Արմեն Սարգսյանը Էլթոն Ջոնի հետ հանդիպման մասին

«Ողջույն, ընկերներ». Էլթոն Ջոնը Երեւանում է

էլթոն Ջոնը ժամանեց Հայաստան

Street style Երեւանում. հայ շրջանավարտների ամենատարբերվող համազգեստները

«Մխիթարյանը վատ ֆուտբոլիստ է». ինչպես է Նեզլոբինը ծաղրել Գարիկ Մարտիրոսյանին Comedy Club-ում

Հայ երգիչները շնորհավորեցին շրջանավարտներին

POPcorn blog. «Վերջին զանգ 2018». տոնական հարցում

POPcorn blog. Լիսաբոնյան արկածներ

Ազնավուրի երգերը՝ Ազնավուրի հրապարակում. համերգ՝ նվիրված լեգենդար շանսոնյեի 94-ամյակին

«Այն, ինչ կարեւոր է Հայաստանի համար, կարեւոր է նաեւ մեզ համար». Շառլ Ազնավուրը նշում է 94-ամյակը

Խաշ՝ Դիլիջանում, ժենգլայով հաց՝ Արցախում. CNN-ի հաղորդումը՝ Հայաստանի մասին

Գեղանկարիչ Դավիթ Դանիելյանի էմոցիոնալ կտավներն ու ցուցահանդեսի հայտնի հյուրերը

VARDA-ի «գիշերային պարը սիրեցյալի համար»

Բլոգ Լի. «Թանգարանային գիշերը» Երեւանում

Երեւանում 14-րդ անգամ անցկացվեց «Թանգարանային գիշերը»

«Եվրատեսիլ 2018». ամփոփիչ հոլովակ NEWS.am STYLE-ից

Արքայազն Հարրիի եւ Մեգան Մարքլի հարսանեկան արարողությունը

Հայ դերասանուհիները՝ գայթակղիչ հոլովակում

«Հայ տղամարդկանց երբեք չեմ մարզի». Բելլա Նազարեթյան

12:31, 27 հոկտեմբերի

NEWS.am Style-ը սկսում է ուժեղ, հաջողակ հայ կանանց մասին խորագիր, որոնք չեն վախեցել փոխել կյանքի սովորական դրվածքը, անցնել նոր «Ես»-ի կայացման դժվարություններով եւ հաջողության հասնել նոր ասպարեզում: Նրանք չեն դժգոհում բաց թողնված հնարավորություններից, չեն կառչում անցյալից, այլ պարզապես սիրելի գործից հաճույք են ստանում: Մեր խորագրի այսօրվա հյուրն է ֆիթնես գուրու Բելլա Նազարեթյանը, որն անկեղծ զրույցում պատմեց, ինչպես է կապվել ակումբային կյանքի հետ, ինչու երբեք չի մարզի հայ տղամարդկանց, եւ որ 40 տարեկանում ամեն ինչ նոր է միայն սկսվում:

Նոր մարմին՝ նոր կյանք

Իմ գիտակցական ամբողջ կյանքում բացարձակապես այլ գործով եմ զբաղվել, վարել եմ ամենեւին ոչ առողջ կենսակերպ: Իմ՝ արդեն նախկին ամուսնու հետ 10 տարի զբաղվել ենք ակումբային բիզնեսով՝ մեկնելով տարբեր երկրներ եւ քաղաքներ: Բայց հետո այնպես ստացվեց, որ կյանքը մեզ իրարից հեռացրեց՝ մենք բաժանվեցինք: Չեմ թաքցնում՝ ապրումներ ունեի, դեպրեսիայի մեջ էի, գիրացա: Սակայն պիտի խոստովանեմ, որ հենց այս իրավիճակը դրական ազդեց իմ հետագա ճակատագրի վրա: Եթե մենք այդ ժամանակ չբաժանվեինք, ապա ես չէի ունենա այն ամենը, ինչ հիմա կա իմ կյանքում: Ես մի դաս քաղեցի՝ նույնիսկ բացասական իրավիճակում հարկավոր է կարողանալ դրական պահեր գտնել: Ինձ համար ամենագլխավորը մշտապես առաջ ընթանալն է՝ հետ չնայելով:

Ամեն ինչ սկսվեց այն գիտակցումից, որ ինչ-որ բան փոխելու ժամանակն է: Ես հասկանում էի, որ այն ինքնավստահ, ուժեղ կինն անհետանում է: Եվ իմ առջեւ նպատակ դրեցի՝ Երեւանից ոտքով Էջմիածին հասնել: Ես անչափ ուժեղ բնավորություն ունեմ, բայց այդ ժամանակ ինձ թվում էր, որ ինչ-որ տեղ թուլացել եմ եւ պետք է բնավորությունս կոփեմ: Իմ 4-ժամյա ուխտագնացությունից հետո սկսեցի ակտիվորեն սպորտով զբաղվել, շատ ընթերցել՝ տարբեր գրականություն: Այսպես ես սկսեցի գրել իմ կյանքի նոր էջը:

Կայացման դժվարությունների մասին

Ինձ հաճախ են հարցնում՝ արդյոք կնոջ համար դժվար չէ՞ սպորտային կարիերա սկսել արդեն հասուն տարիքում: Իսկ ես ավելին ասեմ՝ եթե այս տարիքում չլինեի, ապա այս գործում հաջողության չէի հասնի: Որովհետեւ որեւէ փորձով կիսվելուց առաջ, պետք է այդ բոլոր դժվարությունները սեփական մաշկիդ վրա զգաս: Ցանկացած անհաջողություն դեպի բարձունք թռիչք է: Մինչեւ իմ մարզչական աշխատանքը սկսելը ինձ լուրջ չէին ընդունում՝ շշնջալով այն մասին, որ ակումբային աշխարհից դուրս եկած մարդը չի կարող առողջ կենսակերպ վարել, դեռ ինչ-որ մեկին էլ դա սովորեցնել: Սակայն ժամանակն ամեն ինչ իր տեղը դրեց: Ես վաղուց բոլորին ամեն ինչ ապացուցել եմ իմ արդյունքներով:

Առաջին ֆիթնես խնամարկյալս ընկերուհիս էր, որն ինձ խնդրեց իրեն մարզել: Մենք մարզվելու էինք գնում այգի՝ անձրեւին, շոգին, ձյանը, ցրտին: Ես հետս հանտելներ, փոքր գորգեր, գնդակ, պարան էի վերցնում, եւ մենք մարզման էինք գնում: Ես հետեւում էի նրա սնունդին, եւ արդյունքում նա 2 ամսում 16 կգ քաշ գցեց: Այգում մեզ թարս հայացքով էին նայում, հարցնում էին՝ ինչ ենք այստեղ անում: Երեւանի բնակիչների համար դա արտառոց էր: Սակայն ավելի ուշ ինձ սկսեցին դիմել նաեւ այլ ցանկացողներ, նրանց թիվը շարունակ մեծանում էր: Եվ մեր բոլոր մարզումները կրկին բացօթյա էին: Որոշ ժամանակ անց ինձ արդեն հրավիրեցին աշխատելու ֆիթնես ակումբում:

Հայ տղամարդկանց մասին

Իմ մարզչական կարիերայի սկզբում ես որոշեցի, որ հայ տղամարդկանց չեմ մարզելու: Այն պարզ պատճառով, որ նրանք հաճախ են մոռանում սուբորդինացիայի մասին՝ փորձելով հաճոյախոսություններ անել եւ սիրահետել: Մինչեւ հիմա ինձ տղամարդիկ դիմում են, նրանց կանայք են զանգահարում, որպեսզի իրենց ամուսինների հետ պարապեմ: Սակայն ես անզիջում եմ: Ինձ ավելի հաճելի է աշխատել նպատակասլաց աղջիկների եւ կանանց հետ, որոնք պատրաստ են փոխել իրենց, կազմվածքը, ապրելու կերպը: Ես երջանիկ, գեղեցիկ, առողջ կանանց հսկա բանակ ունեմ:

Տղամարդ գործընկերներիս կողմից որոշակի նախանձ եմ զգում, մշտապես իմ մասին տհաճ լուրեր եւ զրույցներ եմ լսում: Սակայն դրան շատ հանգիստ եմ վերաբերվում եւ կարծում եմ, որ ճշմարտությունը մրցակցությունից է ծնվում: Բամբասում են ամենահետաքրքիր մարդկանց մասին (ծիծաղում է):

Ուժեղ կանայք միշտ միայնակ են...

Կարող եմ ասել, որ շատ դժվար է լինել ուժեղ, ինքնաբավ, հաջողակ կնոջ կողքին, որովհետեւ մենք չափից ավելի շատ բան ենք պահանջում ե՛ւ ինքներս մեզնից, ե՛ւ մեր կողքին եղողից: Ես, սակայն, միայնակ չեմ, իմ կողքին տղամարդ կա, նա նույնպես մարզիկ է, որի հետ միասին մենք միայն առաջ ենք ընթանում: Ընդհանրապես իմ աշխատանքը փոխել է նաեւ բնավորությունս: Եթե նախկինում տղամարդու հետ հարաբերություններում ես խիստ էի, առաջնորդ ու չզիջող, ապա հիմա գիտակցել եմ, որ կնոջ ուժը նրա թուլության մեջ է:

Չի կարելի քո ամբողջ կյանքը տղամարդու շուրջ կառուցել, որովհետեւ նա այսօր կա, իսկ վաղը չի լինի: Ես տղամարդուն չեմ ընկալում որպես օբյեկտ, որը կարող է օգնել կարիերայի հարցում կամ խանգարել զարգացմանը: Հասկացող եւ սիրող տղամարդը պետք է հարգի քո հետաքրքրությունները, ընդունի դրանք եւ կողքիդ լինի: Օրինակ՝ նախկին ամուսնուս հետ լավ ընկերներ ենք, ես մշտապես նրա հետ կիսվում եմ իմ նոր գաղափարներով, տպավորություններով եւ ձեռքբերումներով: Մենք որդի ունենք, հետեւաբար՝ չենք կարող չշփվել:

Քո հանդեպ սիրո մասին

Ինձ հաճախ են դիմում պայմանով, որ պետք է նիհարեն հանուն հարսանիքի, արձակուրդի, ընկերոջ, փեսացուի... իսկ ես փորձում եմ նրանց բացատրել, որ չարժի որեւէ մեկի համար նիհարել, փոխվել է պետք քեզ համար: Ի դեպ, ես նկատել եմ, որ հայ տղամարդիկ գեր կանանց են նախընտրում՝ նրանց համար գիրությունը գեղեցկության եւ առողջության գրավականն է: Երբ փոքր-ինչ ավելի գեր էի, քան հիմա, ապա ավելի շատ երկրպագուներ ունեի: Ուստի բոլոր կանանց կոչ եմ անում կերպարանափոխություններ անել բացառապես հանուն առողջության եւ ինքդ քեզ նորովի ընկալելու համար:

 

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Ամենասեքսուալ հայ աստղը
Սիրուշո
Լիլիթ Հովհաննիսյան
Իվետա Մուկուչյան
Նազենի Հովհաննիսյան