• Հինգ սխալ, որոնք լուռ կործանում են ամուսնությունները

  Երջանիկ և երկարատև ամուսնության գաղտնիքը կայանում է ոչ միայն համատեղելիության, այլև հուզական մտերմության պահպանման մեջ․․․

• Սմարթֆոնները գողանում են կյանքի տարիները. գիտնականները զգուշացնում են անվերջ սքրոլինգի հետևանքների մասին

  Սոցիալական ցանցերում ժամերով սքրոլինգ անելը կարող է շատ ավելի լուրջ առողջական հետևանքներ ունենալ, քան ընդունված է ենթադրել…

• Աղջիկներն ու տղաները ծնվելուց մի քանի ժամ անց սկսում են տարբեր կերպ արձագանքել աշխարհին

  Հարցը, թե տղամարդկանց և կանանց վարքագծի տարբերությունները որքանով են պայմանավորված բնությամբ, և որքանով՝ դաստիարակությամբ և սոցիալական միջավայրով, մնում է գիտության մեջ ամենատևականներից մեկը…

• Արձակուրդն ավարտվում է, իսկ անհանգստությունը սկսվում է․ ինչո՞ւ չենք ուզում վերադառնալ աշխատանքի

  Արդյո՞ք մենք պարզապես հոգնել ենք աշխատանքից, թե՞ երբեմն աշխատանքի վերադառնալու մեր ուժեղ ցանկությունը թաքցնում է շատ ավելի խորը խնդիր...

• «ChatGPT-ն համոզել էր ինձ, որ ես Հիսուսն եմ». ամերիկացին դատի է տվել OpenAI-ին՝ ինքնասպանության փորձի համար

  Գաղտնիք չէ, որ իրենց համեմատաբար կարճ պատմության ընթացքում արհեստական ​​բանականության չաթբոտները, այդ թվում՝ ChatGPT-ն, բազմիցս հայտնվել են պատմությունների կենտրոնում այն ​​մասին, թե ինչպես են նրանք համոզել օգտատերերին ծայրահեղ համոզմունքների մեջ․․․

• Կատարյալ մանիպուլյատորներ. ինչու է հասարակությունն անպաշտպան թաքնված հոգեպաթների առջև

  Երկար ժամանակ հոգեպաթիայի մասին ավանդական պատկերացումները հիմնված էին բացառապես բանտային հետազոտությունների վրա։ Սակայն այսօր գիտնականներն ուշադրություն են դարձնում բարձր ֆունկցիոնալությամբ օժտված հոգեպաթներին․ սրանք կայուն գիշատչի գծերով (Persistent Predatory Personalities) մարդիկ են, որոնք հիանալի հարմարված են հասարակության մեջ, հաջող կարիերա ունեն կորպորացիաներում, քաղաքականությունում ու այլ ոլորտներում՝ միևնույն ժամանակ մնալով անպատիժ, գրում է Guardian-ը...

• Մերժվածության վախը մարդկանց վերածում է կարգավիճակի և հարստության որսորդների

  Հինգ երկրներում անցկացված միջազգային ուսումնասիրությունը պարզել է, որ հարաբերությունների անապահովությունը կարող է անմիջականորեն ազդել մարդու՝ հարստության, հեղինակավոր ունեցվածքի և սոցիալական կարգավիճակի ձգտման վրա․․․

• 13 ամենատարածված երազները և դրանց իրական նշանակությունը

  Հոգեբանը բացահայտել է ամենատարածված 13 երազների իմաստը՝ հանրության մեջ մերկ հայտնվելուց մինչև դավաճանություն և շարժվելու անկարողության զգացում․․․

Միանգամից ասեմ, որ ես չեմ հավատում այդ բոլոր էքստրասենսներին, գուշակներին, կախարդներին, կանխատեսներին եւ այլն։ Սակայն հանգամանքների բերումով եւ երբեմն էլ հետաքրքասիրությունից դրդված, ես գնացել են այդպիսի մարդկանց մոտ, ում անձամբ ես համարում եմ խաբեբաներ, ովքեր շատ լավ գիտեն, թե ինչպես կարելի է խաղալ մարդկանց հոգեբանության հետ։ Այսօր ես որոշել եմ կիսվել Ձեզ հետ իմ անձնական փորձով, որը կպատմի իմ եւ «պարանորմալ մասնագիտության» ներկայացուցիչների շփման մասին։

Դեռեւս իմ լրագրողական կարիերայի ընթացքում ես իմ խմբագրության առաջադրանքով գնացել էի էքստրասենսների սրահ։ Գովազդային պաստառից պարզ երեւում էր, որ նրանց առաջարկած ոչ ավանդական բժշկության միջոցով նրանք կարող են աստղագիտական ​​ճշգրտությամբ տալ ցանկացած հիվանդության ախտորոշում եւ բուժել այն։ Ինձ ընդունեց մի կին-էքստրասենս։ Նա մի նիհարիկ, հաճելի ու համակրելի կին էր եւ բավականին ինտելիգենտ տեսք ուներ։ Մի քանի ստանդարտ հարցեր տալով (տարիքի եւ առողջական ընդհանուր վիճակի մասին)՝ նա ինձ պառկեցրեց բազմոցին եւ սկսեց սեանսը։ Սեանս ասելով ի նկատի ունեմ, որ նա ջղաձգորեն ձեռքի մի քանի շարժում էր անում եւ մարմնիս տարբեր հատվածներում ձեռքով թույլ հարվածում։ «Մանուկ հասակում թոքերի բորբոքում ունեցել եք»,- վստահ հարցրեց ակնոցով կին-էքստարսենսը։

Իմ մի փոքր անվստահ «ոչ» պատասխանից հետո նա ասաց. «ուրեմն ոտքի վրա եք անցկացրել»։ Սեանսի արդյունքում պարզ դարձավ, որ ես, լինելով 20 տարեկան, «աշխարհի ամենահիվանդ» մարդն եմ, եւ ես գործնականում ոչ մի առողջ օրգան չունեմ։

Ինչպես ասում էր սատիրիկ Միխայիլ Զադորնովը՝ «ուղեղում՝ ավազ, լյարդը՝ աղի մեջ»։ Իհարկե, բուժվելու համար դեռեւս պետք է նվազագույնը 10 սեանս էլ ընդունեի, ինչը մի կլորիկ գումար էր կազմելու։ Ես, զգալով ինձ մի մահացող տատիկ, եկա տուն եւ մայրիկիս ծիծաղելով պատմեցի էքստրասենսի «ախտորոշման» մասին։ Նշեմ, որ այդ օրը լի էր այդպիսի պարանորմալ մարդկանց հետ հանդիպումներով։ Մայրիկիս հյուր էր եկել մի կին, ով իրեն միաժամանակ ուֆոլոգ, էքստրասենս, եւ գուշակ էր համարում։ Ասեմ, որ նա չհասկացավ այն սարկազմն ու ծաղրը, որով ես ներկայացնում էի այս պատմությունն ու լրջորեն ասաց, որ ինձ թուղթ ու գիր են արել ու հանել իմ էներգիան, եւ նա միանգամից սկսեց պարել իմ շուրջը՝ էներգիան «վերականգնելու» համար...։

Երկրորդ անգամ ընկնելով ընկերուհիներիս ազդեցության տակ՝ գնացի մադամ Իլոնայի (անունը փոխված է) մոտ։ Երեւանում լուրեր էին պտտվում, որ նա ճշգրտորեն գուշակում է ապագան, եւ իր կանխատեսումները վայրկյանի ճշգրտությամբ կատարվում են։ Անկեղծ ասած՝ այդ մադամին ես միանգամից դուր չեկա։ Ոչ մի կերպ չէր ստացվում հեռացնել իմ քմծիծաղը։ Երբ ես լսեցի, որ այս տիկինը հեռախոսով խոսելիս «արդեն էներգիա էր փոխացել» զրուցակցին՝ նրա որոշ խնդիրներից ազատվելու համար, չկարողացա զսպել ծիծաղս։ Արդյունքում, մադամը բարկացած ինձ դռան կողմը ցույց տվեց։

Մի անգամ Մոսկվայում գործուղման ժամանակ ես եւ ընկերուհիս հիանալի տրամադրությամբ զբոսնում էինք Արբատով եւ հանկարծ մի գուշակի հանդիպեցինք։ Իմ անձնական կյանքում բավականին ծանր շրջան էր, եւ ես որոշեցի դիմել անդրշիրիմյան ուժերի օգնությանը՝ չնայած իմ թերահավատությանը. կանացի «երկաթե տրամաբանություն», այնպես չէ՞։Ե վ այսպես, սարսափելի մեծ լինզաներով (որոնք իր աչքերը երեք անգամ մեծացնում էին) ակնոց կրող տատիկը, անթարթ նայելով ինձ, սկսեց հարցեր տալ եւ ինձանից տեղեկություններ կորզել։ Խոստովանեմ, որ որոշ բաներ համընկան, ընդ որում այնպես եղավ, որ ես մի պահ սկսեցի հավատալ այսպիսի երեւույթների։ Ինձանից հետո նա սկսեց գուշակել իմ ընկերուհու ապագան եւ նրան ասաց գրեթե նույն բանը՝ մի փոքր իմպրովիզացիաներով։ Երբ մենք սկսեցինք վերլուծել տատիկի խոսքերը, հասկացանք, որ հավանաբար, տատիկը ֆիզիոնոմիստ (դիմագետ) էր։ Նա ուշադիր նայում էր «զոհի» դեմքի արտահայտությանը, ռեակցիաներին, այս կամ այն բառերին, խոսքերին, եւ «մարգարեություն անում», ինչը այնքան էլ դժվար գործ չէ ցանկացած «ինտելեկտով եւ զարգացած» մարդու համար։ Սակայն ինչպես կանխատեսել էր տատիկը՝ ես եւ ամուսինս ամուսնալուծվեցինք, բայց ինձ չի թվում, որ այդ մասին «նրան տիեզերքից էին հայտնել»։ Ամեն մարդ ինքն է որոշում իր ճակատագիրը եւ «անդրշիրիմյան ուժերը» ոչ մի կապ չունեն։ Պարզապես մարդիկ հիմնականում նախընտրում են խուսափել պատասխանատվությունից՝ իրենց ձախողումներում, իսկ երբեմն էլ հաջողություններում «մեղադրելով» աստղերի դասավորվածությանը, լիալուսնին եւ աստվածների քմահաճույքին...

 Էմմա Օ.

Հետևեք NEWS.am STYLE-ին Facebook-ում, Twitter-ում և Instagram-ում