• Աստղային գեղեցկության գաղտնիքներ. Ջեյ Լոն եւ նրա «հավերժ երիտասարդ» դեմքը

  Երգչուհին երկար տարիներ չի օգտագործում․․․

• Մահացել է ֆրանսիացի կուտյուրյե Պակո Ռաբանը

  Նա 88 տարեկան էր․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• «Ստալոնեների ընտանիքը»․ Սիլվեստր Ստալոնեն կնոջ եւ դուստրերի հետ ռեալիթի շոու կթողարկի

  Աշխարհի համար նա տղամարդ է եւ լեգենդ: Բայց իր դուստրերի համար նա պարզապես հայր է․․․

• «Եվրատեսիլ 2023» երգի մրցույթում Վրաստանը կներկայացնի հայազգի երգչուհի Իրու Խեչանովան

  Թե ինչ երգ է ներկայացնելու վրացի պատվիրակը, դեռ հայտնի չէ․․․

• Բեյոնսեն մեկնում է համաշխարհային շրջագայության․ ինչպե՞ս հայտնվել երգչուհու մենահամերգին Հայաստանից, եւ որքա՞ն դա կարժենա

  Թագուհի Բիի համերգին հայտնվելը էժան հաճույք չէ․․․

• Աստղային գեղեցկության գաղտնիքներ․ Շերի «խորամանկությունները»

  Թեեւ երգչուհին հաշտվել է, որ միշտ երիտասարդ չի լինելու, բայց մարտահրավեր է նետել մայր բնությանը․․․

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

Այսօր՝ մարտի 25-ին, ծնվել է ամերիկացի հայտնի երգչուհի Արետա Ֆրանկլինը: «Սոուլի թագուհին», ինչպես արտիստուհուն էին անվանում, կդառնար 80 տարեկան:

Արետան երգել սկսել է փոքր տարիքից՝ այն եկեղեցում, որտեղ աշխատում էր իր հայրը: 18 տարեկանում նա լրջորեն սկսում է զբաղվել երգչուհու կարիերայով՝ պայմանագիր կնքելով Columbia Records-ի հետ, սակայն նրա կարիերան վերելք է ապրում Atlantic Records-ի հետ համագործակցությունից հետո: Նրան հայտնի են դարձնում այնպիսի հիթերը, ինչպիսիք են՝ I Never Loved a Man, Respect, A Natural Woman, Chain of Fools, Think, I Say a Little Prayer եւ այլն:

Երգչուհին երկու անգամ հայտնվել է Rolling Stone-ի «Բոլոր ժամանակների 100 մեծագույն արտիստները» ցուցակի 9-երորդ հորիզոնականում:

Արետա Ֆրանկլինը մահացել է 2018 թ-ի օգոստոսի 16-ին՝ 76 տարեկանում: Լեգենդար երգչուհին, սակայն, մինչ օրս ամենամեծ վաճառք գրանցող արտիստներից է:

Խոսելով իր երաժշտության մասին՝ Ֆրանկլինն ասել է՝ «Ես երգում եմ ռեալիստների համար՝ մարդկանց, որոնք ամեն բան ընդունում են այնպես, ինչպես՝ կա»:

Արտիստի մյուս մեջբերումներից մի քանիսն առանձնացրել ենք ստորեւ.

«Չի կարելի բնորոշել մարդուն միայն մեկ արարքով. չպետք է մոռանալ այն բոլոր լավ բաները, որոնք տվյալ մարդն արել է, պարզապես այն պատճառով, որ նրա մեկ արաքը քեզ դուր չի եկել»:

«Երաժշտությունը շատ մեծ ներգործություն է ունենում մարդկանց վրա, այն տեղափոխելու ունակություն ունի՝ կարող է քեզ տանել հետ, հիշեցնել մի հատուկ պահ: Այն բարձրացնում է, քաջալերում ու ուժ տալիս»:

«Երբեմն այն, ինչ փնտրում ենք, գտնվում է հենց մեր առջեւ»:

«Երբ Աստված քեզ սիրում է, դրանից ավելի լավ բան չի կարող լինել»:

«Մենք շատ երկար ճանապարհ ենք անցել, բայց աշխարհում դեռ այնքան խտրականություններ կան»:

«Ոչ ոք պարտավոր չէ դիմացինին ինչ-որ բան տալ, այնպես որ՝ գնահատեք այն, ինչ ձեզ տալիս են»:

«Ինձ համար պատիվ է, եթե ես կարողանում եմ ոգեշնչել երիտասարդ արտիստներին, դա նշանակում է՝ ես իմ աշխատանքը ճիշտ եմ արել»:

«Բոլորն էլ ցանկանում են ունենալ հարգանք, անգամ՝ երեք տարեկան երեխան»:

«Երգչի համար հեշտ է երբեմն այլ երգչից որոշ բաներ վերցնելը, բայց դա կոչվում է կրկնօրինակում»:

«Ցանկացած ծնունդ նվեր է. ցանկացած օրն, առհասարակ,պարգեւ է»:

Լուսանկարները՝  Facebook-ից

Հետևեք NEWS.am STYLE-ին Facebook-ում, Twitter-ում և Instagram-ում