Մեր տունը երբեմն բանավեճի ակումբ է հիշեցնում։ Փաստն այն է, որ իմ դեռահաս երեխաները միշտ կգտնեն վեճի թեմա, եւ թեմաները կարող են շատ տարբեր լինել պատմական իրադարձություններից եւ մահապատժի հարցից մինչեւ «համաշխարհային» այն հարցը, թե արդյո՞ք «բոյֆրենդը» երկրպագու» բառի թարգմանությունն է:
Այդպես եղավ նաեւ այս անգամ, երբ դուստրս նստած էր եւ, առանց որեւէ մեկին խանգարելու՝ հանգիստ գազար էր ուտում։ Որդիս դյուրագրգիռ էր, ուստի որոշեց մեկնաբանել տեղի ունեցողը` նշելով, որ իր քույրը «մեկ կծում անելով գլխատեց գազարը» այնուհետեւ սկսվեց…
Երկու բավականին ինտելեկտուալ ու խելամիտ դեռահասներ մի քանի ժամ անընդմեջ միմյանց ապացուցում էին, վիճում եւ նույնիսկ ինտերնետ մտան «ապացույցների» համար, բայց համաձայնության չեկան. այնուամենայնիվ, որտե՞ղ է գազարի գլուխը:
Չդիմանալով քրոջս գրեցի, թե ինչ է կատարվում, կես ժամ հետո նա պատասխան գրեց. «Երբ իմանաք, գրիր։ Մեզ էլ է հետաքրքրում»։ Եվ ոչ միայն նրանց, ամուսինս նույնպես միացավ բանավեճին՝ հրահրելով մեկ այս կամ մեկ այն ընդդիմախոսին։
Երեխաների բոլոր փաստարկներն առանց բացառության դժվար է հիշել, բայց էությունը հետույալն էր.
Դստերս տրամաբանությամբ՝ գազարի գլուխը լայն հատվածն է, իսկ այնտեղից բուսնող կանաչը՝ մազերը։
Որդուս տրամաբանությամբ գազարի գլուխն այնտեղ է, որտեղից սկսում են ուտել, այսինքն՝ նեղ հատվածը։ Լայն մասը ոտքերն են, քանի որ գազարը միայն այդպես կարող է «կանգնել»։
Աղջիկս համոզում էր, որ բոլոր նկարներում, այդ թվում՝ համացանցում, գազարն այդպես է նկարված։ Նա նկարներ գտավ, ինքն էլ նկարեց, բայց չօգնեց։
Որդիս վստահեցնում էր, որ նկարները պարկեշտ տեսք չունեն, եւ ընդհանրապես միայն «գազար տղաները» կարող են այսպիսի տեսք ունենալ, իսկ գազարները միայն տղա չեն կարող լինել. «սա արդեն սեքսիզմ է»: (Սեքսիզմ տերմինը մեր ընտանիք է մտցրել աղջիկս՝ վերջ տալու համար «Դե դու աղջիկ ես» բառերով սկսվող դիտողություններին):
Դուստրս չհանձնվեց՝ որպես փաստարկ բերելով կենսաբանական անալոգները։ Եթե երեխաները ծնվում են գլխից, ապա գազարը նույնպես նույն կերպ դուրս է գալիս հողից։ Գազարը չի կարող «գլխիվայր» աճել»,- վստահեցնում էր նա: «Իսկ ու՞մ համար է հիմա հեշտ», - դժգոհում էր տղաս։
Բանավեճը երկար տեւեց, ես այնքան ուժ չունեի մինչեւ վերջ լսելու համար։ Եւ իրականում, որտե՞ղ է գազարի գլուխը։
Նանա Վահրամյան
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն