NEWS.am STYLE-ը շարունակում է ներկայացնել կոսմետոլոգիական գոծողությունները, որոնք մեր հայ աղջիներին ու կանանց կա՛մ շատ են դուր գալիս, կա՛մ ընդամենը փորձում են տեղ նվաճել սիրելի տիկնանց սրտերում: Այսօր բժիշկ-կոսմետոլոգ Նարինե Այվազյանը կներկայացնի մրգային պիլինգը, որը ոչ միայն արմատախիլ է անում եղած մաշկային խնդիրները, այլեւ հրաշալի է համապատասխանում պլաստիկ վիրահատությունից առաջ դեմքի մաշկը նախապատրաստելուն:
Այս պիլինգի գլխավոր արժանիքն այն է, որ ամենաանվտանգ եւ ոչ վնասվածքային գործողությունն է համարվում: Մրգաթթուներն ազդում են միայն մեռուկացած բջիջների վրա, սակայն ամենեւին չեն վնասում մաշկի առողջ հատվածները: Գործողությունից առաջ մաշկը փրփուրով մաքրում են աղտոտվածությունից եւ դիմահարդարումից: Այնուհետեւ բարակ շերտով թթու է քսվում, որը դեմքի վրա է մնում 3-ից գրեթե 10 րոպե: Երբեմն պիլինգի համար նախատեսված մրգային լոսյոններից կարելի է թեթեւակի այրոցի եւ ծակծկոցի զգացում ունենալ, բայց դա հազվադեպ է պատահում: Այնուհետեւ մաշկը չեզոքացնում են փափկեցնող եւ հանգստացնող միջոցներով, իսկ մաքրող գործողության ավարտին դեմքը խոնավացնում են սնուցող քսուքով կամ սերուցքով: Անհրաժեշտության դեպքում բժիշկը կարող է դեմքի ուլտրաձայնային մաքրում կատարել պիլինգի լավագույն էֆեկտ ստանալու համար: Մրգային պիլինգները հարթեցնում են մանր կնճիռները, ակտիվացնում օրգանիզմի իմունիտետը, նաեւ նպաստում են վերքերի հետքերի եւ սպիների ապաքինմանը:
Հիշեք, թե «Սեքսը մեծ քաղաքում» սերիալից Սամանթա Ջոնսը երեկույթից առաջ ինչպես էր հաճախում մրգային պիլինգի: Իսկ հետո միջոցառման ժամանակ ստիպված էր դեմքը քողի տակ թաքցնել, քանի որ դրանից հետո մաշկը նկատելիորեն կարմրել էր: Սակայն մի քանի ժամ հետո նա նկատել է երիտասարդանալու արդյունքը: Իհարկե, այդպիսի բան կարող է պատահել: Սակայն բժիշկ-կոսմետոլոգը ներգործության խորությունն ընտրում է ըստ ձեր մաշկի տեսակի, ուստի կարմրություն կարող է ընդհանրապես չառաջանալ: Հակառակը՝ մաշկը հաճելի երանգ է ձեռք բերում եւ նույնիսկ փայլում է:
Մրգային պիլինգը սովորական կոսմետոլոգիական գործողություն է, որը մտնում է խնամքի թերապիայի մեջ: Դեմքի մաշկի մաքրումը ձեզնից 60 րոպեից ավելի չի խլի, իսկ ծառայության արժեքն է 15 հազար դրամ:
Մարգարիտա Ավագյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը