Վիլլին, Ջոն և Էլը՝ երեք տարեց հին ընկերները, կտրուկ փոփոխություններ են ծրագրում։ Բանկային անխիղճ համակարգը զրկում է նրանց կենսաթոաշակային վերջին խնայողություններից, և հերոսները պլանավորում են բանկ թալանել։ Հերոսներին զուգահեռ սյուժետային սահմանագծերը, նրանց նախագիծը, փորձերը և ընթացիկ անհեթեթ իրավիճակները ամենապարզ, բարի և անկաշկանդ կատակերգային դրամայի կոկտեյլն են կազմում։
Թեթև տրագիկոմեդիան հանգստյան երեկոյի հերթական այլընտրանքն է, երբ սիրված սերիալի նոր դրվագները դեռ եթեր չեն հեռարձակվել, իսկ փոփքորնն արդեն պատրաստ է։
Ֆիլմն առաջին հայացքից, կարծես, օվկիանոսում կորած «մեկ անգամյա» դիտման այս տեսակ ֆիլմերի շարքին է պատկանում։ Սակայն, ի տարբերություն իր անհամար անալոգների, այս ֆիլմի դերասանական կազմը ուշադրության է արժանանում Մորգան Ֆրիմանի, Մայքլ Քեյնի, Ալան Արքինի և Քրիստոֆեր Լլոյդի շնորհիվ։
Պարզ սցենարը, հասարակ երկխոսություններն ու կատակները ամբողջացնում են սենտիմենտալ կատակերգության ստանդարտ սխեման։ Անուղղակի անդրադարձը՝ խոշոր կորպորացիաների հետ փոքր մարդու ընդդիմության, և կյանքի լուսաբացին գեղեցիկ հեռանալու՝ հերոսների ցանկության թեմաներին, ֆիլմի ամենաճանաչելի և հիմնական պատկերներն են։ Սակայն պետք չէ մոռանալ համամարդկային արժեքները՝ ընկերությունը, սերը, ընտանիքը, վստահությունն ու ազնվությունը, որոնց կարևորության մասին հիշեցնում է ֆիլմը այն ձևով, որով ընդունված է դրանք ընկալել արդեն դարեր շարունակ։
Սակայն ֆիլմի չամչահատիկը հենց ինքը ռեժիսորն է՝ Զաք Բրաֆֆը, որը հայտնի է 90-ականների սերնդին որպես Ջեյ Դի՝ «Կլինիկա» լեգենդար սերիալից։ Սերիալը իմացող և սիրողները հետաքրքրությամբ կհետևեն Ջեյ Դիին նոր ամպուլայում՝ կատակերգության ռեժիսորի դերում։
Բարդ է ասել, որ նա նույնքան անկրկնելի ռեժիսոր է, որքան դերասան, սակայն, ինչպես հայտնի է՝ ճաշակին ընկեր չկա։ Բացի հայտնի դերասան-ռեժիսորից, ֆիլմը պոտենցիալ ծանծաղուտից «դուրս է հանում» աներևակայելի խարիզմատիկ դերասանների եռյակը։ Չնայած քննադատների բավականին սառը արձագանքին, խորամանկ ծերուկների մասին այս պատմությունը, որոնք ձգտում են վայելել կյանքի վերջին պահերը, նվագել վերջին ակորդը, երգել վերջին երգը և պարել վերջին պարը, անպայման կբարձրացնի Ձեր տրամադրությունը։
Ֆիլմի կարգախոսն է «Դու երբեք շատ ծեր չես լինի ինչ-որ բանի համար»։
Դե ինչ, նույնիսկ եթե դա այդպես է, միևնույն է՝ արժե արկածներին պատրաստ և բաց լինել դեռ երիտասարդ տարիքից։
Ռեգինա Մելիքյան
Հետևեք NEWS.am STYLE-ին Facebook-ում, Twitter-ում և Instagram-ում
23:08, 13 մայիսի
Ինչպես են հարբած բրիտանացի զբոսաշրջիկները փչացնում «Մայորկայի դրախտը»22:15, 13 մայիսի
Սալմա Հայեկը հատուկ կերպարներով է հայտնվել Vogue Arabia-ի 2024 թվականի մայիսի համարի շապիկին21:30, 13 մայիսի
Գիտնականները գտել են ընդամենը 3 րոպեում սառը սուրճ պատրաստելու միջոց20:40, 13 մայիսի
Ինչպես բացահայտել դավաճան ամուսնուն. տեխնոլոգիաները օգնում են19:23, 13 մայիսի
Սաուդյան Արաբիան ցանկանում է «հաղթել» Դուբային՝ կառուցելով աշխարհի ամենաերկար լողավազանը16:23, 13 մայիսի
Լեգենդար Ջուդի Դենչը կդառնա առաջին կինը, ով կմիանա Լոնդոնի տղամարդկանց բացառիկ ակումբին15:22, 13 մայիսի
Քլոե Քարդաշյանը մտածում է նախկին սիրելիից՝ Թրիստան Թոմփսոնից եւս մեկ երեխա ունենալու մասին14:36, 13 մայիսի
Լոնդոնում ջենթլմենների ակումբները քննարկում են այնտեղ կանանց անդամակցությունը14:05, 13 մայիսի
«Հրաշալի երեկո է լինելու»․ Անդրեա Մորիկոնեի ուղերձը՝ Երեւանում Էնիո Մորիկոնեի հեղինակային ծրագրին նվիրված համերգին ընդառաջ13:20, 13 մայիսի
Հոլլի Բերիի սիրելին կիսվել է դերասանուհու համարձակ լուսանկարով12:19, 13 մայիսի
Ջուլիա Ֆոքսը ավելի քան երկու տարի է՝ հրաժարվել է սեռական կյանքից11:57, 13 մայիսի
Անդրեն հերքել է որդի ունենալու լուրերը