Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

«3D ոլորտը Հայաստանում նոր բարձունքների է հասնում». նկարիչ, 3D արտիստ Արամ Վարդազարյանի աշխատանքներն ու կանխատեսումները

16:04, 12 հունիսի

Նկարիչ, քանդակագործ ու անիմատոր Արամ Վարդազարյանի անունը ծանոթ է արվեստի բնագավառի ներկայացուցիչների շրջանում: Նա հայտնի է նաեւ «Գնացքի արկածները» եւ «Турбозавры» անիմացիոն ֆիլմերում իմ արշխատանքներով: Արվեստագետը կարծում է՝ վիզուալ էֆեկտները հայկական ֆիլմերում էլ տարեցտարի ավելի են բարելավվում, իսկ հայ արտիստների համագործակցությունը հոլիվուդյան նախագծերի հետ՝ առավել, քան  ոգեւորող է համարում:

NEWS.am STYLE-ը շարունակում է մեծ տեղ տրամադրել նաեւ արվեստի գործիչներին: Մեր հարցազրույցն այս անգամ Արամ Վարդազարյանի հետ է:

Արամ, ինչպես ինքներդ եք ասում՝ ինքնուս եք. ինչպե՞ս եւ ո՞ւմ կողմից է փոխանցվել արվեստի հանդեպ սերը:

Ես բժիշկների ընտանիքից եմ, մեր ընտանիքում չեն եղել արվեստագետներ, բայց ինձ ինչքան հիշում եմ, միշտ զբաղվել եմ արվեստով: Ծնողներս ամեն ինչ արել են ու ապահովել բոլոր անհրաժեշտություններով, որ ես նկարեմ, քանդակեմ, որ չթողնեմ իմ սիրած զբաղմունքը: Ինձ ամեն կերպ ցույց են տվել, որ ես շատ կարեւոր բան եմ անում: Հենց նրանց շնորհիվ է ինձ փոխանցվել արվեստի հանդեպ սերը:

Ի՞նչ փուլեր է անցել Ձեր արվեստն այս ընթացքում:

Ինչպես արդեն նշեցի, նկարել ու քանդակել սկսել եմ շատ փոքր տարիքից: Դեռ մանկապարտեզում ունեցել եմ բազմաթիվ ցուցահանդեսներ: Նկարել եմ հիմնականում կենդանիներ, բնություն… Տարիների ընթացքում այդ կենդանիները վերածվեցին դիցաբանական միստիկ կերպարների:

4-րդ դասարանից սովորել եմ Հակոբ Կոջոյան կրթահամալիրում, հետագայում՝ Երեւանի պետական գեղարվեստի ակադեմիայում, որտեղ յուրացրել եմ ակադեմիական նկարչությունը: Այդ տարիներին եմ ինձ համար բացահայտել թվային 3D աշխարհը, որից հետո արվեստի հանդեպ հետաքրքրությունս կրկնապատկվել է: Սկսեցի նկարել ու քանդակել վիրտուալ, թվային աշխարհում, որտեղ մեծ հաջողություն գրանցեցի՝ բազմաթիվ միջազգային ցուցահանդեսներ, ճանաչում օտարազգի արվեստագետների շրջանում... Այդ ամենից հետո մտածեցի բացել 3D անիմացիոն ընկերություն, համախմբել տաղանդավոր մարդկանց ու զբաղվել սիրելի գործով: Այժմ համատեղում եմ եռաչափ թվային արվեստն ու նկարչությունը, հիմնականում սյուրռեալ ոճն եմ նախընտրում:

Շատերը, միգուցե, այսօր ոգեշնչվեն Ձեր աշխատանքներով. Ձեզ ո՞վ է ոգեշնչել:

Ինձ դեռ մանկուց ոգեշնչում էին Հ.Ռ. Գիգերը, Դալին: Հետագայում բացահայտեցի նաեւ Զդզիսլավ Բեկինսկուն: Հիմա տարված եմ Անսելմ Կիֆերի աշխատանքներով:

Ո՞րն է, ըստ Ձեզ, Ձեր ամենաուշագրավ աշխատանքը:

Այս հարցի պատասխանը չունեմ: Չեմ կարողանում ինքս իմ աշխատանքները գնահատել:

Ի՞նչ կասեք Հայաստանում 3D ոլորտի մասին:

Այստեղ 3D ոլորտը լավ զարգացել է, բազմաթիվ տաղանդավոր մարդկանց շնորհիվ այն նոր բարձունքների է հասնում: Շատ հայ երիտասարդներ մեծ աշխատանք են արել եւ անում այս ոլորտում՝ աշխատելով հոլիվուդյան նախագծերում, ինչը միայն գովելի է եւ ոգեւորող:

Հայկական ֆիլմերում վերջին շրջանում նկատվում է վիզուալ էֆեկտների կիրառումը: Ի՞նչ եք կարծում` այս առումով զարգացման որեւէ նախադրյալ նկատելի՞ է:

Մենք՝ հայերս, շատ տաղանդավոր ազգ ենք: Չունենալով այն հնարավորությունները, որոնք ունեն այլ զարգացած երկրներ՝ միեւնուն է՝ փորձում ենք ձգտել այդ որակին, ինչի արդյունքում օր օրի մեր ֆիլմերում նկատվում են ավելի պրոֆեսիոնալ վիզուալ էֆեկտներ:

Ի՞նչ է պակասում վիզուալ էֆեկտների հայ մասնագետներին: 

Հնարավորություն: Մեր մասնագետները հոգեպես մարտական են տրամադրված, նրանց միայն լավ հնարավորություն ու պայմաններ են պետք, որպեսզի կարողանան իրագործել այն, ինչին ձգտում են:

Դուք դասընթացներ անցկացնո՞ւմ եք սկսնակների համար:

Դեռ դասընթացներ չեմ անցկացնում, քանի որ կարծում եմ՝ ինքս էլ սովորելու շատ բան ունեմ, բացի այդ՝ ժամանակս էլ չի բավականացնում…

Կա՞ ֆիլմ կամ նախագիծ, որտեղ առաջիկայում կտեսնենք Ձեր աշխատանքներից

Մի խումբ տաղադավոր մարդկանց հետ շուտով կավարտենք «Կաֆկայի երազը» ֆիլմը, որը հասանելի կլինի նաեւ հանրությանը: 2021-ին կցուցադրվի նաեւ «Տերտերյան» ֆիլմը: Կան նաեւ մի քանի անիմացիոն միջազգային սերիալներ, որոնց շուրջ այս պահին աշխատում եմ:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության