• Երեք օր Դուբայում. ինչո՞ւ է այն զբոսաշրջային ամենաթերագնահատված ուղղություններից մեկը (լուսանկարներ)

  Կարճատև արձակուրդս (ունեի ընդամենը երեք ամբողջական օր) որոշեցի անցկացնել Դուբայում․․․

• Աջարիա. Տուրիզմի բոլոր տեսակները տարվա բոլոր եղանակներին

  Աջարիան Հայաստանի բնակիչների համար առաջին հերթին ծովն է և դրա հետ կապված ամեն ինչ...

• Hatta նշանը Դուբայում Գինեսի նոր համաշխարհային ռեկորդ է սահմանում

  Դուբայը հերթական համաշխարհային ռեկորդն է սահմանել․․․

• Չեռնոգորիա. Ռոզե հանգստավայր (մաս երրորդ)

  Տարածաշրջանի առաջին նավահանգիստներից է, ուստի վայրը ոչ միայն գեղեցիկ է, այլեւ լի պատմությամբ․․․

• Աշունը Դուբայում․ ու՞ր գնալ եւ ի՞նչով զբաղվել

  Դուբայում աշնանային սեզոնի մեկնարկին միշտ անհամբերությամբ են սպասում․․․

• Նրբաճաշակ Պերաստ. իտալական տրամադրություն Կոտորի ծովածոցի սրտում

  Այս հանգստավայրը կարելի է անվանել փոքրիկ Իտալիա․․․

• Emirates Airlines-ը ներկայացրել է Emirates iO ծառայությունը՝ ճանապարհորդելու էլիտար միջոց միայն էլիտայի համար

  Հաճախորդները կարող են միանալ Emirates iO-ին միայն ընկերության նախագահ Թիմ Քլարկի հրավերով․․․

• Տոմսի դիմաց դաջվածք․ Ավստրիան առաջարկում է անվճար երկաթուղային ճանապարհորդություն

  Գերմանալեզու Salzburger Nachrichten թերթը հայտնել է, որ հանգստյան օրերին առաջարկից օգտվել է վեց մարդ․․․

Բաունտի՝ դրախտային բերկրանք: Եվ խոսքը հայտնի շոկոլադե սալիկի մասին չէ։ Խաղաղ օվկիանոսում գոյություն ունի Փիթքերն կղզի, որն ամբողջ աշխարհից գրավել է հազարավոր ճանապարհորդների։ Պատմում ենք, թե ինչ առանձնահատկություն ունի այն:

Ամեն ինչ սկսվեց բրիտանական «Բաունտի» նավից: Այն ժամանակ, երբ անգլիական նավերը շրջում էին օվկիանոսներով ու գրավում հողեր աշխարհի հեռավոր անկյուններում, այդ նավերից մեկը հայտնվեց Խաղաղ օվկիանոսի մեջտեղում գտնվող կղզու վրա: Բնիկների մեջ նավաստիները տեսան նաեւ իրենց հայրենակցին՝ ծերունի Ջոն Ադամսին:

Տեղացիները երկրպագեցին Ադամսին, եւ նա իրեն ենթարկեց կղզու ողջ կյանքը: Ադամսը կղզու միակ չափահաս տղամարդն էր: Մի քիչ պատմություն՝ հասկանալու համար, թե ինչպես է այդպես ստացվել։

Գրեթե 30 տարի առաջ Ադամսը բրիտանական «Բաունտի» նավի անձնակազմի անդամներից էր, որը հացի տնկիներ փնտրելու նպատակով հասել է Թաիթի կղզի, նավաստիները կղզում մնացելկ են վեց ամիս։ Այդ ընթացքում նավաստիներն ընկերացել են տեղի բնակչության հետ, որոնք կղզում հավատարիմ են մնացել «ազատ սիրո» հայեցակարգին։

Նման երկարատեւ արձակուրդը վատ ազդեցություն ունեցավ նավաստիների կարգապահության վրա, եւ հաջորդ ճանապարհորդության ժամանակ նրանք ապստամբություն կազմակերպեցին. ապստամբները նավապետին եւ նրա կամակատարներին նավով իջեցրին բաց օվկիանոսում, իսկ նրանք վերադարձան Թաիթի: Շուտով նավաստիները բաժանվեցին. ոմանք որոշեցին մնալ Թաիթի կղզում, իսկ ոմանք, վախենալով պատժիչ արշավանքից, մեկնեցին բնակության համար նոր կղզի փնտրելու:

Այս նոր վայրը Փիթքերն անմարդաբնակ կղզին էր։ Այնտեղ բնակություն հաստատեցին 9 անգլիացի եւ 19 թաիթցի՝ 6 տղամարդ, 12 կին եւ մի փոքրիկ աղջիկ։ Բրիտանացիների կողմից թաիթցիների նկատմամբ դաժան վերաբերմունքի պատճառով կղզում խռովություն սկսվեց, որը շուտով հանգեցրեց նրան, որ թաիթցիները սպանեցին հինգ անգլիացիների։ Ամենազարմանալին այն էր, որ կանայք բռնեցին բրիտանացիների կողմը, իսկ մեկ տարի անց կղզու բոլոր թաիթացի տղամարդիկ մահացած էին։ Այսպիսով, 4 անգլիացի, 10 թաիթցի կանայք ու երեխաները մնացին Փիթքերնում, կղզում տիրում էր խաղաղություն, բայց դա երկար չտեւեց։

Շատ շուտով նավաստիներից մեկին հաջողվեց կաղամբի արմավենու արմատներից ռոմ ստանալ, իսկ կղզու արական սեռի բնակիչները սկսեցին զանգվածաբար խմել։ Այսպիսով, կղզում կրկին բռնկվեցին հակամարտությունները, որից հետո մնացին 9 կին, 19 երեխա եւ 2 տղամարդ, որոնցից մեկը շուտով մահացավ ասթմայից։ Միակ անգլիացին, ով ողջ է մնացել, Ջոն Ադամսն էր։ Այնուհետեւ Ադամսը երեխաներին կսովորեցնի գրել եւ կարդալ, իսկ կղզու բնակիչների համար կդառնա հարգված առաջնորդ:

Ադամսի մահից հետո կղզի սկսեցին ժամանել տարբեր ճանապարհորդներ ու միսիոներներ։ Շուտով Փիթքերն կղզու համբավը դարձավ հակասական, քանի որ այնտեղ բազմաթիվ թափառականների բնակեցումից հետո կղզու բնակիչներին սկսեցին մեղադրել հեբեֆիլիայի ու մանկական պոռնոգրաֆիա տարածելու մեջ։ Հանցագործները բանտարկվեցին։

Ըստ լեգենդի, երբ կղզին դեռ չէր գրավվել բրիտանացիների կողմից, արկածախնդիրներն ամբողջ աշխարհից այցելում էին Փիթքերն, որի բնակիչները պատրաստակամորեն ընդունում էին ճանապարհորդներին՝ կղզում տղամարդկանց բացակայության պատճառով: Այսպիսով, Փիթքերնը վաղուց համարվում է բոլոր ճանապարհորդների հաճույքի կղզին:

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում