Մոդել Նաիրա Վարդանյանը, որը հեռուստադիտողների լայն զանգվածին հայտնի է «Փափուկ խաղալիք» սիթքոմից, ֆեյսբուքյան եւ ինստագրամյան էջերում վերջին օրերին հաճախ է կիսվում հարսանեկան տեսանյութերով, ինչը, բնականաբար, նրա հետեւորդների մոտ տարատեսակ քննարկումների ալիք է բարձրացրել՝ արդյոք մոդելն ամուսնացե՞լ է, թե՞ իր հերթական դերն է կատարում: Հարցի պատասխանը պարզելու համար NEWS.am STYLE-ը կապ հաստատեց Նաիրայի հետ.
«Չէի սպասում, բայց այդ հարցը հետաքրքրեց շատերին: Շտապեմ պատասխանել, որ ոչ, չեմ ամուսնացել. ինչպես ասում են՝ իմ սիրտը դեռ ազատ է, պարզապես, ժամանակ առ ժամանակ առաջանում են մտքեր, սցենարներ, որոնց փորձում եմ հոլովակի տեսքով ազատություն տալ եւ ստեղծագործել»,-նշեց մոդելը՝ հավելելով, որ այդպիսի հարցադրումներով անձնական նամակներ է անգամ ստանում, որոնցում հետաքրքրվում են՝ «իսկ ո՞ւր է փեսացուն»:
«Ի զարմանս ինձ` նամակները շատ էին՝ շնորհավորանքներ եւ այլն… Կամ հանրությունն ուզում էր ինձ հարսիկի կերպարում տեսնել, կամ զուտ հայկական հետաքրքրասիրություն էր»:
Այնուամենայնիվ, Նաիրան կարծում է՝ իր կյանքի կարեւորագույն օրերից մեկը սարերի ետեւում չէ.
«Ինձ համար առաջնային տեղ ունի ընտանիք ասվածը, եւ այդ քայլին պետք է գնալ արդեն հասուն ու գիտակից վիճակում: Այդ միակին հանդիպելու դեպքում, կարծում եմ, մեծ հաճույքով կկիսվեմ հանրության հետ»:
Ինչ վերաբերում է եթերային նորություններին՝ մոդելը նշեց.
«Կան նախագծեր եւ նոր ֆիլմեր, որոնք դեռ քննարկման փուլում են: Ես մեծ սիրով եմ մոտենում ինչպես մոդելինգին, այնպես էլ դերասանական գործունեությանս: Պետք է նշեմ, որ «Փափուկ խաղալիք» սիթքոմից հետո ստացածս դրական արձագանքներն էլ ավելի մեծ շարժառիթ ու ուժ հանդիսացան, որ ավելի մեծ տեմպով գործունեություն ծավալեմ տվյալ ոլորտում»:
Սյունե Առաքելյան
Լուսանկարները՝ Էդգար Մելքոնյանի
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը