Այս տարի դիմահարդարման մեջ արդիական են վառ գույները, հատկապես` փայլերը: Այս մասին NEWS.am Style-ի թղթակցի հետ զրույցում ասաց «ՆՆ» գեղեցկության սրահի դիմահարդար Քրիստինե Արշակյանը:
Նրա խոսքով` շատ նորաձեւ է համարվում ոսկեգույնը, արծաթագույնը, կարելի է համադրել նաեւ «հակադիր գույներ», օրինակ` կանաչը կապույտի հետ եւ այլն:
«Այս տարվա դիմահարդարումը հնարավորություն է տալիս անել այն, ինչ ուզում ենք, սահմաններ եւ արգելքներ չկան, սահմանը անսահմանությունն է»,- ասաց նա: Նորաձեւության տենդենցներում այս տարի շրթներկը պետք է լինի մուգ, հագեցած գույն, օրինակ` բորդո, շագանակագույն եւ այլն:
Աչքերի դեպքում կարելի է օգտագործել յուղոտ եւ փայլ ունեցող ստվերաներկեր, իսկ ծայրերը ընդգծել մատիտով կամ սուրմայով: Կարմրաներկը պետք է համահունչ լինի դեմքին եւ դիմահարդարմանը:
Քրիստինեն խորհուրդ է տալիս դիմահարդարումը համապատասխանեցնել կերպարին եւ հագուստին: Օրինակ` առօրյա դիմահարդարման դեպքում պարզապես կարելի է ունենալ խնամված մաշկ, տոնային քսուկով ստանալ հարթ մակերես, օգտագործել քիչ կարմրաներկ եւ դիմահարդարումը պատրաստ է: Իսկ երեկոյան դիմահարդարում անելիս պետք է հաշվի առնել, թե որտեղ եք գնում, ինչ եք հագնելու եւ այլն: Օրինակ` կարելի է օգտագործել արհեստական թարթիչներ, մուգ ստվերաներկեր, մուգ շրթներկ: Քրիստինեն վստահեցնում է, որ պրոֆեսիոնալի ձեռքում դեմքի ցանկացած թերություն կարելի է թաքցնել կամ շտկել ճիշտ դիմահարդարմամբ:
Օրինակ, նա նշում է, որ եթե դեմքին որեւէ հատվածում օգտագործում ես մուգ գույներ, դա նեղացնում է տվյալ տարածքը, իսկ եթե ցանկանում ես լայնացնել այն, ապա պետք է օգտագործել բաց գույներ: Սա վերաբերում է թե շուրթերին, թե աչքերին:
Դիմահարդարը նկատեց, որ հայ աղջիկների եւ կանանց հիմնական սխալները կապված են հոնքերի խնամքի հետ, մասնավորապես` նրանք կարող է մասնագետի մոտ մշակեն հոնքերը, բայց հետո սկսեն անձամբ մշակեն դրանք եւ ամեն ինչ փչացնեն: Քրիստինե Արշակյանը խորհուրդ է տալիս կանանց եւ աղջիկներին` ունենալ դիմահարդար, դիմել մասնագետներին, ինչպես նաեւ` հետեւել տենդենցներին, բայց չվազել դրանց հետեւից եւ միշտ հաշվել առնի անհատական առանձնահատկությունները:
Ի դեպ, ամանորին դիմահարդարման մեջ եւս գնաճ նկատվում է: Կենտրոնի գեղեցկության սրահներում դիմահարդարումը 10-25 հազար դրամ է, միայն աչքերի հարդարումը` 5000-7000 դրամ է, հոնքերի մշակումը` 2000-3000 դրամ:
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն