Christie's աճուրդի տունը գաղտնի աճուրդում ավելի քան 100 մլն դոլարով վաճառել է Մարկ Ռոտկոյի նկարը։
CNBC-ին տված հարցազրույցում Christie's-ի գործադիր տնօրեն Գիյոմ Սերուտին ասել է, որ Christie's աճուրդի տունը նկարը վաճառել է հունվարին մասնավոր վաճառքում «ավելի քան 100 միլիոն դոլարով»: Սակայն աճուրդի տունը հրաժարվել է մանրամասներ հաղորդել։
Գործարքին ծանոթ արվեստի դիլերները CNBC-ին պատմել են, որ նկարը Մարկ Ռոթկոյի «Թիվ 6 (մանուշակագույն, կանաչ և կարմիր)» կտավն է, որը ստեղծվել է 1951 թվականին։ Այն վաճառել է ռուս միլիարդատեր և կոլեկցիոներ Դմիտրի Ռիբոլովլևը, ով նկարը գնել է 140 միլիոն եվրոյով 2014 թվականին։
Այն ձեռք է բերել հեջ-ֆոնդի միլիարդատեր և Citadel-ի գործադիր տնօրեն Քենեթ Գրիֆինը: Արվեստի խոշոր կոլեկցիոներ Գրիֆինը հրաժարվել է մեկնաբանություններից:
Վաճառքի առեղծվածային բնույթը՝ քիչ հրապարակային մանրամասներով, ընդգծում է վերջին տարիներին մասնավոր վաճառքների արագ աճն՝ աճուրդային աշխարհի քիչ նկատելի ու գաղտնի մի անկյուն:
Մասնավոր վաճառքի դեպքում աշխատանքը հնարավոր վաճառքի է ներկայացվում աճուրդի տան, որը դիմում է իր առաջատար հաճախորդներին և գործարքի մեջ հանդես է գալիս որպես միջնորդ։ Մասնավոր վաճառքներն աճել են Covid-19 համաճարակից, քանի որ ավելի ու ավելի շատ կոլեկցիոներներ ընտրում են գաղտնի գործարքները՝ հանրության աչքից հեռու:
Անցյալ տարի Christie's-ի մասնավոր վաճառքները կազմել են 1,2 միլիարդ դոլար, ինչը 49%-ով գերազանցում է մինչ համաճարակային մակարդակը: Sotheby's աճուրդի տունը հայտնել է 1,2 միլիարդ դոլարի մասնավոր վաճառքի մասին՝ 2022 թվականի 1,1 միլիարդ դոլարի դիմաց:
Հետևեք NEWS.am STYLE-ին Facebook-ում, Twitter-ում և Instagram-ում
10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին