• Իտալայում «Սիրո ուղին» 12 տարի անց վերաբացվում է

  Cinque Terre-ի ամենառոմանտիկ զբոսանքի արահետը՝ Via dell'Amore-ը (Սիրո ուղի) կվերաբացվի Իտալիայում հուլիսի 27-ին՝ 2012 թվականի սեպտեմբերին տեղի ունեցած սողանքից 12 տարի անց․․․

• Qatar Airways-ի նոր բիզնես-լյուքսերը կահավորված են հսկայական մահճակալներով եւ ունեն հատուկ ծառայություն

  Qatar Airways-ն իր բիզնես դասի ուղեւորներին առաջարկում է Qsuite Next Gen-ի զգալի թարմացում, հայտնում է Robb Report-ը․․․

• Հռոմը հարգանքի տուրք է մատուցում Ֆերնանդո Բոտերոյին՝ քանդակների բացօթյա ցուցահանդես կազմակերպելով

  Հանգուցյալ կոլումբիացի նկարիչ Ֆերնանդո Բոտերոյի դուստրն օգնել է Հռոմի փողոցներն ու հրապարակները վերածել բացօթյա թանգարանի, որտեղ ցուցադրվում են իր հոր հայտնի եռաչափ, տարօրինակ քանդակները․․․

• Փարիզում անսովոր թանգարան է հայտնվել, որը պետք է այցելեն գուրմանները

  Թանգարանները Փարիզ այցելության կարեւորագույն կետերից են՝ Լուվր, Օրսե, Պոմպիդու: Այժմ այս ցանկը կարող է ընդլայնվել մեկ այլ անսովոր թանգարանով, որը նվիրված է պանրին․․․

• Հանրահայտ «Արեւելյան ճեպընթացում» կբացվի Dior-ի մշտական սպա-սրահ

  Հանրահայտ «Արեւելյան ճեպընթացում» կբացվի Dior-ի մշտական սպա-սրահ։ Այժմ Dior Spa-ն կգայթակղի Հարավարեւելյան Ասիայի ճանապարհորդներին հանրահայտ գնացքով ճամփորդության նոր էջով...

• Այսպիսի բան հնարավոր է միայն Դուբայում. երեկույթ մասնավոր ինքնաթիռում՝ ժամը 15 000 դոլարով

  Մասնավոր ավիացիայի համաշխարհային ոլորտը 2020 թվականից ի վեր տարեցտարի աճում է, եւ Արաբական Միացյալ Էմիրությունները, որտեղ խորթ չեն ճոխությունն ու փայլը, գլխավորում են «բումը»…

• Pan Am լեգենդար ավիաընկերությունը 65 000 դոլարով վերագործարկում է շքեղ թռիչքների փորձը

  Վաղուց գոյություն չունեցող Pan Am ավիաընկերությունը, որը վաստակել է ոճային եւ հարմարավետ զբոսավարի համբավ, հայտարարել է 12-օրյա հատուկ վերադարձի մասին, որը կլինի հաջորդ ամառ. անհատական տոմսը երկուսի համար արժե 65 000 դոլար՝ ոչ մեծ զեղչով…

• Ուղեւորություն դեպի Մարաքեշ՝ Իվ Սեն Լորանի հետքերով

  Իվ Սեն Լորանը շատ ժամանակ է անցկացրել Մարաքեշում և ոգեշնչվել այնտեղ…

Սիտե կղզին Փարիզի սիրտն է: Այստեղից է սկսել ծնվել Փարիզ քաղաքը, այստեղ էլ գտնվում է Վիկտոր Հյուգոյի հայտնի վեպում գովերգվող Ֆրանսիայի ամենահայտնի՝ Փարիզի Աստվածամոր տաճարը, Notre Dame de Paris-ն: Տաճարի կառուցումը սկսվել է շուրջ 600 տարի առաջ, դրա նախագծման ժամանակ առաջին անգամ կիրառվել են ճարտարապետական շատ հնարքներ, որոնք հետագայում դարձել են դասական: Արտաքինից տաճարը զարդարված է հսկայական քանակությամբ քանդակներով եւ խորաքանդակներով: Տաճարի ճակատամասը լատինական «Н» տառի կառուցվածքն ունի՝ երկու աշտարակներով, իսկ հիմնական շինության տանիքը պսակում է նախշազարդ, երկինք սլացող նետը:

Եթե բավարար ժամանակ ունեք, զբոսնեք ամբողջ կղզում: Այստեղ է գտնվում Արդարադատության պալատի համալիրը՝ Փարիզի գլխավոր ոստիկանական վարչությունը, համալիրի շենքերից մեկը դուրս է գալիս Օրֆեվր գետափ, որը հայտնի է Ժորժ Սիմենոնի վեպերից, իսկ համալիրի մյուս կողմից հնագույն բանտի՝ Կոնսիերժըրիի շենքն է:

Երբ մոտենաք Փարիզի Աստվածամոր տաճարին, NEWS.am STYLE-ը խորհուրդ է տալիս միանգամից ներս չմտնել. նախ տաճարը շրջանցեք աջ կողմից եւ կտեսնեք զբոսաշրջիկների մեծամասնությունից թաքնված տաճարի փառահեղ պատերի կողային հատվածը, իսկ դիտումն ավարտելով՝ կհայտնվեք շենքի հետեւի հատվածի ոչ մեծ գեղեցիկ այգում: Ամռանն այստեղ շատ գեղեցիկ է, այգին ամբողջությամբ պատված է ծաղկած թփերով եւ վարդերով:

Տաճարի առջեւի հրապարակի աջ կողմում (եթե կանգնեք դեմքով դեպի ճակատամասը) անվճար հասարակական զուգարաններ կան: Դրանք տեղակայված են գետնի տակ եւ մուտքը նման է մետրոյի մուտքի: Ցուցանակների օգնությամբ հեշտությամբ կգտնեք դրանք:

Տաճարի ձախ պատին դեպի վերեւ՝ աշտարակների դիտահրապարակ էքսկուրսիայի մուտքն է: Սովորաբար այստեղ հերթ է եւ ստիպված կլինեք 15-20 րոպե կանգնել:

Տաճարի մուտքն ազատ է, կարելի է մտնել, շրջել եւ ներսից դիտել ամբողջ տաճարը: Անպայման ուշադրություն դարձրեք բազմերանգ ապակե լուսամուտներին. գունավոր ապակուց նկարների թեման բիբլիական սյուժեներն են եւ Փարիզի պատմության դրվագները:

Փարիզի Աստվածամոր տաճարը գործող կաթոլիկ եկեղեցի է: Մուտքի մոտ Պատարագի անցկացման ժամանակացույցն է, ու եթե հասնեք Պատարագի սկզբին, եզակի հնարավորություն կունենաք լսել իսկական երգեհոնի երաժշտություն կամ երգչախմբային կենդանի երգեցողություն տաճարի յուրահատուկ ակուստիկայում: Հատուկ Պատարագի համար բազմաթիվ հավատացյալներ են գալիս, այդ պատճառով դահլիճի կենտրոնում աթոռների շարքեր են, որոնցում տեղավորվում են Պատարագի եկածները:

Ավարտելով Սիտեում զբոսանքը եւ Փարիզի Աստվածամոր տաճարի դիտումը, կարող եք հետաքրքիր զբոսանք կատարել Սեն Միշել զբոսայգում կամ քայլել զբոսայգուն հարող Լատինական թաղամասի փողոցներով: Դրա համար հարկավոր է տաճարից դուրս գալուց հետո անմիջապես թեքվել ձախ եւ հատել տաճարի առջեւի հրապարակը: Սենան անցեք Փոքրիկ կամրջով (Petit Pont) եւ կհայտնվեք ամենագեղեցիկ եւ հետաքրքիր գետափերից մեկում: Գետափի երկայնքով հուշանվերների եւ հսկայական քանակությամբ բացիկների, նկարների, պաստառների, բուկինիստական եւ ժամանակակից գրքերի, հին աֆիշների պատճենների վաճառակետեր են: Այստեղ կարելի է զբոսնել եւ վաճառողի հետ սակարկելով՝ Փարիզից որեւէ հիշատակ գնել:

Այստեղից կարելի է սկսել Սեն Միշել բուլվարով զբոսանքը: Բարձրանալով օրվա ցանկացած պահին աղմկոտ զբոսայգով, կտեսնեք բազմաթիվ ռեստորաններ, սրճարաններ, որտեղ կարող եք ուտել ըստ ձեր ճաշակի եւ դրամապանակի չափի: Ամենից դեմոկրատական ուտեստն այս շրջանում ֆրանսիական նրբաբլիթներն են՝ քրեփը: Դրանք պատրաստվում են ոչ մեծ տաղավարներում եւ վաճառվում են տարբեր միջուկներով՝ քաղցր, մսային, բանջարեղենային, պանրային: Միջուկով քրեփը ոչ հարուստ ուսանողների սիրելի ուտեստն է, որոնք այս շրջանում շատ են: Եթե զբոսայգով շուրջ 20 րոպե դեպի վեր քայլեք, կհայտնվեք Լյուքսեմբուրգյան այգու նախշազարդ ցանկապատի մոտ: Այգու մուտքն անվճար է, ու եթե ժամանակ ունեք, կարող եք զբոսնել, հիանալ Լյուքսեմբուրգյան պալատով, այգու ծաղկանոցներով ու ծառերով, կենտրոնական կլոր շատրվանով, ամբողջ այգով մեկ տեղադրված քանդակախմբերով:

Իսկ եթե ձեր ժամանակը սահմանափակ է եւ Լյուքսեմբուրգյան այգում զբոսանք չեք նախատեսում, ապա գետափից անմիջապես կարող եք ուղեւորվել հանրահայտ Լատինական թաղամասի փողոցներով զբոսանքի: Ի դեպ, NEWS.am STYLE-ը ձեր ուշադրությունն է հրավիրում այն բանի վրա, որ թաղամասի անվանումը ոչ մի առնչություն չունի լատինաամերիկյան ժողովուրդների հետ: Անվան ծագումը կապված է այստեղ գտնվող Եվրոպայի հնագույն համալսարաններից մեկի՝ Սորբոնի ամենահին՝ բժշկական ֆակուլտետի հետ: Բժշկությունն այստեղ դասավանդվում էր բացառապես լատիներենով, այստեղից էլ առաջացել է թաղամասի անունը: Հիմա թաղամասի նեղ փողոցներում բազմաթիվ սրճարաններ են, որտեղ երեկոյան երաժշտություն է հնչում, գրքերի եւ բուկինիստական առեւտրային կետեր են, փոքրիկ խանութներ, որտեղ արվեստի գործեր են վաճառում: Սրճարաններում գները կարող են զգալիորեն տարբերվել. շատ բարձրից մինչեւ միանգամայն դեմոկրատական: Գների հարցում կողմնորոշվելու գործում օգնում է ճաշացանկը, որ տեղադրված է անմիջապես սրճարանի կամ ռեստորանի մուտքի մոտ կամ կավիճով գրված է տախտակին: Հատկապես երեկոյան այստեղ լավ է. կենդանի երաժշտություն է հնչում, սրճարաններից ախորժաբեր հոտեր են տարածվում, զբոսաշրջիկները զբոսնում են, հավաքվում է երիտասարդությունը, թատերական եւ երաժշտական բոհեմը:

Շարունակությունը՝ հաջորդիվ...

Հետևեք NEWS.am STYLE-ին Facebook-ում, Twitter-ում և Instagram-ում