերի հետ խաղալ: Տանը բոլորը պայքարում են Սոֆենայի ուշադրության և ընկերության համար: Իսկ Սոֆենան ամենաշատը Մելինեի հետ է մոտ, քանի որ իրեն խնամողն ու իր հետ ամենաշատը զբաղվողը հենց նա է:

Բոլոր երեխաներն էլ ունեն արվեստի հանդեպ սեր եւ հետաքրքրություն, սակայն կարծում եմ ու հուսով, որ դրանք կմնան` որպես հոբբի, եւ երեխաները հիմնական մասնագիտություն եւս կունենան: Ժամանակը ցույց կտա, բայց ես ամեն ձեւով փորձում եմ հասկանալ ու զարգացնել նրանց տաղանդներն ու հետաքրքրությունները»:

Ընտանեկան «օրակարգը»

Միշտ զուսպ ու հանգիստ բնավորությամբ աչքի ընկող Գոհարը խոստովանում է` երեխաների հետ, երբեմն ստիպված է լինում «ձայնը բարձրացնել».

«Ես, որպես մայր, ժամանակին ավելի համբերատար էի, քան հիմա: Ինչպես բոլոր մայրերը` ես նույնպես, պարբերաբար, ձայնս բարձրացնում եմ տանը: Դա չի նշանակում, որ ցածր ձայնով չեմ դիմում երեխաներիս, պարզապես, ոչ ոք ցածր ձայնը չի լսում: Քանի որ ամուսինս մեր տան բարին է` երեխաներին երես տվողը, դաստիարակության եւ կարգապահության հարցերը ինձ վրա են մնում: Ես էլ սիրում եմ, երբ երեխաները մաքրասեր են, մեկը մյուսի հանդեպ հոգատար, զիջող, կարգապահ: Տանը գրատախտակի վրա օրակարգ ենք մշակել, որին հետեւում ենք, ու դրանով արդեն շատ հարցեր լուծվում են: Չեմ սիրում, երբ երեխաներն իրենց իրերն ու տան գույքը փչացնում են. ուզում եմ, որ սրտացավ լինեն իրենց համար գնված ամեն ինչի համար»:

Անդրադառնալով իր եւ ամուսնուց ժառանգած ընդհանրություններին` Գոհարը նշեց.

«Մելինեն ու Սոֆենան ինձ են նման, Բիայնան ու Մենուան` ավելի շատ իրենց հայրիկին, Արգիշտիի մասին դեռ չեմ կողմնորոշվում: Բայց գիտեմ` երեխաների մեջ երկուսիս գեներն էլ խառը կան, եւ ժամանակի ընթացքում այս կամ այն հանգամանքներում միայն կդրսեւորվեն»:

«Երազում եմ` աղջիկներս ուժեղ լինեն, տղաներս` կնամեծար ու հոգատար»

Ինչպես յուրաքանչյուր ծնող` Գոհարն էլ իր երեխաների հետ կապված մի շարք երազանքներ ունի.

«Մշտապես երեխաներին սովորեցնում եմ` ազնիվ լինեն: Այնքան շատ են մարդիկ սուտ խոսում, որ դա սարսափելի է դառնում: Սերմանում եմ աշխատասիրություն, միմյանց հանդեպ հոգատարություն, մաքրասիրություն, ներողամտություն: Ինձ համար կարեւոր է, որ աղջիկներս ուժեղ լինեն, իրենց աշխատանքն ու անկախությունը ունենան: Իսկ տղաները կնամեծար ու հոգատար լինեն, հասկանան կյանքում իրենց առաքելությունը»,-նշեց գեղեցկուհին:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում