Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Վիշապի լեգենդը» շքեղ շոուով «Երեւան պարկում» բացվեց ընդարձակ սահադաշտը

Համասյանի ու Ռիք Ռոզատոյի երաժշտությունը՝ ARARAT-ի լեգենդար համի ու Ձիթողցյանի կտավների ուղեկցությամբ

ՇոկTok. «Մարդիկ ինձ են օգնում. ես եմ որոշում օգնել ընտանիքների, թե`ոչ». Տարոն Սարգսյան

Ֆրանսիական շքեղություն՝ փարիզյան շնչով. Les Nereides զարդերը՝ 6 տարի Երեւանում

Stylish Faces․ Հասմիկ Կարապետյանը՝ իր համար արված խենթ քայլերի, երկրպագուների հանդեպ ամուսնու վերաբերմունքի եւ այլ թեմաների շուրջ

«Վարձով ընտանիք». նոր հումորային նախագիծ` Մարջան Ավետիսյանի, Էմմա Սապունջյանի, Լեւոն Հախվերդյանի մասնակցությամբ

«Լեռները կհիշեն». ինչպես են ընթանում նոր հեռուստասերիալի նկարահանումները

«Լեռները կհիշեն» հեռուստասերիալի դերասանկական կազմը՝ Խուստուփ լեռան բարձունքին

Սեւ կատակերգություն՝ ապրելու կարեւորության մասին. «Սեւազգեստ կանայք» ֆիլմի փակ դիտումը` Երեւանում

Կարմիր գորգ. հայտնիների look-երը` «Սեւազգեստ կանայք» ֆիլմի պրեմիերային

5 վարժություն, որոնք կօգնեն հասկանալ՝ ինչի համար եք ստեղծված

22:22, 3 հունվարի

Վարժություն 1. Վերադարձնել մանկության հետաքրքրությունները

Գիտեք՝ ինչով է հանճարը տարբերվում սովորական մարդուց: Հանճարը պնդում է սիրելի գործով զբաղվելու իր իրավունքը: Սովորաբար դա տեղի է ունենում վաղ տարիքում:

Փորձեք հիշել, թե ինչով էիք սիրում զբաղվել մանուկ տարիքում: Մինչեւ այն ժամանակ, երբ ձեր ծնողները սկսեցին ձեզ տրամադրել, որ «նկարչությամբ հաց չես վաստակի» կամ «պարերը լուրջ բան չեն»: Գրեք երեք բան, որոնք ձեզ իսկապես դուր են եկել մանկության տարիներին: Սա փոքրիկ ակնարկ է, թե ինչի պետք է ձգտեք:

Վարժություն 2. Օրինաչափություններ ենք փնտրում. 20 սիրած զբաղմունք

Հիմա եկեք ձեր 20 սիրած զբաղմունքների ցանկը կազմենք: Թող որ դրանց մի մասը ձեզ պարզունակ թվան (օրինակ՝ համեղ ուտեստ համտեսելը), միեւնույն է, գրեք: Երբ ցուցակը պատրաստ լինի, ուշադիր ուսումնասիրեք այդ զբաղմունքները: Օրինաչափություն տեսնո՞ւմ եք: Գուցե այդ ցանկում գերակշռում են գործերը,  որոնք կապված ենք մարդկանց օգնելու հետ: Կամ որեւէ սպորտային զբաղմունք: Հասկացեք, թե ինչ խմբերի կարելի է բաժանել այդ ցուցակը: Այն կօգնի հասկանալ, թե ինչ կյանքով կուզեիք ապրել:

Վարժություն 3. Ձեր կատարյալ շրջապատը

Եթե ոչ ոք չի հավատում ձեր ուժերին, դժվար է ինքներդ ձեզ հավատալը: Այդ պատճառով հաղթողներին ծնող շրջապատը գրեթե միշտ կազմված է հաղթողներից: Ցավոք, միջավայրը, որում մենք վարժվել ենք մեծանալ, հանճարներ ծնելու տրամադրված չէ:

Պատկերացրեք, որ աշխարհը մեկ գիշերվա ընթացքում փոխվում է՝ ձեր պահանջներին համապատասխան: Իսկ առավոտյան լի է այնպիսի մարդկանցով, ինչպես դուք եք ուզում: Ինչպիսի՞ն կլինեն այդ մարդիկ: Ինչպիսի՞ հատկություններով: Գուցե բոլորը ստեղծագործ մարդիկ են, բոլորն ամեն ինչ արագ են անում կամ, հակառակը, կցանկանայիք դանդաղեցնել աշխարհը:

Ի՞նչ իմացաք ձեր մասին եւ ի՞նչ է ձեզ պետք՝ ամբողջությամբ ինքնարտահայտվելու համար:

Վարժություն 4. Հինգ կյանք

Իսկ հիմա պատկերացրեք, որ հինգ կյանք ունեք: Եվ յուրաքանչյուրում կարող եք դառնալ այն, ինչ ուզում եք: Ինչպե՞ս կապրեք այդ հինգ կյանքը:

Այս վարժությունը, ինչպես եւ մյուս բոլորը, կարող եք հարմարեցնել ձեզ: Եթե երեք կյանքը բավարարում է ձեզ, երեքը վերցրեք: Տասն է հարկավոր, ուրեմն տասը: Ես հինգն ընտրեցի, որովհետեւ այդ թիվն ինձ դուր է գալիս:

Եվ այսպես՝ պատկերացրեք, որ մի կյանքը նվիրել եք կենսաբանությանը, երկրորդը՝ ճամփորդություններին, երրորդը՝ բազմաթիվ երեխաներով ընտանիք ունենալուն, չորրորդը՝ քանդակագործ դառնալուն, հինգերորդը՝ տիեզերագնաց: Ո՞րն է ձեզ ավելի շատ դուր գալիս:

Կարեւոր է հասկանալ հետեւյալը. եթե ձեզ հարկավոր է ընդամենը մեկ կյանք ընտրել, թեկուզ այն, որը ձեզ ավելի շատ է դուր գալիս, միեւնույն է, մյուսների կարիքը կունենաք, քանի որ դրանք ձեր անքակտելի մասն են: Մեր գլուխը լցրել են՝ «Կողմնորոշվե՛ք», եւ դա տխուր է:

Կյանքում հանդիպում են մարդիկ, որոնք ծնվել են միայն մեկ նպատակի համար, բայց դա հազվագյուտ բացառություն է: Ձեր կյանքերից յուրաքանչյուրը պարունակում է այն, ինչը դուք շատ եք սիրում եւ ինչի կարիքն ունեք: Եվ դուք կարող եք այն ձեր կյանք մտցնել:

Վարժություն 5. Իմ կատարյալ օրը

Հիմա մենք պետք է երկար զբոսանք կատարենք ձեր երեւակայությամբ: Թուղթ ու գրիչ վերցրեք, եւ գնացինք: Եվ այսպես՝ ինչպիսի՞ն եք պատկերացնում ձեր կատարյալ օրը:

Այդ օրն ապրեք ներկայում եւ ամենայն մանրամասնությամբ. որտեղ եք արթնանում, ինչպիսի տուն է, ով է պառկած ձեր կողքին, ինչ եք ուտում նախաճաշին, ինչ հագուստ եք հագնում, ինչ եք անում, ինչով եք զբաղված, տանը, թե գրասենյակում:

Մի սահմանափակեք ձեր երեւակայությունը: Նկարագրեք օրը, որը կապրեիք, եթե բացարձակ ազատություն ունենայիք, անսահմանափակ միջոցներ, ուժ եւ կարողություն, որոնց մասին միայն երազել եք:

Երբ ցանկը կազմված լինի, բոլոր երեւակայությունները բաժանեք երեք խմբի.

Այս ամենից ի՞նչն է ձեզ օդի պես անհրաժեշտ:

Ի՞նչը պարտադիր չէ, բայց, ամեն դեպքում, կցանկանայիք ունենալ:

Առանց ինչի՞ կկարողանաք յոլա գնալ:

Մեր կյանքը բաղկացած է կենսափորձից, պատմությունից, դերերից, հարաբերություններից, աշխատանքից, ունակություններից: Այս ամենից որոշ բաներ ինքներս ենք ընտրում: Ինչ-որ բան, որ մենք մեր ընտրությունն ենք կոչում, իրականում փոխզիջում է: Ինչ-որ բան ընդհանրապես պատահականություն է: Ինչ-որ բան անհրաժեշտ է եւ շատ թանկարժեք: Բայց այս ամենը դուք չեք:

 

Աղբյուրը՝ Lifehacker.ru


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել