Կ. Ստանիսլավսկու անվան ռուսական դրամատիկական թատրոնում սպասվում են մի շարք պրեմիերաներ եւ շրջագայություններ, ինչպես Հայաստանում, այնպես էլ արտերկրում: Թատրոնի նորություններին այսօր` փետրվարի 21-ին կայացած ասուլիսի ժամանակ անդրադարձել են գեղարվեստական ղեկավար Կարեն Ներսիսյանը եւ տնօրեն Մարիաննա Մխիթարյանը:
Այսպիսով` առաջիկա ամենամեծ պրեմիերան լինելու է Հ. Թումանյանի «Քաջ Նազար» հեքիաթի հիման վրա գրված համանուն պիեսը, որի բեմադրիչն ագությամբ ռուս Անդրեյ Զապոռոժսկին է: Ներկայացան պրեմիերան նախատեսված է փետրվարի 28-ին:
Կարեն Ներսիսյանի խոսքով` ներկայացման փորձերը հրաշալի են անցնում.
«Սկզբում կարծում էինք, թե այն մանկական ստեղծագործություն է, բայց փորձերի ժամանակ կարծիքը փոխեցինք` այն ավելին է, քան պարզապես հեքիաթ: Թումանյանն ինձ համար սեր է: «Քաջ Նազար» բեմադրելու միտքը ծագել է Թումանյանի հոբելյանական տարում: Մեր պիեսը օրիգինալ է` գրված Թումանյանի ստեղծագործության հիման վրա»,-նշեց թատրոնի գեղարվեստական ղեկավարը` հավելելով, որ ներկայացման գլխավոր դերում հանդես է գալու երիտասարդ դերասան Վազգեն Հովհաննիսյանը:
Թատրոնում սպասվում են նաեւ գարնանային պրեմիերաներ` Լեոնիդ Զորինի «Վարշավյան մեղեդի», Չեխովի «Բալի այգին» եւ Դոստեւսկու «Խեղճ մարդիկ» ստեղծագործությունների հիման վրա:
«Իհարկե, հրաշալի է, երբ թատրոնն ունի հովանավորներ եւ աջակիցներ, բայց մեր բոլոր բեմադրություններն արվում են թատրոնի հաշվին»,-անդրադառնալով ֆինանսավորման մասին հարցերին՝ նշեց թատրոնի տնօրեն Մարիաննա Մխիթարյանը: Նա նաեւ խոսեց առաջիկա շրջագայությունների մասին.
«Թատրոնը կարեւորում է, ինչպես Հայաստանից դուրս, այնպես էլ ներսում կատարվելիք շրջագայությունները: Մենք, բնականաբար, ծրագրում ենք ընդլայնել մեր գործունեությունը, լինել եւ Գյումրիում, եւ Սյունիքի շրջանում: Այս ամենի համար արդեն բանակցություններ են ընթանում, քանի որ ցանկացած թատրոնի համար առաջնային կարեւոր է հենց իր հայրենքի հանդիսատեսի ընդունելությունն ու հետաքրքրությունը, այդ է պատճառը, որ ես կարեւորում եմ թատրոնի գործունեության ընդլայնումը նաեւ Երեւանից դուրս:
Ինչ վերաբերում է արտասահմանյան ուղեւորություններին` ունենք հրավեր Սարանսկի փառատոնի կողմից, որին կմասնակցենք «Ռոմեո եւ Ջուլիետ» ներկայացումով, կլինենք նաեւ Մինսկում»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ