«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Սա մի սիրո պատմություն է». Արամեի «Շատ սիրունա» տեսահոլովակի backstage-ը

Ու՞մ բաժին կհասնի տունը. Սամսոնի՞ն, թե՞ Շավոյին. «Բլբուլյանները 2»-ի նկարահանումները կադրից դուրս

#ՇոկTOK․ Աշայվին՝ Սիրուշոյի հետ հանդիպելու ցանկության, տիկին Գրետայի հետ կոնֆլիկտի մասին եւ ոչ միայն

Ինչպես են ընթանում «Պոլլի» գեղարվեստական ֆիլմի նկարահանումները

H2Օ Emotional Exposition. Kivera Naynomis բրենդի ցուցադրությունը

«Ամեն տարի գարնանը». նոր հեռուստասերիալի դերասանական կազմն ու նկարահանումները

Ի՞նչ սպասել 2022 թվականից. աստղաբան Գուրգեն Հովհաննիսյանը՝ Կապույտ ջրային վագրի տարվա մասին

Ի՞նչ դիմահարդարմամբ դիմավորել 2022-ը՝ Կապույտ ջրային վագրի տարին. խորհուրդներ Ագա Քանքանյանից

14-ամյա Սվետլանա Հակոբյանը՝ «Արմոնիա 2021»-ի հանդիսատեսի համակրանքին արժանանալու ու Սերժ Թանկյանի անակնկալի մասին

16:04, 12 օգոստոսի

Դաշնակահարուհի Սվետլանա Հակոբյանը 14 տարեկանում արդեն հասցրել է մասնակցել համաշխարհային մի շարք հեղինակավոր մրցույթների, որոնցից ամենահիշարժանն աղջկա համար դարձավ Հայկական ասամբլեայի կողմից կազմակերպված «Արմոնիա 2021» մրցույթը: Այս հարթակի նպատակն է գտնել աշխարհասփյուռ հայ տաղանդավոր երեխաների եւ աջակցել հայ մշակույթի երիտասարդ դեսպաններին իրենց մասնագիտական ​​զարգացման առաջին քայլերում: Սվետլանան մրցույթում հաղթել է «Հանդիսատեսի համակրանք» անվանակարգում, ինչի շնորհիվ եւս մեկ քայլ առաջ գնացել դեպի իր երազանքը՝ միջազգային բեմեր գրավելը: Պատանի դաշնակահարուհու համար ամենաանսպասելին, սակայն, այն էր, որ իր հաղթանակն ազդարարել է աշխարհահռչակ ռոք երաժիշտ Սերժ Թանկյանը:

NEWS.am STYLE-ը Սվետլանայի հետ զրուցել է «Արմոնիա»-ում ունեցած հաջողության, անցած ուղու ու երազանքների մասին:

Դաշնակահարուհին տեղեկացրեց, որ կորոնավիրուսով պայմանավորված՝ մրցույթն անցկացվել է առցանց: Սվետլանան «Արմոնիա»-ին մասնակցել է ուսուցչուհու՝ Կարինե Հարությունյանի խորհրդով.

«Տվյալ մրցույթի համար ուղարկել ենք Արամ Խաչատրյանի  «Տոկատան» եւ Չայկովսկի-Պլետնյով` Andante maestoso՝ «Շելկունչիկ» բալետից: Իրականում, վստահ չէի, որ կարժանանայի «Հանդիսատեսի համակրանք» մրցանակին, բայց հույս ունեի: Գիտեի, որ ժյուրիում նաեւ Սերժ Թանկյանն է, բայց բոլորովին չէի սպասում, որ իմ անվանակարգը հենց նա կհայտարարի: Այդ զգացողությունը շատ ֆանտաստիկ էր ու ցնցող: Անչափ ուրախ էի»,-անկեղծացավ նա:

Սվետլանան պատմեց, որ երաժշտությամբ սկսել է հետաքրքրվել շատ վաղ տարիքից: Հիշում է՝ 5 տարեկան էր, երբ շարունակ ուսումնասիրում էր դաշնամուրն ու դրա կազմությունը.

«Շատ էի սիրում մոտենալ դաշնամուրին, ստեղներով անցնել, ուսումնասիրել այդ գործիքը. այն ինձ միշտ հետաքրքրել է: Մայրիկս դա նկատելով՝ մասնագետ հրավիրեց, որպեսզի ինձ հետ պարապի: Հետագայում նա մայրիկիս խորհուրդ տվեց, որ ինձ անպայման տանի երաժշտական դպրոց, այդպես էլ արեցինք»:

Թոռնուհուն դաշնամուրի առջեւ նստած տեսնելը պապիկի երազանքն է եղել, սակայն սերը դեպի այդ երաժշտական գործիքը Սվետլանայի մոտ ծնվել է ակամայից.

«Իրականում, այո, պապիկիս երազանքն է եղել, որ իր թոռնուհին ունենա դաշնամուրի հանդեպ սեր, սակայն դա  այնքան էլ իմ ընտրության վրա չի ազդել: Երբ իմ հետաքրքրությունը դաշնամուրի հանդեպ կար, նոր եմ միայն իմացել, որ պապիկս միշտ ցանկացել էր դա»:

Այժմ Սվետլանան կրթություն է ստանում  Ալեքսանդր Սպենդիարյանի անվան մասնագիտական երաժշտական դպրոցում. «Սովորում եմ ՀՀ վաստակավոր մանկավարժ Կարինե Հարությունյանի դասարանում, ու հենց նրան եմ պարտական իմ գիտելիքների ու փորձի համար: Ինչ վերաբերում է մրցույթներին՝ անկեղծ ասած՝ դրանց մասնակցելն ինձ համար ինքնանպատակ չէ, եւ ես պարապում եմ ոչ թե մրցույթների, այլ՝ կատարելագործվելու եւ զարգանալու համար: Իսկ թե ինչ մրցույթներ առջեւում կլինեն, կամ՝ կլինեն, թե ոչ, դեռեւս չեմ կարող պատասխանել»:

Պատանի դաշնակահարուհին շատ երազանքներ ունի. դրանցից ամենանվիրականներով կիսվեց նաեւ մեզ հետ.

«Իմ մեծագույն երազանքներից է աշխարհով մեկ շրջագայելը, լավագույն բեմերում հանդես գալը, երազում եմ, որ այդ դահլիճները լինեն լեփ-լեցուն, եւ որ զգամ, որ դասական երաժշտություն սիրողները շատ են»:

Սյունե Առաքելյան

Լուսանկարները՝ Սվետլանա Հակոբյանի անձնական արխիվից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության