«Մեկ անգամ Հոլիվուդում» ֆիլմի առաջին թրեյլերը

Պահարան. Որտեղ ինչ կրել. Dress code-ի տեսակներն ու տարբերությունները

Ռոբերտ Բագրատյան․ «Մանկական ձայնը»՝ The Show Must Go On

«Ալադին» նոր ֆիլմի թրեյլերը

Սրբուկը ներկայացրեց եվրատեսիլյան երգի տեսահոլովակը

Պահարան. Unisex հագուստ

«Ինչպիսի երեխա, ֆանտաստիկ է». Սաշա Խարազյանը փայլել է «Մանկական ձայնը» շոուի ժամանակ

POPcorn blog. Հետաքրքրիր փաստ մարտի 8-ի մասին

«Երկու ուրվական». Project LA-ի նոր երգը՝ Վահան Տերյանի խոսքերով

Լույս է տեսել «Գահերի խաղի» վերջին եթերաշրջանի թրեյլերը

Պահարան.Նորաձեւ պրինտեր` գարնանն ընդառաջ

Համացանցում հայտնվել է Ռոբերտ Դե Նիրոյի եւ Ալ Պաչինոյի մասնակցությամբ ֆիլմի թիզերը

POPcorn blog. Ջուսը հարցազրույց է վերցնում Ջուսից

«Գիտեմ, որ սա Շառլ Ազնավուրի հայրենիքն է». «Տաքսի» ֆիլմի աստղ Սամի Նասերին ժամանեց Երևան

Լոլիտան՝ թմրադեղերից կախվածության եւ ոչ սթափ վիճակում ելույթների մասին

Օգտատերերին շոկի է ենթարկել եթերում «արգանդի պարը»

Exclusive. հայտնի հաղորդավար Արման Մարգարյանը` իրեն բերման ենթարկելու մասին

Պահարան. ամենանորաձեւ գործվածքների տեսակներն ու առանձնահատկությունները

Լավ մոռացված հինը. Ֆիլմ-պոեմ երկնքի տակ՝ «Հերոսը»

20:33, 13 մարտի

Մենք վարժվել ենք, որ լավ կինոն հիմնականում արտադրում են Ամերիկայում, ինչպես նաեւ Արեւմտյան Եվրոպայում։ Բայց երբեմն արեւելյան կինոն նույնպես բազմաթիվ գլուխգործոցներ է ներկայացնում։

NEWS.am STYLE-ը ներկայացնում է 2002 թվականին արտադրված «Հերոսը» կինոնկարը՝ մարտաֆիլմի, դրամայի եւ արկածային ժանրերում։

Ռեժիսորն է Չժանա Իմոուն, գլխավոր դերերում՝ Ջեթ Լի, Թոնի Լյուն, Մեգի Չուն, Չժան Ցզին, Չեն Դաոմին եւ Դոնի Են։

Ֆիլմը Անանուն վարպետի մասին է, նա ցանկանում է պաշտպանել կայսրին, որի դեմ ուղարկվել են բանահյուսական անուններով մարդասպաններ՝ Կոտրված սուր, Թռչող ձյուն եւ Երկինք. նրանք անթերի տիրապետում են մարտարվեստներին։

Անանունը կայսրին հեքիաթի նման պատմում է մարդասպանների հետ մենամարտերի մասին, որտեղ ճշմարտությունը հորինվածքից չի տարբերվում։ Իր վարկածն ունի նաեւ կայսրը։

Ընդհանուր առմամբ, դժվար է կարծիք հայտնել չինական կինեմատոգրաֆի մասին, քանի որ նրանց կինոնկարներն առանձնահատուկ կոլորիտ ունեն, հաճախ բարդ՝ ընկալման համար։

«Հերոսը» ֆիլմ-պոեմ է՝ լի նրբաճաշակությամբ ու էսթետիկայով։ Կերպարների փիլիսոփայական ելույթներից մինչեւ հիասքանչ վիզուալը։

Այն, թե ինչպես է մատուցված ֆիլմը դիտողին, հիրավի, արժանի է մեծագույն գովասանքի. մեզ ցուցադրում են մեկ պատմության 3 տարբերակ, որոնք մերթ լրացնում, մերթ հերքում են միմյանց։ Եվ այստեղ կարեւորն այն չէ, թե որն է դրանցից ճիշտը (այս մասին առհասարակ չես էլ մտածում), այլ պատմության բուն էությունը։

Ճի՞շտ վարվեց արդյոք գլխավոր հերոսը՝ Անանունը։ Ճի՞շտ են արդյոք նրա արարքները պատմության ավարտին, եւ արժե՞ր արդյոք այդ ամենն այն զոհողությանը, որը վճարեցին մյուս կերպարները։

Կինոնկարը դիտելուց հետո, համոզված եմ, զանազան փիլիսոփայական մտքեր կայցելեն ձեզ՝ կյանքի ու ընտրության, իշխանության ու իշխանավորների, մարդկանց վրա նրանց ազդեցության, վրեժի ու ներման, հուսահատության ու ըմբռնման մասին...

Դերասանական խաղի մասին նույնպես դժվար է ասել երկու բառով. դերասաններն իրենց կերպարները ներկայացնում են ավելի շուտ ասես թատրոնում, քան մեզ համար սովորական կինեմատոգրաֆում։

Ինձ համար այս կինոնկարում բարձունքի վրա են Չեն Դաոմինը եւ Թոնի Լյունը՝ կայսր Ցինի եւ Կոտրված սրի դերակատարները։ Նրանց մարմնավորած կերպարների մատուցումը անկեղծ է, եւ թեեւ նրանք գլխավոր հերոսները չեն, բայց հանդիսատեսին են հասցնում կինոնկարի գլխավոր միտքը, գաղափարը։

Եվ իհարկե, իրենց գեղեցկությամբ հիանալի են մարտական տեսարանները՝ նուրբ ու գերող։ Չինական կինոնկարների սիրահարներին ասեմ, որ 93 րոպեանոց թատերական տարբերակի կողքին կա նաեւ ընդլայնված՝ 107 րոպեանոց տարբերակը։

Հ.Գ.

Կինոն արվեստի քվինտէսենցիան է, եւ խելամիտ չէ նախապատվությունը տալ նրա «ճյուղերից» մեկին՝ անտեսելով մնացած բոլորը։ Հարկ է դիտել լավ ու բազմազան կինո։

Հաճելի կինոդիտում,

Նորայր Նազարյան


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ