Նատալի Փորթմանն այսօր՝ հունիսի 9-ին, նշում է ծննդյան 40-ամյակը: Սիրունատես դեմքով հոլիվուդյան դերասանուհին ճանաչման է հասել «Պրոֆեսիոնալը» ֆիլմում իր դերով, որտեղ պատանի աղջնակի խաղընկերը, ոչ ավել, ոչ պակաս, հանրահայտ դերասան Ժան Ռենոն էր:
Դերասանուհու խաղացանկը ներառում է նաեւ այնպիսի ֆիլմեր, ինչպիսիք են՝ «Աստղային պատերազմներ», «Սեւ կարապը», «Թոր», «Այնտեղ, որտեղ սիրտն է» եւ այլն:
NEWS.am STYLE-ն առանձնացրել է Նատալի Փորթմանի մասանակցությամբ 4 ֆիլմ, որոնցով կարող եք ավելի հետաքրքիր դարձնել ձեր երեկոն:
«Պլանետարիում/Planetarium»
2016 թ-ին էկրաններ բարձրացած այս ֆիլմը երկու քույրերի՝ Քեթի ու Լորայի մասին է: Ամերիկուհիները տեղափոխվում են Փարիզ եւ ներկայանալով որպես մեդիումներ՝ ելույթ են ունենում իրենց ծրագրով, ինչով էլ գրավում են հանրահայտ ռեժիսոր Անդրե Կորբենին: Վերջինը որոշում է Լորիի գլավոր դերակատարմամբ ֆիլմ նկարահանել պարանորմալ երեւույթների մասին՝ հույսը դնելով քույրերի տաղանդի վրա: Նրա մտքով անգամ չի անցնում՝ իսկ ի՞նչ, եթե աղջիկները հասարակ խաբեբաներ են:
Ֆիլմում Նատալիի կողքին նկարահանվել է նաեւ Ջոնի Դեփի դուստրը՝ Լիլի-Ռոուզ Դեփը: Ռեժիսորը Ռեբեկա Զլոտովսկին է:
«Հպարտություն եւ նախապաշարմունք ու զոմբիներ»/Pride and Prejudice and Zombies
Ֆիլմը էկրաններ է բարձրացել 2016 թ-ին: Ռեժիսոր Բյոր Սթիրսը պատմում է զոմբիներով շրջափակված Լոնդոնի մասին: Քայլող մեռյալներից փրկվելու համար մարդիկ ստիպված են լինում քաղաքը բաժանել մի քանի մասերի, իսկ պարոն Բեննեթը, իր աղջիկների անվտանգության մասին մտահոգվելով, նրանց սովորեցրել է տիրապետել մարտական արվեստի ու զենքերի: Ուսուցումն ավարտելուց հետո Էլիզաբեթ Բեննեթը քույրերի հետ իսկական մարտիկների են վերածվում, որոնք պայքարում են հանուն մարդկության ապահով կյանքի:
«Լյուսին երկնքում»/Lucy in the Sky
Ֆիլմի հիմքում կին-տիեզերագնաց Լիզա Մարիա Նովակի կենսագրությունն է, նրա կիրքը տիեզերքի հանդեպ, որն ամեն ինչ նրա համար դարձնում է այլեւս անհետաքրքիր ու անպետք: Ժապավենն էկրաններ է բարձրացել 2019-ին, ռեժիսորը Նոա Հոուլին է:
«Ջոն Ֆ. Դոնովանի մահն ու կյանքը»/The Death and Life of John F. Donovan
Ֆիլմն էկրաններ է բարձրացել 2018-ին. այն պատմում է Ռուպերտ Թերների՝ 11-ամյա մի տղայի մասին, որը տեղափոխվելով նոր դպրոց, չի հաջողացնում ձեռք բերել նոր ընկերներ, իսկ մոր հետ վաղուց շփում չունի, այդ պատճառով էլ շատ միայնակ է զգում: Մի օր տղան որոշում է գրել իր սիրելի դերասանին՝ Ջոն Ֆ. Դոնովանին, եւ, անսպասելիորեն, ստանում պատասխան նրա կողմից: Այդպիսով, ձեւավորվում է ընկերություն տղայի եւ հանրահայտ դերասանի միջեւ, ինչը, սակայն, կինոաստղի համար շատ վտանգավոր է դառնում, քանի որ այդ նամակագրությունը շատ փակ մանրամասներ է պարունակում նրա կյանքի մասին:
Լուսանկարը՝ Getty Images
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը