• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Եզրափակելով «Օսկար» մրցանակի հավակնորդ ֆիլմերի մեր անդրադարձերի շարքը՝ եկեք հասկանանք, թե ովքեր են գլխավոր նոմիանացիաների ֆավորիտները: Իմ կարծիքով «Լավագույն ֆիլմ» նոմինացիայում հաղթելու մեծ շանսեր ունեն «Լուսնի լույսը», «Թաքնված ֆիգուրներ» և «Լա Լա Լենդ» կինոնկարները:

Այս ֆիլմերիը լավ արձագանքներ են ստացել թե՛ կինոքննադատների և թե՛ կինոսերների կողմից և արդեն հասցրել են արժանանալ հեղինակավոր մի քանի մրցանակների:

«Լավագույն դերասանուհի» անվանակարգում հիմնական մրցակցությունը ընթանում է Մերիլ Սթրիփի («Ֆլորենս Ֆոսթեր Ջենկինս») և Իզաբել Յուպերի («Նա») միջև:

Այս դեպքում շատ դժվար է կանխատեսումներ անել, թե ինչն ավելի կգրավի ժյուրիին՝ Սթրիփի խարակտերային, էքսպրեսիվ խաղը, թե Յուպերի հերոսուհու հոգեբանական շերտերով հագեցած և էմոցիաների զսպվածությամբ առանձնացող դերակատարումը:

«Լավագույն դերասան» մրցանակի հավակնորդներ Քեյսի Աֆլեկը («Մանչեսթեր ծովափին»), Դենզել Վաշինգտոնը («Պարիսպներ») և Ռայան Գոսլինգը («Լա Լա Լենդ») ունեն բաղձալի արձանիկը ստանալու առավելագույն շանսերը:

Ըստ իս, դերասանական խաղի հզորության, խորության առումով, անշուշտ, Դենզել Վաշինգտոնը գերազանցում է մյուս երկուսին, բայց «Լա Լա Լենդամանիայի» այս ալիքի վրա Գոսլինգը, ամենայն հավանականությամբ, կստանա իր առաջին «Օսկարը»:

«Լավագույն երկրորդ պլանի դերասան» և «Լավագույն երկրորդ պլանի դերասանուհի» անվանակարգերում ինձ թվում է առաջատար են Լուկաս Հեջիսը («Մանչեսթեր ծովափին») և Վիոլա Դեվիսը («Պարիսպներ»):

«Լավագույն ռեժիսորին» որոշելը բավականին դժվար է, քանի որ բոլոր հավակնորդ ֆիլմերը ժանրային տարբեր կատեգորիաներում են և այստեղ արդեն որոշիչ դեր կխաղան այս տարվա կինո տենդեցները, ինչպես նաև՝ փիարը:

Կցանկանայի, որ «Լավագույն օրիգինալ սցենար» մրցանակին արժանանային Յորգոս Լանտիմոսը և Էֆտիմիս Ֆիլիպոուն «Լոբսթեր» ֆիլմի համար գրված իրենց օրիգինալ սցենարի համար: Ինձ համար առհասարակ տարօրինակ էր, որ նման ուժեղ ֆիլմը նոմինացված չէր մի քանի անվանակարգերում: Չնայած զարմանալի ոչինչ չկա, եթե հաշվի առնենք, որ ֆիլմը թեև հագեցած է սարկաստիկ հումորով և իրապես ունի յուրահատուկ ստեղծագործական մտահղացում, բայց նախատեսված չէ լայն շրջանակի համար, որի պատճառով էլ այն կարող է շատերին թվալ ծանր, չափազանցված:

Բայց եկեք վերադառնանք նոմինացիաներին, «Լավագույն ադապտացված սցենար» անվանակարգում իմ ֆավորիտներն են Բարրի Ջենկինսը, Տարելլ Էլվին ՄակԿռեյնը («Լուսնի լույսը) և Օգասթ Ուիլսոնը («Պարիսպներ»): Ինչպես արդեն նշվել էր նախորդ անդրադարձներում, այս երկու ֆիլմերը առանձնանում են իրենց վառ արտահայտված գրական հիմքով, բայց երկու դեպքերում էլ սցենարիստներին հաջողվել է «թարգմանել» կինոյի լեզվին գրական ստեղծագործությունների տրամադրությունն ու մթնոլորտը: Այնպես որ հավերժական հարցը, թե որն է ավելի լավը՝ գիրքը, թե ֆիլմը այս դեպքում դուրս է մնում:

Հիշեցնենք, որ Ամերիկյան կինոակադեմիայի «Օսկար-2017» 89-րդ մրցանակաբաշխության արարողությոնը կկայանա կիրակի լույս երկուշաբթի օրը՝ Լոս Անջելեսի Դոլբի թատրոնում:

Բաց չթողնե՛ք կինոաշխարհի տարվա կարևորագույն իրադարձությունը և երկրպագե՛ք ձեր ֆավորիտներին:  

Գայանե Բաբայան

Հետևեք NEWS.am STYLE-ին Facebook-ում, Twitter-ում և Instagram-ում