Անկախ սանրվածքի ձեր նախապատվությունից, յուրաքանչյուր կտրվածք լավագույնս արվում է առողջ մազերի ամուր հիմքի վրա: Ինչպե՞ս հասնել գեղեցիկ ծավալուն եւ ամուր մազերի: «Հարցն առողջ գլխամաշկն է», - ասում է Հելեն Ռիվին՝ տրիկոլոգ եւ Act + Acre-ի հիմնադիրը, ով աշխատել է Ամալ Քլունիի եը Հարի Սթայլսի հետ: «Շատ կարեւոր է լավ հոգ տանել ձեր գլխամաշկի մասին»:
Ուշադրություն դարձրեք ջրին
Գլխամաշկի չորությունը կարող է առաջանալ տարբեր պատճառներով՝ սկսած շրջակա միջավայրի գործոններից մինչեւ սննդակարգ: «Երբ ցուրտ է, գլխամաշկը կարող է շատ չորանալ», - ասում է նա: «Բայց ամենակարեւոր բաներից մեկը, որին պետք է տեղյակ լինել, այն է, թե որքան կոշտ է ջուրը»: Նրանք, ովքեր ապրում են կոշտ ջրերո վայրերում, պետք է նպատակ ունենան խոնավեցնել իրենց գլխամաշկը՝ օգտագործելով փափկեցնող բաղադրիչներ պարունակող միջոցներ, որոնք հանգստացնում եւ վերացնում են ցանկացած չորություն: Բացի այդ, Jolie ցնցուղի ֆիլտրով գլխիկը նվազեցնում է մետաղների, քլորի եւ այլ կեղտերի պարունակությունը կոշտ ջրի մեջ:
Մերսում
«Կարծում եմ՝ մարդիկ թերագնահատում են գլխի մերսման կարեւորությունը եւ այն, թե որքան կարեւոր է խթանել արյան հոսքը», - ասում է Ռիվին, «հատկապես, եթե դուք ամեն օր չեք լվանում ձեր մազերը»: Արյան հոսքի խթանումն օգնում է ավելի շատ սննդանյութեր հասցնել մազերի ֆոլիկուլին, նույնիսկ կարող է օգնել գլխի ամենօրյա թեթեւ մերսումը»:
Ձեր գլխամաշկը խնամեք այնպես, ինչպես դեմքը
Ձեր գլխամաշկը պարզապես ձեր դեմքի մաշկի շարունակությունն է, բայց այն վեց անգամ ավելի արագ է ծերանում: Սա նշանակում է, որ դուք պետք է առաջնահերթություն տաք մազերի առողջությանը, քանի որ մեծանում եք: «Ես խորհուրդ չեմ տալիս օգտագործել գլխամաշկի սկրաբներ, խուսափեք դրանցից», - ասում է Ռիվին: «Կարող են միկրո կոտրվածքներ եւ այլ խնդիրներ ստեղծել։ Ընտրեք քիմիական շերտազատիչներ, ինչպիսիք են սալիցիլաթթունը՝ յուղը հավասարակշռելու, մահացած մաշկը հեռացնելու եւ գլխամաշկը հավասարակշռված պահելու համար:
Որքան հաճախ պետք է լվանալ մազերը
Սա հավերժական հարց է։ Ռիվին ասում է, որ համընդհանուր պատասխան չկա. ավելի շուտ, դա կախված է ձեր ապրելակերպից: «Ես կանոնավոր լվացման կողմնակից եմ», - ասում է նա: «Եթե դուք ունեք թեփ, դուք պետք է ձեր մազերը լվանաք ամեն օր, դրա պատճառն այն է, որ մալասեզիա թեփի բորբոսը սնվում է լիպիդներով»: Դուք բնական ձեւով ազատվում եք լիպիդներից ձեր ճարպի եւ մազի ֆոլիկուլի միջոցով, եւ եթե քրտնում եք (ինչը մեզնից շատերը հավանաբար անում են օրվա ինչ-որ պահի), դա պարարտ հող է ստեղծում դրա աճի համար՝ վատթարացնելով թեփը:
Թեեւ շատերն ընտրում են թեփի դեմ շամպուններ, Ռիվին զգուշացնում է, որ դրանցից շատերը պարունակում են բաղադրիչներ (օրինակ՝ ցինկի պիրիթիոն), որոնք հեռացնում են լավ բակտերիաները եւ վատը, ուստի ավելի լավ է զգուշանալ։ «Վերջնական նպատակն է պահպանել հոմեոստազը եւ ապահովել արգելքների պաշտպանությունը», - ասում է նա:
Աղբյուրը՝ Vogue
Հետևեք NEWS.am STYLE-ին Facebook-ում, Twitter-ում և Instagram-ում
23:26, 20 մայիսի
Սառա Ջեսիկա Փարքերը խոստովանել է, որ ատում է նիհար լինելը22:05, 20 մայիսի
Մեքսիկական փոքրիկ ճաշարանը Միշլենի աստղի է արժանացել՝ «բացառիկ տակոյի» համար21:30, 20 մայիսի
Ավստրալացի կինը 65 տարեկանում այնքան ցնցող տեսք ունի, որ նրան եւ իր թոռնուհուն հաճախ քույրերի տեղ են դնում20:05, 20 մայիսի
«Ինձ համար ամենակարեւորը բարձր մակարդակով Հայաստանը ներկայացնելն է». Անահիտ Հակոբյանը պատրաստվում է «Նոր Ալիք 2024»-ին19:19, 20 մայիսի
Ադելը եւս մեկ երեխա է ուզում16:23, 20 մայիսի
BMW-ն եւ Նաոմի Քեմփբելը ներկայացրել են յուրօրինակ ամենագնաց, որը ոգեշնչված է սուպերմոդելից15:58, 20 մայիսի
FX-ը եւ Hulu-ն պաշտոնապես հայտարարել են «Սյոգուն»-ի երկրորդ եւ երրորդ եթերաշրջանների մասին15:18, 20 մայիսի
Jacob & Co.-ն ներկայացնում է «Ring of Fire» հազվագյուտ ժամացույցը14:21, 20 մայիսի
Դեւիդ Բեքհեմը տղամարդկանց հագուստի հավաքածուներ կստեղծի Hugo Boss-ի համար13:22, 20 մայիսի
Դեմի Մուրն ապշեցրել է իր էքստրավագանտ զգեստով12:18, 20 մայիսի
Քեւին Քոսթների ֆիլմը Կաննում 10 րոպեանոց հոտնկայս ծափահարությունների է արժանացել11:08, 20 մայիսի
«Ես, իսկապես, զղջում եմ»․ Շոն «Դիդի» Քոմբսն առաջին անգամ խոսել է համացանցում տարածված տեսանյութի մասին, որում նա ծեծում է նախկին ընկերուհուն