Գալիք շաբաթ օրը՝ հոկտեմբերի 3-ին, Երեւանում փառահեղ երաժշտական իրադարձություն է տեղի ունենալու: Էլեկտրոնային երաժշտության երկրպագուները առաջին անգամ Հայաստանում կկարողանան լիարժեքորեն վայելել արտասահմանյան ու հայ դիջեյների մասնակցությամբ համերգը, ու բացի դրանից, հնարավոր կլինի էլեկտրոնային «ջեյմ սեսշնը» վայելել բացարձակապես անվճար: Դրա համար պետք է ընդամենը գրանցվել www.smoothbeats.am կայքում: Համերգի կազմակերպիչները նման քայլի են գնացել ոչ միայն երկրպագուներին ուրախացնելու, այլեւ Հայաստանում էլեկտրոնային երաժշտության զարգացման ապահովման համար: Ըստ նրանց՝ Հայաստանում էլեկտրոնային երաժշտության երկրապագուները քիչ չեն, սակայն համապատասխան տեխիկական հագեցվածությամբ մեծ համերգներ առայսօր չեն իրականացվել:
«Շատերը ստիպված Վրաստան են մեկնում, որտեղ նման համերգներ կազմակերպվում են: Ի վերջո որոշեցինք առաջին քայլն անել»,- NEWS.am -ի թղթակցի հետ զրույցում պատմեց համերգի կազմակերպիչներից Լիլիթ Վարդանյանը՝ նշելով, որ հատուկ այս երաժշտական հավաքույթին մասնակցելու նպատակով Մեծ Բրիտանիայից Հայաստան է ժամանելու հանրահայտ դիջեյ Ջեյմս Զաբիելան (James Zabiela), ում երաժշտական ոճը կարելի է բնութագրել որպես Բրեյքբիթի ու Հաուզ երաժշտության խառնուրդ:
Այսօրվա դրությամբ Ջեյմսը համարվում է էլեկտրոնային երաժշտության աշխարհի լավագույն դիջեյներից մեկը: Նա հայտնի է իր վարպետությամբ ու բոլոր հնարավոր էլեկտրաձայնարկիչների վրա նվագելու իր տեխնիկայով: Նրանից բացի արտասահմանյան հյուրերի շարքում են լինելու նաեւ բրիտանացի Ռեսեթ Ռոբոտը (Reset Robot), շվեդ Թայգեր Սթրիփսը (Tiger Stripes), վրացի Գոգա Գրաֆիտին, իրենց միքսերով երկրպագուներին կուրախացնեն նաեւ հայաստանցի դիջեյներ Areg-ը, xtrm-ը и Karo Pillz-ը:
Համերգի կազմակերպիչները կարելի է ասել գնացել են ամենաէքստրեմալ քայլին: Նրանք հատուկ այս համերգի համար բեմը պատրաստել են Ռոբոտների նախկին արտադրամասում: Բեմի կառուցման համար հաշվի են առել համերգի հատուկ ուղղվածությունը ու այն տարածքի հետ միասին հագեցրել են համապատասխան լույսերով: Բացի լուսավորման շքեղ համակարգից տեղադրվել է 16 մետրանոց 3D հսկայական էկրան: Կազմակերպիչները նաեւ հոգ են տարել ձայնի բարձր որակի մասին: Ամբողջ տեխնիկան արտասահմանից է բերված: «Նման ծավալի ու մակարդակի իրադարձությունը աննախադեպ է Հայաստանի համար, ու մենք վստահ ենք, որ այն կարող է լավ ավանդույթ դառնալ»,- ասեցին կազմակերպիչները:
Նշենք, որ համերգը սկսվելու է հոկտեմբերի 3-ին , 19:00-ին: Ձեզանից ընդամենը պահանջվում է մտնել www.smoothbeats.am կայք ու գրանցվել: Եվ վերջ: Լավ տրամադրությունը, ընկերների ուրախ ընկերակցությունը ու բարձրորակ երաժշտությունը կապահովեն ուրախ շաբաթ երեկո, որը երկար կմնա ձեր հիշողության մեջ:
Հետևեք NEWS.am STYLE-ին Facebook-ում, Twitter-ում և Instagram-ում
20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին