• Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը

  Մայամիի սեքսի թանգարանը բացել է «Ցանկության մեքենաներ»/Desire Machines խորագրով ցուցահանդեսը, որը ներկայացնում է Հաջիմե Սորայամայի խորհրդանշական «սեքս-ռոբոտ» քանդակների շարքը…

• Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

  Ավստրիացի նկարիչ Գուստավ Կլիմտի՝ 100 տարի կորած համարվող կտավը Վիեննայում կայացած աճուրդի ժամանակ վաճառվել է 30 միլիոն եվրոյով․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

Թատրոնի եւ կինոյի դերասանուհի, ռեժիսոր Լիլի Էլբակյանն օրերս իր կարիերայում նոր նվաճում գրանցեց՝ արժանանալով հայկական ազգային կինոակադեմիայի «Անահիտ» մրցանակի՝ կնոջ լավագույն դերակատարման համար: Դերասանուհուն նման հաջողություն բերեց ռեժիսոր Արամ Շահբազյանի «Չնչիկ» ֆիլմում դերակատարումը: NEWS.am STYLE-ի հետ զրույցում Լիլին նշեց, որ չէր սպասում մրցանակի, այդ պատճառով էլ ուրախությունն ու ոգեւորվածությունը կրկնակի են եղել:

«Երբ ստացա ֆիլմում նկարահանվելու առաջարկը, Թատրոնի եւ կինոյի պետական ինստիտուստի առաջին կուրսի ուսանողուհի էի, հրաժարվեցի դրանից, քանի որ դասախոսս չէր թույլատրում նկարահանվել մինչ ուսումն ավարտելը: Դրանից հետո դեռ հինգ տարի ֆիլմի սցենարը գրվում եւ մշակվում էր, եւ երբ արդեն ամեն ինչ ավարտված էր, ու ռեժիսոր Արամ Շահբազյանը կրկին նույն առաջարկն ինձ արեց, ինստիտուտն ավարտել էի ու համաձայնվեցի մասնակցել քասթինգին»,-վերհիշելով իրեն հաջողություն բերած ֆիլմում ստանձնած իր դերը՝ պատմեց դերասանուհին՝ հիշելով նաեւ քասթինգին առնչվող հետաքրքիր մի դրվագ,-«Ես այդ օրը գնացի գեղեցիկ  հագնված ու լավ պատրաստված, իսկ Արամն ասաց, որ գեղեցիկ լինելու կարիք չկար, քանի որ մարմնավորելու էի մի տարօրինակ աղջկա (ծիծաղում է)»:

Անդրադառնալով ֆիլմի՝ մեծ հաջողություն դառնալու իր կանխատեսումներին՝ Լիլին հավելեց,- «Այդպիսի զգացողություն չունեի, բայց տեսնում ու հասկանում էի ֆիլմի շուրջ պրոֆեսիոնալ մոտեցումը, դերն էլ հետաքրքիր էր,  իսկ առաջարկը՝ գայթակղիչ»:

Մրցանակը ստանալիս Լիլին բեմից խոստովանեց, որ թեեւ իրեն շատերն էին զգուշացնում, թե ռեժիսոր Արամ Շահբազյանի հետ աշխատելը բարդ է, նրանք միմյանց լավ են հասկացել նկարահանման հրապարակում, իսկ հարցին՝ արդյոք իր հետ հե՞շտ է աշխատելը, դերասանուհին պատասխանեց.

«Ես եւ Արամը կես խոսքից հասկացել ենք միմյանց: Հիմնականում երեք դուբլից արդեն ստանում էինք տեսարանները: Կարծում եմ՝ ինձ հետ էլ է հեշտ աշխատել, պարզապես, քանի որ ինքս էլ ռեժիսոր եմ, երբեմն շատ եմ խառնվում, տալիս եմ բազում հարցեր, քանի որ ինձ էլ է հետաքրքիր այդ պրոցեսը (ժպտում է): Իսկ, առհասարակ, եթե արդեն համաձայնվել եմ նկարահանվել տվյալ նախագծում, ուրեմն՝ ռեժիսորին պետք է վստահեմ»:

Լիլին անկեղծորեն նշեց, որ կարծում էր, գուցե, ավելի նոր ֆիլմ արժանանար մրցանակի («Չնչիկն» էկրաններ է բարձրացել 2019 թ-ին՝ մոտ 17 տարի տեւած աշխատանից հետո. հեղ.),- «Բացի այդ, սա իմ առաջին դերն էր, ու ես վստահ չէի՝ բավականաչափ լա՞վ էի խաղացել, թե՞ ոչ»,-հավելեց դերասանուհին,-«Մրցանակը կարեւոր է միայն մի բանով՝ այն ոգեւորում ու մոտիվացնում է, պարտավորեցնում, որ չդոփես նույն տեղում ու առաջ նայես: Կարծում եմ՝ սա նաեւ մյուս դերասանների ու ռեժիսորների համար մոտիվացիա կդառնա, ու կստեղծվեն նոր ֆիլմեր»:

Լիլի Էլբակյանն այն դերասանուհիներից է, որին հաճախակի չենք տեսնում հեռուստասերիալներում: Խոսելով այդ մասին՝ դերասանուհին մեկնաբանեց.

«Իրականում նկարահանվել եմ մի քանի սերիալում, բայց` 24 մասից: Պիտի սցենարն ու դերը շատ հետաքրքիր լինեն, որպեսզի համաձայնվեմ նկարահանվել սերիալում, հակառակ դեպքում ժամանակ վատնելու ժամանակ չունեմ»:

Դերասանուհին ոչ միայն խաղում է թատրոնում, այլեւ դասավանդում է եւ զբաղվում բեմադրություններով.

«Թատրոնում բավական ծանրաբեռնված գրաֆիկ ունեմ: Այս պահին զբաղված եմ «Էվրիդիկե» եւ «Դեկամերոն» ներկայացումներում, որոնք խաղում ենք Սունդուկյան թատրոնում, իսկ շուտով կլինի նաեւ նոր ներկայացում: Իմ առօրյան լեցուն է փորձերով՝ ինչպես հին, այնպես էլ նոր բեմադրություններով: Մանուկներին, օրինակ, խորհուրդ կտամ դիտել իմ բեմադրած՝ «Գտնված երազ» ներկայացումը Խամաճիկների թատրոնում, այժմ էլ զբաղված եմ նոր բեմադրությամբ, որի փակագծերը դեռեւս չեմ կարող բացել: Եթե Աստված հաջողի, այս տարի եւս երեք պրեմիերա կունենամ: Ինչ վերաբերում է առօրյայիս՝ զբաղվում եմ երեխաներիս դաստիարակությամբ ու կյանքն ավելի գեղեցիկ դարձնելով (ժպտում է): Նաեւ երազում եմ նկարահանվել «Չնչիկ»-ի նման մի լավ ֆիլմում, որը նույնքան կսիրվի, այնպես որ՝ սպասում եմ առաջարկների (ծիծաղում է)»:

Սյունե Առաքելյան

Լուսանկարները՝ Արսեն Սարգսյանի ու «Շարմ» հոլդինգի

Հետևեք NEWS.am STYLE-ին Facebook-ում, Twitter-ում և Instagram-ում