Նոր ու ինքնատիպ վայր` ամենատարբեր միջոցառումների ու ժամանցի անցկացման համար. Armenian Helicopters ընկերությունը Երեւան-Գառնի մայրուղի 6/14 հասցեում պաշտոնապես բացեց Altezza-ի դռները` միջոցառումը նշանավորելով մի շարք անակնկալներով: Հյուրերը, նախ, քայլեցին կարմիր գորգով` անցնելով սրահի ներս, որից րոպեներ անց սրահի դռները բացվեցին ու միջոցառման բացօթյա հատվածը ազդարարվեց անակնկալ հրավառությամբ ու հայ արտիստների մասնակցությամբ համերգային ծրագրով:
Armenian Helicopters ընկերության կոմերցիոն բաժնի ղեկավար Ամալյա Առուստամյանի խոսքով` ժամանցավայրի` Altezza անունը պատահական չի ընտրվել. իտալարենից թարգմանաբար այն նշանակում է «թռիչք», «բարձրություն», ինչն էլ ընկած է ընկերության գործունեության հիմքում, մանավանդ, որ առաջին բանը, որ կտեսնեն այցելուները տարածք մտնելով` Armenian Helicopters-ի ուղղաթիռներն են.
«Այստեղ ծրագրում ենք անցկացնել տարբեր մեծամասշտաբ միջոցառումներ: Սա մի վայր է, որտեղ կարող եք երազել, կիսվել էներգիայով, քանի որ այստեղ ամեն ինչ գեղեցիկ ու ոգեշնչող է»,-լրագրողների հետ զրույցում նշեց նա` հայտնելով նաեւ ընկերության` առաջիկա մյուս ծրագրերի մասին: «Հետագայում այս տարածքում կգործի նաեւ Armenian Helicopters-ի տեխնիկական սպասարկման մեծ կենտրոնը, կանցկացվեն նաեւ օդաչուների վերապատրաստման դասընթացներ»:
Իր ձեւաչափով Altezza-ն յուրահատուկ է ու չկրկնվող. կանաչապատ մեծ տարածք, մեծ տերասսա, 1000 ք.մ. մակերեսով եւ 12 մ բարձրությամբ անգար, հյուրանոցային եւ հանգստի սենյակներ, VIP հանդերձարաններ, հագեցած խոհանոց, սանհանգույցներ... Այստեղ կարելի է անցկացնել ցանկացած առիթ` ձեր պատկերացմանը համապատասխան:
Տարածքում նաեւ կգործի շուրջ 500 մեքենայի համար նախատեսված կայանատեղի։
Altezza-ում կայանալիք միջոցառումները կկազմակերպի եւ կհամակարգի Background Production ընկերության պրոֆեսիոնալ թիմը։ Ընկերության հիմնադիր-տնօրեն Վազգեն Պողոսյանը նշեց, որ արել են ամեն բան, որպեսզի Altezza-ն պատշաճ կերպով սպասարկի իր հյուրերին.
«Տարածքը նախատեսված է բազմաոճ ու բազմապրոֆիլ միջոցառումներ անցկացնելու համար` սկսած կորպորատիվից, մինչեւ էքսպոներ, ցուցադրություններ, ֆիլմի պրեմիերաներ, հարսանեկան արարողություններ, համերգներ եւ այլն։ Փորձել ենք այնպես անել, որ այստեղ ունենանք բոլոր համապատասխան ծառայությունները: Altezza-ն կարող է ընդունել 15 հազար եւ ավելի հյուր՝ կախված միջոցառման ֆորմատից։ Տարածքը գործելու է տարվա բոլոր եղանակներին՝ ունենք թե ամառային, թե ձմեռային, թե աշնանային մասեր»,-ասաց նա:
Նոր ժամացավայրի բացման արարողությանը ներկա էին հայկական շոու-բիզնեսից մի շարք հայտնիներ, նաեւ հյուրեր, որոնք արդեն ծրագրում են իրենց առաջիկա միջոցառումներն անցկացնել Altezza-ում:
Երեկոյի ամենահետաքրքիր մանրամասները` մեր ֆոտոռեպորտաժում:
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը