Նա լրացուցիչ դաստիարակության կարիք չունի
Մինչեւ չափահաս դառնալը տղամարդն արդեն հասցնում է նմանվել կիսաֆաբրիկատի։ Եւս մի քանի տարի անց նրա կերպարն ու անձը վերջնականապես ձևավորվում են։ Այնպես որ դուք, ամենայն հավանականությամբ, նրան հանդիպում եք արդեն պատրաստի, ձևավորված վիճակում՝ ձեր առջև որպես կանոն լինում է մեկը, ով կարողանում է մաքրություն անել, աղբը տանել թափելու, միացնել լվացքի մեքենան ու նույնիսկ շիլա եփել։ Պետք չէ փչացնել նրան, հակառակ դեպքում 10-20 տարի հետո դուք կստանաք անօգնական արարած, որն ունակ չէ առանց կողմնակի օգնության վերնաշապիկը տարբերել տաբատից կամ էլ խոհանոցում գտնել բաժակ ։ Պետք չէ նրան համարել երեխա, որը մինչեւ ձեզ հանդիպելը չգիտեր ինչպես պահել իրեն սեղանի շուրջ ու ինչպես շփվել ընկերների հետ։ Նրան ամեն քայլափոխի ցուցումներ ու խրատներ մի տվեք։
Հաշվի առեք, որ մինչեւ ձեր հարաբերությունները նա արդեն կյանքի որոշակի փորձ ուներ կուտակած՝ սովորություններ ու նախասիրություններ, իսկ հետո հայտնվում եք դուք՝ ներկայանալով որպես ոմն Ֆրեկեն Բոք ու սկսում եք նրան սովորեցնել առողջ կենսակերպի կանոնները։ Հարգեք նրա կենսակերպը, նրա հետաքրքրությունները ու ամեն ինչ թողեք այնպես , ինչպես կա։
Նրա համար դժվար է ընտրություն կատարել ձեր ու իր կյանքի մյուս կանանց միջեւ
Միայն մի տխրեք, ո ր դուք նրա կյանքում առաջին ու միակ կինը չեք։ Ոչ ՝էլ երկրորդը։ Ձեզնից առաջ նա ունեցել է մայր, դուստր՝ նախորդ ամուսնությունից, քույր, ընկերուհի, նախկին սիրուհի եւ այլն։ Նա ուզում է բոլորի հետ ջերմ հարաբերություններ պահպանել։ Նրան վերջնագրեր մի ներկայացրեք «Կամ ես, կամ նա» տրամաբանությամբ։ Տղամարդը կանի հնարավոր ամեն ինչ երկուսիդ էլ պահելու համար, բայց դրա համար նա գուցե ստիպված կլինի ստել։ Հատուկ թեմա է մոր հանդեպ սերը։ Նույնիսկ եթե նա ձեզ վհուկ է թվում, դա ձեզ իրավունք չի տալիս նրան թշնամաբար վերաբերվել ու վատաբանել նրան ձեր ամուսնու ներկայությամբ։ Ձեր ամուսինը երազում է, որ դուք ընկերանաք, կամ գոնե չգանգատվեք իրարից։
Նրան դուր է գալիս նվերներ ստանալ
Հավանաբար դուք կարծում եք, թե երջանկացնում եք տղամարդուն հենց միայն ձեր ներկայությամբ ու նրան երեխաներ պարգեւելով։ Բայց իրականում տղամարդուն էլ է դուր գալիս ժամանակ առ ժամանակ ստանալ նվերներ, անակնկալներ։ Այնպես որ ազատվեք այն կարծրատիպից, որ նվերներ միայն կանայք են սիրում։
Նա ինքը գիտի, թե ինչով է ուզում զբաղվել
Երբ կինը տեսնում է, որ տղամարդն անգործ նստած է ու հանգստանում է՝ նա միանգամից սկսում է տղամարդուն հարցերի տարափ ուղղել՝ ի՞նչ է մտածում, ինչո՞ւ է անտրամադիր, հետո առաջարկում է գնալ ինչ-որ տեղ, կամ օգնել մաքրություն անել տանը, կամ էլ գորգը մաքրել։ Ինչո՞ւ է ձեզ թվում, թե տղամարդն ինքնուրույն չի կարող հասկանալ, թե ինչով է ուզում զբաղվել կամ որ նա իրավունք չունի որոշ ժամանակ անգործ նստել ու ոչինչ չանել։
Ի տարբերություն կանանց, որոնք տարիներով են սովորում մեդիտացիայի հմտությունները, տղամարդկանց սովորաբար մի քանի րոպեն էլ բավական է լիցքաթափվելու, մտքերն ի մի բերելու ու նոր եռանդով օրը շարունակելու համար։ Այնպես որ բավական է տանջեք նրան ձեր հարցերով ու առաջարկներով։ Հանգիստ թողեք, թող նա ինքը որոշի, թե ինչպես է ուզում կազմակերպել իր ազատ ժամանակը։ Երբ նա կլիցքաթափվի ու կհանգստանա՝ դրանից եւ նա կշահի, եւ դուք։
Աղբյուրը՝ Creu
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը