• Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

  Ավստրիացի նկարիչ Գուստավ Կլիմտի՝ 100 տարի կորած համարվող կտավը Վիեննայում կայացած աճուրդի ժամանակ վաճառվել է 30 միլիոն եվրոյով․․․

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

Հայկական առաջին լուսանկարչական միջազգային փառատոնի՝ Armenian Photo Fest-ի շրջանակում այսօր՝ օգոստոսի 31-ին, Երեւանի Կապույտ մզկիթում կայացավ ասուլիս եւ ցուցահանդես՝ նվիրված Իրանում մեծ համբավ ունեցող հայ լուսանկարիչ Անտուան խան Սեւրուգիի աշխատանքներին:

Սեւրուգին Իրանում մեծ ճանաչում ձեռք բերելով Իրանի Ղաջարական եւ Փահլավի արքաների դարաշրջանում՝ հայտնվել է Մուզաֆար ալ-Դին Միրզայի արքունիքում եւ արժանացել «Խանի» տիտղոսին:

Իվեթ Թաջարյանը, որը երկար տարիներ ուսումնասիրել է իրանահայ լուսանկարչի կենսագրությունն ու աշխատանքները, նկատեց, որ Սեւրուգին Իրանում արժանացել է այնպիսի համբավի եւ ճանաչման, որին ձգտում են շատ մեծ լուսանկարիչներ.

«Նա եղել է շահի անձնական լուսանկարիչը եւ իրավունք է ունեցել մուտք գործել այնպիսի վայրեր, որտեղ երբեւիցե որեւէ պարսիկ լուսանկարիչ չէր եղել: Անտուանի լուսանկարները նաեւ արժեւորվում են նրանով, որ նա առաջինն էր, որ Իրանում սկսեց ստեղծագործել գեղարվեստորեն: Մինչ Անտուանն, առհասարակ, աշխարհում շատ քիչ լուսանկարիչներ կային, որ գեղագիտորեն էին մոտենում պատմական փաստին, նրանք պարզապես լուսանկարում էին իրադարձությունը: Նա այնքան հավատարիմ անձ է եղել շահին, որ ոչ միայն  նրա անցուդարձն ու խրախճանքներն է լուսանկարել, այլեւ նրան թույլ է տրվել լուսանկարել անգամ այն իրադարձությունները, որոնք, միգուցե, իրենց քաղաքականությանը չէին համապատասխանում»:

Ասուլիսին ներկա ՀՀ-ում Իրանի Իսլամական Հանրապետության դեսպանության մշակույթի կենտրոնի խորհրդական Սեյյեդ Մոհամմադ Ռեզա Հեյդարին էլ իր հերթին ողջունեց Կապույտ մզկիթում նման մշակութային իրադարձության կայացմանը՝ շեշտելով, որ դա եւս մեծ քայլ է հայ-իրանական մշակութային հարաբերություններում.

«Չնայած Կապույտ մզկիթը վաղուց դարձել է զբոսաշրջիկների ամենասիրելի վայրերից մեկը՝ դրա ներուժն իրականում ավելի մեծ է. այն պատմամշակութային կենտրոն է, որը մեծ գործունեություն է ծավալում: Այս միջոցվառմամբ եւս մեկ անգամ ցանկանում էինք ցուցադրել այդ ներուժը: Սեւրուգին մեծ համբավ ունի Իրանում, եւ նրա լուսանկարները կարող եք տեսնել Եվրոպայի շատ թանգարաններում: Այսօր ցուցադրվող նրա  աշխատանքների կողքին կարող եք նաեւ տեսնել Իրանում գտնվող հայկական եկեղեցիների, մշակույթի կենտրոնների լուսանկարներն՝ իրենց մեկնաբանություններով: Եվ դա եւս մեկ անգամ ցույց է տալիս, թե ինչ հոգատարությամբ են  Իրանում վերաբերվում հայկական կոթողներին»:

Հայկական լուսանկարչական միջազգային փառատոնն առաջին անգամ է անցկացվում Հայաստանում: Այն մեկնարկել է օգոստոսի 24-ին եւ տեւելու է մինչեւ սեպտեմբերի 28-ը:

Թովմասյան բարեգործական հիմնադրամը, all.me-ն եւ Dvin Music Hall-ը փառատոնի հիմնական գործընկերներից են:

all.me-ն թվային էկոհամակարգ է, որը բաղկացած է սոցիալական ցանցից (meNetwork), առեւտրային հարթակից (meMarket) եւ վճարային համակարգից (mePay): Յուրօրինակ բիզնես մոդելն օգտատերերին թույլ է տալիս հաղորդակցվել միմյանց հետ, կարդալ հետաքրքիր նյութեր եւ վարձատրվել meNetwork-ի արժույթի միջոցով: Պլատֆորմը գովազդային եկամուտների 50 տոկոսը կիսում է օգտատերերի հետ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում