«Թանգարանների ուժը»՝ այս խորագրի ներքո է այս տարի անցկացվում «Թանգարանային գիշեր» միջոցառումը, որի շրջանակում այսօր՝ մայիսի 21-ին, Հայաստանի ու Արցախի 125 թանգարան բաց են լինելու մինչեւ կեսգիշեր, իսկ այցելուների մուտքը լինելու է անվճար: Ամենամյա միջոցառումը, որն անցկացվում է Թանգարանների միջազգային օրվա առթիվ, նպաստում է հասարակության շրջանում արվեստի հանդեպ հետաքրքրություն առաջացնելուն եւ մեր պատմությունն ավելի ճանաչելի դարձնելուն:
Посмотреть эту публикацию в Instagram
Միջոցառման շրջանակում NEWS.am STYLE-ը եղել է Հայաստանի պատմության թանգարանում, որը ժամը 11:00-ից իր դռները բացել է այցելուների համար, որոնց մեջ ամենատարբեր տարիքի ու ազգությունների մարդիկ են, ինչը խոսում է այն մասին, որ միջոցառումը նպաստում է նաեւ օտարերկրացիների շրջանում մեր մշակույթի հանրաճանաչմանը:
«Այս օրերը շատ հետաքրքիր երանգ են բերում թանգարանային այցելության մշակույթի առումով, եւ շատ կարեւոր է, որ միջոցառման շարունակական անցկացումը նաեւ մարդկանց մոտ բերեց հետաքրքիր սպասում, որն այս օրը դարձնում է իսկական տոն, որովհետեւ թանգարանը թանգարան է իր այցելուներով, եւ ես այս տոնի ընթացքում տեսնում եմ նաեւ ընտանեկան այցելություններ, ինչը շատ ուրախացնում է»,-NEWS.am STYLE-ի հետ զրույցում նշեց թանգարանի տնօրեն Դավիթ Պողոսյանը:
Նրա խոսքով՝ միջոցառման անցկացումը, հատկապես, կարուոր է Հայաստանում, որտեղ, ըստ նրա, դեռ շատ աշխատանք կա տանելու, որպեսզի թանգարանային այցելության մշակույթն արժեւորվի.
«Եվրոպական շատ երկրներում սովորական է` ամեն օր հերթ կանգնել, գնալ թանգարաններ, սպասել… Այս տոնը նպաստելու է նրան, որ մենք կարեւորենք թանգարանը՝ որպես ժամանցի, կրթության ու հետաքրքիր ժամանակ անցկացնելու վայր»,-հավելեց նա:
Այս տարի Հայաստանի պատմության թանգարանն անակնկալ է պատրաստել իր այցելուների համար: 19:30-ից թանգարանում մեկնարկել է նոր՝ ժամանակավոր ցուցահանդեսը, որն ունի «Զենք, պայքար, մշակույթ» խորագիրը եւ ներկայացնում է տարբեր զինատեսակներ՝ սրեր, թրեր, հրացաններ, որոնք պատկանել են հայտնի հայ զորավարներին, ինչպես նաեւ այնպիսիք, որոնք ստեղծված են՝ որպես արվեստի նմուշ: Միջոցառման շրջանակում նախատեսվում է նաեւ համերգ՝ Ոստիկանության երգչախմբի մասնակցությամբ:
«Այս ցուցահանդեսն ունի մի կարեւոր առաքելություն. այն բացվելու է այս հոբելյանական տարվա շրջանակում եւ նվիրված է լինելու ՀՀ զինված ուժերի կազմավորման 30-ամյակին: Մենք պատիվ ունենք հանրությանը ներկայացնելու մի շատ խորհրդանշական հավաքածու, փայլուն ընտրանի: Ընդահանրապես այս կոնտեքստում մեզ մոտ հատուկ ցուցահանդես չի եղել: Ցուցահանդեսը բաց կլինի երկու-երեք ամիսների կտրվածքով»,-նշեց թանգարանի տնօրենը:
Դավիթ Պողոսյանն ուրախությամբ փաստեց, որ Հայաստանում տարեց տարի թանգարանների նկատմամբ հետաքրքրության աճ է նկատվում.
«Մի բան շատ հստակ է՝ մեզանում մեծ հետաքրքրություն կա դեպի մեր պատմամշակութային ժառանգությունը, ու այն գնալով ավելանում է: Մեր թանգարանն ամեն տարի փորձելու է նաեւ արժեւորել այն հոբելյանական ամսաթվերը, որոնք մեր պատմության մեջ կարեւոր են՝ ոչ միայն անցյալին անդրադառնալու, այլեւ ներկան հասկանալու համար՝ հնարավորինս շատ հաղորդագրություններ տալով դեպի ապագան, ինչը կնպաստի մեր երկրի զարգացմանը»,-հավելեց նա:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը