• Ճապոնացի կինը ամուսնացել է իր «AI-ընկերոջ» հետ

  Ճապոնիայում 32-ամյա Յուրինա Նոգուչին պաշտոնապես ամուսնացել է ChatGPT-ի միջոցով ստեղծված վիրտուալ զուգընկերոջ՝ Լուն Կլաուս Վերդուրի հետ, որը հիմնված էր տեսախաղի կերպարի վրա…

• «Աշխարհի ամենաուժեղ կինը» մրցույթի հաղթողը զրկվել է տիտղոսից, երբ պարզվել է, որ նա ծնվել է որպես տղամարդ

  «Աշխարհի ամենաուժեղ կինը» մրցույթի հաղթողը զրկվել է տիտղոսից այն բանից հետո, երբ կազմակերպիչները պնդել են, որ ամերիկացի Ջեյմի Բուքերը չի բացահայտել, որ ծնվել է արական սեռի ներկայացուցիչ, հաղորդում է NYP-ն․․․

• Հարուստ ինֆլուենսերը զայրացրել է սոցիալական ցանցերը գենդերային հավասարության վերաբերյալ իր մտքերով

  Եթե ​​կարծում էիք, որ փողը մարդկանց ավելի իմաստուն է դարձնում, կրկին մտածեք․․․

• Միայնակ միլենիալ կանայք հոգնել են իրենց ամուսնացած ընկերների «եսակենտրոնությունից»

  The New York Post-ը ընդգծում է աճող միտումը. ավելի ու ավելի շատ միլենիալներ են խոստովանում, որ հիասթափված են, նույնիսկ ուժասպառ՝ ամուսնացած հասակակիցների հետ իրենց բարեկամությունից…

• Մարիամ Ալեքսանյանի եւ Իննա Խոջամիրյանի խենթ տեսանյութը

  Ասում են, երբ առնվազն 2 կին միավորվում են` վտանգավոր է...

• Վաղ կնճիռների առաջացման պատճառները

  Միջին տարիքը, որի ընթացքում սկսվում է մաշկի ծերացումը, 25 տարեկանն է...

• «Հայաստանում կա մի կարծրատիպ, որ տղամարդն ամեն ինչ կարող է, իսկ կինը` ոչ». Օլյա Հակոբյանը` հայ կանանց իրավունքների եւ կանացիությանն առնչվող կարծրատիպերի մասին

  NEWS.am STYLE-ի հետ մարտիության զրույցում Օլյան նշել է, թե որոնք են, ըստ իրեն, կանանց մասին ամենածիծաղելի կարծրատիպերը...

• «Կարիերայում առաջ գնալու գերադասությունը ավելի հաճախ տրվում է տղամարդկանց…». Աստղիկ Սաֆարյանը՝ կանանց իրավունքների եւ խնդիրների մասին

  NEWS.am STYLE-ի հետ մարտիության զրույցում Աստղիկի հետ անդրադարձել ենք նաեւ այլ թեմաների...

Այս հոդվածը միտումնավոր ենք հրապարկում Մարտի 8-ի երեկոյան, երբ տոնն արդեն ավարտված է, բոլոր ծաղկեփնջերը, ապարանջաններն ու մորթյա բաճկոնները՝ նվիրված: Իհարկե, չենք եկել, որ ձեր տոնը փչացնենք, պարզապես կցանկանայինք, որ յուրաքանչուր կին մի փոքր խորհեր օրվա խորհրդի մասին: Չենք պատրաստվում նաեւ պատմական ակնարկ անել, թե երբ եւ ինչպես է առաջացել Մարտի 8-ը որպես կանանց միջազգային օր տոնելու ավանդույթը. Google-ը ձեզ օգնական: Պարզապես կցանկանայինք եւս մեկ անգամ հիշեցնել, որ ծաղիկներից եւ զարդերից, սմարթֆոններից ու այլ նյութական իրերից զատ՝ կարեւոր է պայքարել նաեւ սեփական իրավունքների համար:

Կլարա Ցետկինն ու այլ հեղափոխական կանայք ոտքի չէին ելել, որպեսզի այսօր դուք վերջապես կորզեք ձեր հայրիկից կամ սիրելի տղամարդուց I phone-ի հերթական նոր մոդելը: Չնայած նրան, որ դրսում 21-րդ դարն է, կանանց իրավահավասարության խնդիրը գերակա է շատ երկրներում եւ մանավանդ՝ Հայաստանում:

«Կնոջ տեղը խոհանոցում է», «Կնոջ առաքելությունը միայն մայրանալն է», «Կնոջ կուսությունը եկեղեցի է», «Կինը չպետք է աշխատի». այս եւ նմանատիպ այլ արտահայտությունները ոչ այլ ինչ են, եթե ոչ կնոջ իրավունքների կոպիտ ոտնահարում: Որեւէ մեկը կասկածի տակ չի առնում կնոջ բարոյականությունը կամ մայրության գաղափարի վեհությունը, պարզապես պետք է գիտակցել, որ կինը կարող է լինել եւ լավ խոհարար, եւ լավ դեղագործ, օրինակ: Կինը կարող է խնամել իր փոքրիկին՝ զուգահեռ գիրք ընթերցելով: Կինը կարող է սեռական կյանքով ապրել մինչ ամուսնությունը եւ լինել բարոյական: Բոլոր հակառակ պնդումները ոչ այլ ինչ են, եթե ոչ տղամարդկային ուժի գերակայության ապացույց: Այս բոլոր կարծրատիպերը, որոնք ձեւավորվել են հասարակության մեջ կնոջ հանդեպ, «փոխհատուցվում են» տարվա մեջ ընդամենը մեկ օր՝ հաճոյախոսությունների ու ամեն քայլափոխի շռայլվող ծաղիկների միջոցով:

Ես չեմ ուզում, որ Մարտի 8-ին ծանոթ կամ անծանոթ մարդիկ ինձ վարդեր նվիրեն, ես ուզում եմ, որ նրանք հարգեն իմ՝ սովորելու եւ աշխատելու իրավունքը: Ես չեմ ուզում, որ Մարտի 8-ին ծանոթ կամ անծանոթ տղամարդիկ իմ առջեւ դուռ բացեն կամ փակեն սրճարանում խմած սուրճի հաշիվը, ես ուզում եմ, որ նրանք հասկանան՝ ես կարող եմ նրանց հավասար աշխատավարձ ստանալ ու ինքս փակել բոլոր հաշիվները: Ես չեմ ուզում, որ Մարտի 8-ին հարեւանի կանայք ափսոսանք հայտնեն, որ ես դեռ ամուսնացած չեմ ու կրկին որեւէ «լավ տղու» փորձեն «կապել» ինձ: Ես ուզում եմ, որ նրանք հասկանան, որ միայն ես իրավունք ունեմ ընտրելու՝ երբ եւ ում հետ ամուսնանալ: Ես ուզում եմ, որ Մարտի 8-ին միայնակ մայրերը չտխրեն նվերների կամ ծաղիկների բացակայությունից: Ես ուզում եմ, որ այդ կանայք հասկանան՝ իրենք չպետք է կախված լինեն տղամարդուց: Որովհետեւ, ամեն ինչից զատ, ծաղիկներն էլ, I phone-ներն էլ անցողիկ են, իսկ իրավունքները՝ հավերժ: Ու եթե ժամանակին չլինեին իրենց իրավունքների համար պայքարող կանայք, գուցե ես այսօր չկարողանայի գրել այս հոդվածը, դուք էլ՝ կարդալ այն…

Աննուշկա

Հետևեք NEWS.am STYLE-ին Facebook-ում, Twitter-ում և Instagram-ում