Փարիզում, Աթենքում եւ Հռոմում ուղեկցորդներն էքսկուրսիան սկսում են հետեւյալ խոսքերով. «Փարիզը (Հռոմը եւ այլն) հակադրությունների քաղաք է…»: Այս նախադասությունը կարելի է ասել քաղաքների մեծամասնության, բայց ո՛չ Լոնդոնի պարագայում: Անգլիական մայրաքաղաքում էքսկուրսիան ես կսկսեի այսպես. «Լոնդոնը ողջամտության քաղաք է…»: Դարավոր ավանդույթների եւ ողջամիտ մարդկանց քաղաք:
Եվրոպական մշակույթն այստեղ, թերեւս, հասել է իր բարձրակետին: Իրական բրիտանացիները գրեթե անսեռ են թվում, նրանք այնքան հիանում են ամեն բնականով:
Առաջին մի քանի օրերին չէի կարողանում հասկանել՝ ի՞նչն է խնդիրը, ի՞նչն այնպես չէ… իսկ հետո հասկացա: Ես քայլում էի փողոցներով, ծաղկած ծառերի կողքով, գետի երկայնքով, փոքրիկ այգիներով տնակների, շների ու կատուների, աղբակույտերի եւ շինարարության կողքով… եւ հոտ չէի զգում: Օտար երկրում անմիջապես անսովոր հոտեր ես զգում, իսկ այստեղ անսովոր էր հենց դրանց բացակայությունը: Կամքից անկախ հիշում ես «Պարֆյումեր» գիրքը եւ մի փոքր սարսռում: Հավանաբար, հենց այդ պատճառով ես մտերմացա Իսթ-Էնդ սեւամորթների թաղամասի բնակիչների հետ, որտեղ իմ հյուրանոցն էր: Նրանք գոնե բուրում էին ինչպես մարդ, այլ ոչ թե ինչպես օծանելիք:
Պարզվեց՝ Լոնդոնում գտնվելու եւս մեկ ոչ այնքան հաճելի կողմերից է ինչ-որ բան ուտելու անհրաժեշտությունը: Եթե սովոր եք արագ սննդին, սենդվիչին եւ չիփսերին, ապա ձեզ այստեղ կզգաք՝ ինչպես տանը: Բայց բնական թարմ մթերքների, ապուրների եւ այլ ուտեստների սիրահարները ստիպված կլինեն երկար փնտրել: Մոտակա ռեստորաններում եւ հյուրանոցում համեղ ընթրելու անհաջող փորձերից հետո ես կանգ առա լավագույն տարբերակի վրա. գնում էի չինական թաղամաս, չինական սրճարաններ: Այնտեղ միշտ էժան է եւ համեղ, ինչպես ցանկացած եվրոպական երկրում:
Պետք է խոստովանեմ, որ ես երբեք ոչ մի երկրում չեմ տեսել նման կարգուկանոն, մանրախնդրություն եւ կենցաղային բոլոր մանրուքներում հարմարավետություն: Հենց այնպես չէ, որ բրիտանացիներն այդ հատկանիշներով հայտնի են ամբողջ աշխարհում: Թվում է՝ նրանց համար այդ գոյատեւելու միակ հնարավոր միջոցն է, ինչը խախտել չի կարող անգամ աշխարհի վերջը: Օդանավակայում երթեւեկության կազմակերպումը, քաղաքային ավտոբուսները, մետրոն, տաքսիները, նույնիսկ հեծանվորդները. բոլորը ենթարկվում են ընդհանուր խիստ կարգին, ամենուր շատ հստակ գրված է, ցանկացած ծառայող շատ համբերատար է եւ հստակ կպատասխանի ձեր բոլոր հարցերին եւ կազատի ձեզ մոլորվելու նվազագույն հնարավորությունից, եթե, իհարկե, թեկուզ փոքր-ինչ հասկանում եք անգլերեն:
Ի դեպ, լեզվի մասին: Քանի որ մենք առավելապես սովոր ենք ամերիկյան անգլերենին, որն անընդհատ սողոսկում է մեր ականջները երաժշտության, կինոյի, գովազդի եւ այլնի միջոցով, բրիտանական առոգանությանը հարմարվելն այնքան էլ դյուրին չէ: Ամենից դժվարն իռլանդացիներին եւ շոտլանդացիներին հասկանալն է, ովքեր կարող են «բաս»-ի փոխարեն (ավտոբուս) «բուս» ասել եւ ընդհանրապես տարբեր կերպ ծաղրել ձեր լսողությանը: Ամերիկյան եւ «շոտլանդական» անգլերենների միջեւ տարբերությունը կարող է լինել այնպիսին, ինչպես ռուսերենի եւ արեւմտյան ուկրաիներենի, երբ «հասկանալի է, որ ոչինչ հասկանալի չէ»: Ցանկացած դեպքում խորհուրդ է տրվում լոնդոնցիներին խնդրել դանդաղ խոսել եւ, եթե անհրաժեշտ է, խնդրել նաեւ թղթի վրա գրել տեքստը. հիմնականում ամեն ինչ միատեսակ է գրվում:
Շարունակությունը՝ հաջորդիվ…
Հետևեք NEWS.am STYLE-ին Facebook-ում, Twitter-ում և Instagram-ում
21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին