Կոմպոզիտոր Շուշան Սարգսյանը, որն այս տարի հնարավորություն էր ստացել ներկա գտնվելու Կաննի եւ Վենետիկի միջազգային կինոփառատոններին, հայտնվել է միանգամից 3 ամսագրերի շապիկներին։ Հայ կոմպոզիտորին անդրադարձել են Business ML Magazine World-ը, Fostylen-ը եւ Fostylen Kids-ը։ NEWS.am STYLE-ի հետ զրույցում Շուշանը նշեց, որ երեք ամսագրերի խմբագիրն էլ Էլվիրա Գավրիլովան է։
«Բոլոր լուսանկարներն արվել են Կաննում։ Սկզբում նախատեսված էր, որ պետք է միայն մեկ ամսագրի շապիկին լինեի, բայց համագործակցությունն այնքան դուր եկավ իրենց, որ առաջարկ ստացա նկարահանվելու նաեւ մյուս երկուսի համար։ Ամսագրերը լույս են տեսնում Պորտուգալիայում եւ եվրոպական մի շարք երկրներում։ Ինչ վերաբերում է հարցազրույցներին՝ խոսել եմ Կաննի եւ Վենետիկի փառատոններին իմ մասնակցության, երաժշտության եւ դրա միջոցով երեխաներին կրթելու մասին»,-մանրամասնեց նա։
Կոմպոզիտորը կարեւոր է համարում նաեւ այն փաստը, որ ֆոտոշարքերի շրջանակում կրել է հայ դիզայներների զգեստները․
«Ինձ համար կարեւոր էր հենց հայ դիզայներների զգեստներով ներկայանալը։ Աշխատել եմ Նաիրա Խաչատրյանի եւ Արմինե Գեւորգյանի հետ: Լուսանկարիչը տաղանդավոր Եվա Մեդինան էր։ Ես ունեի հստակ պատկերացում, թե ինչպիսին պիտի լինեմ լուսանկարներում, եւ շատ ուրախ եմ, որ ինձ տրվեց ազատ ստեղծագործելու հնարավորություն։ Արդյունքն այնքան գոհացուցիչ էր, որ մոտ ամիսներին նախատեսվում է եւս մեկ ֆոտոշարք՝ իտալական ամսագրերից մեկի շապիկի համար»,-նշեց Շուշանը։
Կաննի միջազգային կինոփառատոնին Շուշանն իր ստեղծագործությունները ներկայացրել էր մի շարք հեղինակավոր կինոընկերությունների։ Արդյունքում հայ երգահանը համագործակցության մի քանի առաջարկ էր ստացել, որոնցից մեկը ֆրանսիացի հանրահայտ դերասանուհի Կատրին Դենյովի մասնակցությամբ առաջիկա ֆիլմի համար երաժշտություն գրելն է։ Այն պետք է կատարի աշխարհահռչակ երգչուհիներից մեկը, բայց այս մասին Շուշանն առայժմ իրավասու չէ մանրամասներ հաղորդել։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների10:22, 6 մայիսի
Քիմ Քարդաշյանին սուլել են նրա ելույթի ընթացքում09:00, 6 մայիսի
ՄԱՅԻՍԻ 6-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը