Այժմ ԱՄՆ-ում բնակվող ժողովրդական երգերի կատարող Հայկուհի Բաբախանյանը, որը հեռուստադիտողին հայտնի է՝ որպես «Շանթ» հեռուստաընկերության «Ժողովրդական երգիչ» նախագծի երկրորդ եթերաշրջանի հաղթող, երեկ՝ փետրվարի 20-ին, նշում էր ծննդյան 28-ամյակը: Բազմաթիվ շնորհավորանքներից եւ անակնկալներից զատ՝ երգչուհին օրերս ինքն է իրեն մատուցել սպասված նվեր՝ թողարկելով իր թվով երրորդ ձայնասկավառակը: Այն անվանվել է Սայաթ-Նովայի «Մե խոսկ ունիմ» ստեղծագործությամբ եւ երգչուհու խոսքով՝ ներկայացնում է ժողովրդական, աշուղական եւ կոմպոզիտորական երգերի հավաքածու:
Ձայնասկավառակի շնորհանդեսը տեղի է ունեցել Միացյալ Նահանգներում հայտնի ARTN հեռուստաալիքի սրահում՝ այնտեղ բնակվող Հայկուհու ընկերների, գործընկերների, երգիչ-երգչուհիների մասնակցությամբ: Շնորհանդեսի մանրամասներով երգչուհին կիսվել է NEWS.am STYLE-ի հետ:
«Նոր ձայնասկավառակը կոչվում է «Մե խոսկ ունիմ»: Ես ամեն անգամ փորձում եմ նոր բան ներկայացնել, նոր խոսք ասել, դրանով պայմանավորված էլ որոշեցի ձայնասկավառակի անվանումը: Այն պարունակում է 13 երգ: Այս բոլոր երգերը նոր են` քիչ հնչած եւ քիչ կատարված, միգուցե նաեւ մոռացված: Կան նաեւ կոմպոզիտորական երգեր, որոնք ես երբեւէ չեմ երգել եւ իմ կատարմամբ դրանք առաջին անգամ զետեղված են ձայնասկավառակում»,-ասում է նա ու հավելում,- «Մինչ այս ունեի երկու ձայնասկավառակ: Առաջինը` «Սիրո անուրջներ», երկրորդը` «Քեզանից մաս չունիմ»: Աշուղ Շերամի այս ստեղծագործությունն իմ այցեքարտն է դարձել եւ իմ բոլոր համերգներին ես այս երգը ներառում եմ, իսկ երրորդ ձայնասկավառակը կոչվեց Սայաթ-Նովայի գեղեցիկ ստեղծագործության անունով: Այս երգը սիրվեց, երբ այն կատարեցի Կրեմլում՝ Սայաթ-Նովային նվիրված համերգին: Շատ հաճախ ինձանից պահանջում էին, որ տարբեր տեղեր կատարեմ այն…»:
Հայկուհու խոսքով՝ ձայնասկավառակի աշխատանքները բավական երկար են ընթացել.
«Սկավառակի վրա աշխատել ենք 5-6 ամիս, բավական աշխատատար էր, բայց փառք Աստծո` վերջում ստացանք այն, ինչ ցանկանում էինք»:
Երգչուհին ոգեւորությամբ նշեց, որ մեծ ցանկություն ունի հաջորդ CD-ն ներկայացնել արդեն Երեւանում:
Հավելենք, որ այս շրջանում Հայկուհին հանդես է գալիս նաեւ՝ որպես հաղորդավարուհի: Նա վարում է ԱՄՆ-ում եւ Եվրոպայում հեռարձակվող «Հայ երգի երեկո Հայկուհի Բաբախանյանի հետ» ծրագիրը, որի մասին NEWS.am STYLE-ն արդեն պատնել է իր ընթերցողներին:
Սյունե Առաքելյան
Լուսանկարները տրամադրել է Հայկուհի Բաբախանյանը
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում