Երեւանում ապրիլի 24-ին, կայացավ օսկարակիր ռեժիսոր Թերի Ջորջի` Հայոց Ցեղասպանության մասին պատմող «Խոստումը» ֆիլմի հայերեն կրկնօրինակմամբ փակ դիտումը, որին ներկա էին լրագրողներն ու ֆիլմի հայերեն հնչունավորումն իրականացրած դերասանները:
«Խոստումը» կինոթատրոններում հասանելի կլինի ապրիլի 27-ից, իսկ մինչ այդ` դրա մասին քննարկումները շարունակվում են: Բացի մեզ համար կարեւոր թեմայից`այն ֆիլմասերներին գրավում է աստղային կազմով, որոնց թվում են հոլիվուդյան դերասաններ Քրիստիան Բեյլը, Օսկար Այզեքը, Շարլոտ Լե Բոնը, Անժելա Սարաֆյանը, Ժան Ռենոն եւ այլք: Ֆիլմում փոքրիկ, բայց տպավորիչ դերով հանդես է եկել նաեւ Հոլիվուդի հայազգի աստղ Մարկո Խանը, որն այնտեղ մարմնավորում է թուրք պահակի:
Նախագծի կարեւորության, իր դերի եւ նկարահանման մասին հետաքրքիր մանրամասներ Մարկոն բացահայտել է NEWS.am STYLE-ին տված բացառիկ հարցազրույցում.
«Սա շատ կարեւոր եւ լավ էկրանավորված ֆիլմ է, որը զերծ է բռնության եւ արյունահեղության չափից դուրս հագեցած տեսարաններից: Սցենարիստ-ռեժիսոր Թերի Ջորջն ու պրոդյուսերները շատ խելամիտ որոշում են կայացրել` ֆիլմում հնարավորինս քիչ դաժան տեսարաներ ցուցադրելով: Նախ` դա կօգնի ավելի մեծ լսարանի գրավել, որոնց թվում կլինեն նաեւ անչափահասներ: Բացի դա` հեռուստադիտողն ինքը կփորձի պատկերացում կազմել, թե ինչ է եղել: Դա իմ կարծիքով հզոր զենք է: Կարծում եմ` մեր օրերում դաժան տեսարաններով հարուստ ֆիլմերը մարդկանց շեղում են դրանցում ներկայացված իրական պատմությունից: Այսօր համացանցում շատ բան կարող ես գտնել քեզ հետաքրքրող թեմայի մասին: Եթե մարդիկ հավանեն ֆիլմը, ավելի խորը կուսումնասիրեն Հայոց Ցեղասպանության թեման»,-ասում է դերասանը` խոսելով նաեւ ֆիլմի առանձնահատկությունների մասին.
«Ըստ իս` այն մի շարք առանձնահատկություններ ունի: Նախ` դրա բյուջեն ահռելի է. այն կազմում է 100 միլիոն դոլար, որը փոխանցվել է մեր լեգենդար Քըրք Քըրքորյանի շնորհիվ: Այս նախագծի վրա իր ամբողջ ուժերն է կենտրոնացրել օսկարակիր Թերի Ջորջը, որի ջանքերի շնորհիվ ֆիլմը հանրամատչելի դարձավ, էլ չեմ խոսում դերասանական կազմի մասին` Քրիստիան Բեյլ, Օսկար Այզեք, Շարլոտ Լե Բոն, Ժան Ռենո, Ջեյմս Քրոմվել, Անժելա Սարաֆյան...նրանց շնորհիվ ֆիլմը գրավեց շատ աստղերի: Նրանց գործոնն անգնահատելի է: Այն ներկայացնում է նաեւ գեղեցիկ սիրային եռանկյունի, որի հերոսները հրաշալի կերպով համախմբվում են մեկ կարեւոր գաղափարի շուրջ»:
Մարկոն ի սկզբանե կանխատեսում էր, որ «Խոստումը» մեծ արձագանք է ստանալու.
«Մինչ ֆիլմում նկարահանվելը, զրուցել ենք Էրիկ Էսրաելյանի հետ: Ես նրան ասացի, որ եթե ֆիլմն իսկապես ցուցադրվի, այն ամենահաջողվածը կլինի Ցեղասպանության մասին նկարահանված բոլոր ֆիլմերի մեջ: Նախկինում մի քանի դերասաններ եւ ընկերություններ էին հետաքրքրված Հայոց Ցեղասպանության մասին ֆիլմ նկարահանել, սակայն աշխատանքներն ընդհատվում էին թուրք լոբբիստների պատճատով, բայց այս ֆիլմի դեպքում վստահ եմ` բոլոր դռները բաց են, եւ այժմ աշխարհին կարող ենք ցույց տալ, թե ինչ է տեղի ունեցել»:
Դերասանի հետ զրուցեցինք նաեւ ֆիլմում իր մարմնավորած կերպարի մասին. պարզվում է` սկզբում Մարկոյին այլ դեր է առաջարկվել.
«Պրոդյուսերներից մեկն ինձ հետ կապ հաստատեց, եւ քանի որ նախագիծը շատ գաղտնի էր պահվում, միայն ինձ համար նախատեսված կերպարի նկարագրությունն ուղարկեցին: Սկզբում դա գյուղապետ Ստեփանն էր, սակայն հետագայում որոշվեց, որ նրան պետք է մարմնավորի շատ տաղանդավոր Ռեյդ Սերբեջիան:
Երբ ես կարդացի այդ հերոսի մասին, շատ ոգեւորվեցի, քանի որ դա մեծ դեր էր, իսկ ես շատ էի ցանկանում այդ հրաշալի նախագծի մի մասնիկը լինել, այսպիսով` ձայնագրեցի իմ տողերն ու ուղարկեցի անձնակազմին: Բայց երբ նրանցից նամակ ստացա, ինձ թվաց` ինչ-որ սխալմունք է եղել, քանի որ ինձ առաջարկեցին մարմնավորել թուրք պահակին: Փաստորեն` նույնիսկ Հայաստանի մասին ֆիլմում հայի չմարմնավորեցի: Բայց ինձ գումարը չէր հետաքրքրում, ես պարզապես ցանկանում էի լինել այդ ֆիլմում եւ իմ ներդրումն ունենալ դրա ստեղծման մեջ: Շատ շնորհակալ եմ ինձ ֆիլմում ընդգրկելու համար: Երբեմն ֆիլմի գաղափարն ավելի կարեւոր է, քան դերը»,-նշեց դերասանը` ցանկանալով նաեւ իր սրտի խոսքն ուղղել բոլոր հայերին.
«Ուզում եմ սեր ու խաղաղություն մաղթել իմ բոլոր հայրենակիցներին»,-եզրափակեց նա:
Սյունե Առաքելյան
Լուսանկարները` Մարկո Խանի Facebook-ի էջից
Հետեւեք NEWS.am STYLE-ին՝ Facebook-ում, Twitter-ում եւ Instagram-ում:
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ