• TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը  

  Ձեզ անհրաժեշտ է ընդամենը վարսակաձավար...

• Ինչո՞ւ որոշ հայտնի դիետաներ չեն աշխատում

  Ամերիկացի սննդաբան Ջոյս Պատերսոնը դիետիկ որոշ միտումներ հորինված է համարում...

• «Հրաշք ըմպելիք» նիհարելու համար՝ ընդամենը երկու հասանելի բաղադրիչներով

  Այուրվեդիկ ըմպելիքը, որը պատրաստված է քրքումից եւ կոճապղպեղից, կօգնի նիհարելուն․․․

• Նորաձեւ ինտերվալային քաղց. կողմ եւ դեմ

  Ինտերվալային քաղցը մեծ տարածում է ստանում՝ խոստանալով ցնցող արդյունքներ, առանց հատուկ ջանքերի եւ խիստ սննդակարգերի․․․

• Մեկ գդալ ձիթապտղի յուղը դատարկ ստամոքսին կօգնի բարելավել ձեր նյութափոխանակությունը

  Ձիթապտղի յուղը կոչվում է «հեղուկ ոսկի»․․․

• Ինքնակարեկցանքն օգնում է նիհարելուն

  Նրանք, ովքեր դիետայի ընթացքում որոշ թուլություններ են իրենց թույլ տալիս, հավանական է․․․

• Հայերի սիրելի սուրճը նիհարելու լավագույն «օգնականն է»

  Դիետան եւ ֆիզիկական վարժությունները միշտ ընկած են հաջող նիհարելու ռազմավարության հիմքում․․․

• Dior-ը դեբյուտային սպա կենտրոն կբացի Դուբայում

  Dior-ը շքեղությունը նոր մակարդակի կհասցնի՝ Դուբայում բացելով իր դեբյուտային սպա կենտրոնը․․․

Եթե ցերեկվա կեսին ուժերի բացակայություն եք զգում, մեկ գավաթ սուրճի մասին մոռացեք։ Էներգիա ձեզ համար կապահովեն ածխաջրերը՝ սպիտակուցների եւ մանրաթելերի հետ միասին: Օրգանիզմում ածխաջրերը տրոհվում են գլյուկոզայի՝ էներգիայի հիմնական աղբյուրի։ Ճիշտ է, արժե ընտրել դանդաղ ածխաջրեր եւ դրանք համատեղել այլ սննդանյութերի հետ, հակառակ դեպքում եռանդը կհեռանա ձեզնից այնքան արագ, որքան հայտնվել են։

1.Խնձոր + գետնանուշ կարագ

Նման սնունդն իդեալական է բոլոր առումներով՝ համեղ, առողջարար, սննդարար եւ հեշտ կարող եք վերցնել ձեզ հետ: Խնձորը հարուստ է բջջանյութով եւ երկաթով, մինչդեռ գետնանուշի կարագը հարուստ է կարեւոր հանքանյութերով ու առողջարար ճարպերով: Գլխավորը ճիշտ կարագ ընտրելն է, որի բաղադրության մեջ բացի ընկույզից եւ մի պտղունց աղից բացի ոչինչ չի պարունակում։

2.Կաթնաշոռ + գրեյպֆրուտ

Կաթնաշոռը հարուստ է սպիտակուցներով, իսկ գրեյպֆրուտը հարուստ է ածխաջրերով ու վիտամիններով։ Այս համադրությունը ձեզ ակնթարթորեն ուժ կտա։ Գլխավորը մինչեւ 5% յուղայնությամբ կաթնաշոռ ընտրելն է, հակառակ դեպքում ստամոքսում ծանրության վտանգ կա։

3.Ընկուզեղենի միքս

Սուպերմարկետներում կարող եք գտնել ընկուզեղենի խառնուրդի հազարավոր տարբերակներ: Ընտրեք այնպիսիները, որոնք պարունակում են միայն ընկույզ եւ չրեր։ Խուսափեք  խառնել շոկոլադի հետ․ դա պարզապես հավելյալ շաքար է: Այս խառնուրդի մի բուռը ձեզ երկար ժամանակ էներգիա կապահովի։

4.Ձեռոցում եփած քաղցր կարտոֆիլ + նուշի կարագ

Քաղցր կարտոֆիլը վիտամինների, հանքանյութերի եւ միկրոէլեմենտների պահեստ է: Մինչեւ ջեռոցը դնելը կարտոֆիլն առատորեն ցողեք նուշի յուղով։

5.Կապրեզե աղցան

Լոլիկից, մոցարելլայից եւ ռեհանից պատրաստված իտալական հայտնի նախուտեստն էներգիայի իսկական պահեստ է։ Լոլիկն ու պանիրը շրջանաձեւ կտրատեք, շարեք ափսեի մեջ եւ ցողեք ձիթապտղի յուղով եւ բալզամիկ քացախով։ Այս ուտեստի սպիտակուցների, ճարպերի եւ ածխաջրերի համադրությունը ձեզ երկար ժամանակ էներգիա կհաղորդի։

6.Աղցան քինոայով, ֆետա պանիրով եւ կարմիր պղպեղով

Քինոան սուպերսթար է ամբողջական ձավարեղենի շրջանում, քանի որ այս քանակությամբ սննդանյութեր չեք գտնի որեւէ այլ մթերքի մեջ: Քինոային ավելացնել մի քիչ ֆետա պանիր եւ կարմիր բուլղարական պղպեղ: Մեկ կաթիլ ձիթապտղի յուղն ու մի պտղունց ծովի աղը «կուժեղացնեն» աղցանի համը։

7.Վարսակի փաթիլներ + ելակ

Վարսակը մանրաթելի հիանալի աղբյուր է, որը ոչ միայն երկար ժամանակ հագեցվածության զգացում է հաղորդում, այլեւ օգտակար է սրտի ու արյան անոթների համար։ Վարսակի փաթիլները եփել բուսական կաթի կամ ջրի մեջ, ապա ավելացնել մի երկու ելակ։

Աղբյուրը՝ Ivona.ua

Հետևեք NEWS.am STYLE-ին Facebook-ում, Twitter-ում և Instagram-ում