Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Փետրվարյան սննդակարգ

15:04, 19 փետրվարի

Փետրվարը լավագույն ժամանակն է ավելորդ քաշից գրագետ ձեւով ազատելու համար։ Ինչո՞ւ։ Որովհետեւ անվտանգ ու իսկապես արդյունավետ սննդակարգի «գործողության ժամկետը» երեքից չորս ամիս է։ Սկսելով փետրվարին՝ դուք բոլոր նախադրյալները կունենաք դիմավորել հունիսը (նաեւ մայիսյան տոները) հրաշալի ֆիզիկական մարզավիճակում։

Ամենակարեւորը սննդակարգը ճիշտ ընտրելն ու խմելու հստակ ռեժիմ մշակելն է՝ առանց դրա ոչ մի սննդակարգ արդյունավետ չի լինում։

Բանջարեղենային ու հատիկավոր սննդակարգեր

Այդ սննդակարգերի գործողության սկզբունքը հիմնված է բալաստային նյութերի՝ բջջանյութի, պեկտինի ու այլ անմարսելի բաղադրիիչների մաքրող ներգործության վրա, որոնք արագացնում են «վերամշակման մթերքների» դուրսբերումը ու կարգավորում են նյութափոխանակության արագությունը։ Բանջարեղենային ու հատիկավոր սննդակարգերի հակացուցումներն ավելի քիչ են, քան սպիտակուցայիններինը, բայցևայնպես դրանք նույնպես պետք է նշել՝ դրանք են գաստրիտը, տասներկումատյա աղիքի խոցը ու քրիոնիկ կոլիտը։ Բացի դրանից, մսից հրաժարվելը վտանգավոր է նրանց համար, ովքեր տառապում են երկաթի պակասով պայմանավորված սակավարյունությամբ։

Որպես կանոն, բանջարեղենային ու հատիկավորների սննդակարգերի հիմքում գլիկեմիկ ցածր գործակցով բանջարեղենն ու մրգերն են (որքան քիչ են մթերքի մեջ հասարակ շաքարները, այդքան ցածր է այդ գործակիցը), ամբողջահատիկ ձավարեղենը ու հացը, նաեւ որոշ կաթնաթթու մթերքներ։ Ինչպես սպիտակուցային սննդակարգերի դեպքում, այստեղ նույնպես կարեւորը մթերքները զգուշորեն ընտրելն ու դրանք ճիշտ պատրաստելն է։ Որպես կանոն հարաբերականորեն կալորիական մրգերը, բանջարեղենը (կարտոֆիլ, գազար, բազուկ, բանան, խաղող) ներառում են սննդակարգում օրվա առաջին կեսին, մինչեւ ժամը 12-14-ը, իսկ ավելի թեթեւ տեսակները՝ կաղամբը , դդմիկը, վարունգը, խնձորը, հատապտուղները՝ երկրորդ կեսին։ Նախաճաշին խորհուրդ է տրվում պատրաստել շիլա ջրով, առանց աղի ու շաքարի ու միայն ամբողջահատիկ ձավարից։ Եթե սիրում եք վարսակաշիլա՝ ընտրեք այնպիսի փաթիլներ, որոնք պետք է եփել առնվազն 15 րոպե, արագ պատրաստվող տարբերակները խորը մշակում են անցնում ու կորցնում իրենց օգտակարությունը։

Ի դեպ, առավելագույն արդյունքի հասնելու համար կարելի է մեկ բաժակ հնդկաձավարի կամ բրնձի վրա լցնել երկու բաժակ ջուր՝ սենյակային ջերմաստիճանի, թողնել 3-4 ժամ, իսկ հետո եփել այդ նույն ջրի մեջ։ Աղի քանակը՝ նվազագույն։ Նախապես թրջելու դեպքում հատիկավորները նկատելիորեն ուռում են՝ դրանց միջին շերտերի ծավալն ավելանում է, ու հայտնվելով աղիների մեջ նման դիետիկ շիլան սկսում է կատարել խոզանակի դեր, իր վրա վերցնելով բոլոր ավելորդ բաները։ Լավագույն արդյունքի հասնելու համար շիլա ուտելուց մոտ մեկ ժամ անց սկսեք ակտիվ խմել․ մաքուր ջրի շնորհիվ բալաստային նյութերը, որոնք պարունակվում են ամբողջական հատիկներում, մեծանում են ու ուժեղացնում աղիների պերիստալտիկան, արագացնելով դրանց մաքրման պրոցեսը։ Բացի դրանից, բանջարեղենային կամ հատիկավորներով սննդակարգերի դեպքում առատ ջուր խմելն օգնում է ավելի երկար պահպանել հագեցածության զգացողությունը՝ մարսողական տրակտը գրեթե անընդհատ զբաղված է։ Կարեւոր է, որ դուք օգտագործեք զտած ջուր, որը չի պարունակի ավելորդ աղեր, մասնավորապես ծանր մետաղների աղեր։

Մի մոռացեք, որ ոչ մի այլ ըմպելիք՝ ոչ թեյը, ոչ սուրճը, ոչ գազավորված ըմպելիքը, ոչ հյութերը ունակ չեն լրացնել հեղուկի մեր պահանջը։ Սովորական մաքուր ջուրն է իոնային բալանսի կարգավորողը, նաեւ բոլոր ավելորդ միացությունների ունիվերսալ լուծիչը։ Մասնագետների մեծ մասի կարծիքով՝ մեծահասակ մարդը, որը ֆիզիկական ծանր աշխատանքով չի զբաղվում, օրական պետք է խմի 40 մլ ջուր՝ քաշի յուրաքանչյուր կիլոգրամի դիմաց։ Նիհարող մարդու համար այդ նորման կազմում է 44 մլ յուրաքանչյուր կիլոգրամի դիմաց։ Իսկ եթե ավելորդ քաշի խնդիրը կապակցված է միջհյուսվածքային փոխանակության խանգարումների՝ այդ նույն ցելյուլիտի հետ, ապա ջուր ավելի շատ է պետք խմել։ Որքան էլ հակասական չհնչի՝ խնդրահարույց գոտիների այտուցվածության խնդիրը կարելի է հաղթահարել միայն կանոնավոր ջուր խմելու միջոցով։ Բայց կարեւոր է, որ ջուրը մաքուր ու զտված լինի։

Ու վերջին խորհուրդը՝ ոչ մի դեպքում մի շտապեք։ Ցանկացած դիետոլոգ Ձեզ կհաստատի, որ ամենաարդյունավետը դանդաղորեն նիհարելն է։ Առավելագույն արագությունը, որով կարելի է նիհարել, առանց առողջությունը վնասելու՝ շաբաթական մեկ կիլոգրամն է։ Կարծում եք, քի՞չ է։ Իսկ դուք հաշվեք՝ եթե սկսեք հենց հիմա, ապա մինչեւ ամառ կկարողանաք ազատվել ձմեռվա ընթացքում կուտակած 10 ավելորդ կիլոգրամներից։

 


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search