• «Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)

  Մայիսի 2-ին Արամ Խաչատրյան համերգասրահում տեղի ունեցավ «Էթնո ջազ» խորագրով համերգը․․․

• Ջոան Աղաջանյան-Քուինը՝ Լոս Անջելեսի արտ-բեմի մուսա եւ հովանավոր

  «Սա ոչ տիպիկ հավաքածու է»,- ասում է գալերիստ Ռեյչել Մակքալա Ուեյնռայթը։ «Ջոանը պարզապես մուսա չէ նկարիչների համար, այլեւ գիտակ, որը շատ հմուտ խոսում է արվեստի մասին։ Հավաքածուն կարճ պատում է Լոս Անջելեսի ստեղծագործության  մասին, որի կենտրոնում են գտնվել Ջոանը եւ Ջեկը»...

• Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը

  Մայամիի սեքսի թանգարանը բացել է «Ցանկության մեքենաներ»/Desire Machines խորագրով ցուցահանդեսը, որը ներկայացնում է Հաջիմե Սորայամայի խորհրդանշական «սեքս-ռոբոտ» քանդակների շարքը…

• Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

  Ավստրիացի նկարիչ Գուստավ Կլիմտի՝ 100 տարի կորած համարվող կտավը Վիեննայում կայացած աճուրդի ժամանակ վաճառվել է 30 միլիոն եվրոյով․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

Այս անունով արտասովոր ցուցահանդես է բացվել Երեւանում՝ Արտ կվարտալի տարածքում։ Միանգամից ասենք՝ իրադարձությունը «կինոն բոլորի համար չէ» շարքից է։ Եթե ​​դուք խիստ դասականների սիրահար եք, հաստատ սա ձեզ համար չէ: Բայց եթե պատրաստ եք թարմ հայացք նետել բոլորին ծանոթ իրերին, ընդունել արվեստագետների ամենադաժան ֆանտազիաները եւ զգալ անսովոր մթնոլորտը, ապա կա առիթ այցելելու Արտ կվարտալ, մանավանդ, որ տուն վերադառնալու թեման մոտ ու հասկանալի է բոլորին։

Ցուցահանդեսի համակարգող Դարիա Պլաքսիեւայի խոսքով՝ գաղափարը նրանում է, որ յուրաքանչյուր մարդ, գոնե մեկ անգամ, լքել է իր տունը, եւ բոլորը, գոնե մեկ անգամ, ցանկացել են վերադառնալ այնտեղ՝ թեկուզ սեփական հիշողության մեջ։

«Մեր ցուցահանդեսը ինտերակտիվ է, ընկղմվող, այն հուշում է, որ ցանկացած այցելու կարող է ոչ միայն դիտել ցուցանմուշները, այլեւ խորասուզվել մթնոլորտի մեջ, ներգրավվել գործընթացում՝ կարող եք խաղալ, մասնակցել մրցույթների: Մենք փորձել ենք այնպես անել, որ մեր հյուրերն իրենց հարմարավետ ու հանգիստ զգան, ինչպես մանկության տարիներին։ Մենք հավաքել ենք եւ՛ նկարներ, եւ՛ ինստալյացիաներ, որոնք առաջացնում են կարոտի զգացում դեպի անցյալ, որտեղ մենք երբեք չենք վերադառնա»,-բացատրում է Դարիան:

Ամբողջ էքսպոզիցիան կառուցված է այնպես, որ հյուրերը կարծես թե շրջում են հին բնակարանի սենյակներով (հաշվի առնելով Արտ կվարտալի իսկական, կիսանկուղային միջավայրը, կարող եք մտածել, որ սա նույնիսկ ընդհանուր բնակարան է): Յուրաքանչյուր սենյակ ունի իր նշանակությունը. սենյակի պահարանի դուռը հանկարծ վերածվում է ննջարանի մուտքի դռան, երեխաների վախերն ապրում են մահճակալի տակ՝ մթության մեջ, իսկ սարդերը՝ խոհանոցում՝ առաստաղի տակ: Եվ եթե պտտվեք «անցյալի անիվով», կարող եք հիշել մանկությունից սովորական արտահայտությունները, ինչպիսիք են «խեղդվում ես, տուն մի՛ արի» կամ «երբ մեծանաս, կպահես ում ուզում ես»:

Մուտքի մոտ տեղադրված է QR կոդով հավելված, որով կարող եք կարդալ յուրաքանչյուր ստեղծագործության մասին տեղեկություն եւ իմանալ, թե ով է դրա հեղինակը։ Պատահական չէ, որ ցուցահանդեսը միջազգային է հռչակված. ներկայացված են 30-ից ավելի հեղինակների գործեր՝ 7 տարբեր երկներից։

Կազմակերպիչների խոսքով՝ ցուցահանդեսին նախապատրաստվել են փետրվարից։ Դրա համար նրանք բավականին լուրջ քասթինգ են կազմակերպել նկարիչների համար. աշխատանքները պետք է համապատասխանեին ոճով եւ ոգով:

«Երբ հայտնվում ենք նոր վայրում, կորցնում ենք հարմարավետության զգացողությունը եւ ակամա ուզում ենք վերադառնալ մանկություն՝ մեր տուն»,- ասում է ցուցահանդեսի դիզայներ Գելյա Պոլիվկան,-Էքսպոզիցիայի կտավը մեր մանկության փոփոխված հիշողություններն են: Նկարիչները մեզ բերեցին իրենց նկարներն ու ինստալյացիաները, իսկ մենք ինքներս դեկորացիաներ ու առարկաներ փնտրեցինք՝ եւ՛ շուկաներում, եւ՛ հին տներում, որոնք քանդվում կամ վաճառվում են: Եվ ընդհանրապես, ինչքան հին է իրը եւ տարօրինակ, այնքան արժեքավոր է մեզ համար»։

Նկարչուհի եւ լուսանկարիչ Իրա Բրանան արդեն երկու ամիս է, ինչ ապրում է Հայաստանում, սա նրա առաջին մասնակցությունն է երեւանյան ցուցահանդեսի։ Նրա աշխատանքը նվիրված է հին «խրուշչովյան շենքերին», որտեղ շատերն անցկացրել են իրենց մանկությունը։

«Տոնական բյուրեղյա աղցանամանի մեջ հին հինգհարկանի շենքերի պատերի փոքրիկ կտորներ կան։ Դա նման է մարդու մանկության հիշողության բեկորներին. մենք հիշում ենք անցյալի ամենավառ շեշտերը: Եվ պարտադիր չէ, որ սա ամբողջական պատկեր լինի, դրանք կարող են լինել առանձին դետալներ՝ հոտեր, պատից կախված գորգի նկար, թեյի բաժակի վրա կլոր կետեր... Հենց այսպիսի պահեր ենք մենք փորձել փոխանցել»,-ասում է Իրան։

Արտասովոր անունով արվեստագետ Սեդրակ Մեծը երկար ժամանակ աշխատում է Արտ կվարտալում։ Այս ցուցահանդեսում նրա կտավը, որտեղ պատկերված է մերկ կին, ներդաշնակորեն միաձուլվում է տարածության մեջ. այցելուն, կարծես, հայտնվում է հին խորհրդային բնակարանի լոգարանում, երեւի թե կոմունալ բնակարանում, որտեղ լոգարանը մենակ մնալու միակ վայրն էր: «Ես հաճախ եմ հրաժարվում ցուցահանդեսներից, բայց սա այլ դեպք է։ Կազմակերպիչներն այնքան նրբանկատորեն են մոտեցել մթնոլորտին, որ ես ուղղակի հիացած եմ։ Ես ինքս մինչեւ վերջին պահը չգիտեի, թե ինչ միջավայրում է ներկայացվելու իմ նկարը, եւ երբ տեսա այն, հասկացա, որ հենց այս ինստալյացիան է ամենից շատ բացահայտում կտավի իմաստը։ Հարգանքներս կազմակերպիչներին, նրանք պրոֆեսիոնալներ են»։

Ընդհանուր առմամբ, ցուցահանդեսը երկիմաստ տպավորություն է թողնում։ Դրական կողմերից են հեղինակային հետաքրքիր գտածոների ու էքսպոզիցիաների ներկայացումը, խորհրդային անցյալի առարկաները, որոնք նոր շունչ են ստացել։ Բացասական կողմերից է այն, որ մի քիչ մռայլ ու «փոշոտ» է՝ հատկապես նկուղային սենյակներում։ Ուստի ոչ բոլորը կարող են մանկության մասին ասոցիացիաներ առաջացնել: Բայց այս ցուցադրությունը ստիպում է մտածել, խորհել, եւ սա է նկարչի հիմնական նպատակը։

Ցուցահանդեսը բաց կլինի մինչեւ մայիսի 19-ը, դրա շրջանակում նախատեսված են կինոդիտումներ, դասախոսություններ, հանդիպումներ։ Կազմակերպիչները խոստանում են գրաֆիկը գրել ցուցապաստառների վրա՝ հենց Արվեստի թաղամասի մուտքի դիմացի պատին։

Սոֆյա Ցարեւա

Հետևեք NEWS.am STYLE-ին Facebook-ում, Twitter-ում և Instagram-ում