• «Չափից շատ խոսակցություններ»․ արքայազն Ուիլյամը մարդկանց ներկայությամբ նախատել է Քեյթ Միդլթոնին

  Շատախոսություն․․․

• Հայտնի է, թե իր հուշերի վաճառքից որքան գումար է վաստակել արքայազն Հարրին

  «Spare» գիրքը դարձել է Բրիտանիայում ամենաարագ վաճառվող ոչ գեղարվեստական ​​գրականությունը․․․

• Լոնդոնում հայտարարել են, որ արքայազն Հարրին ապագա չունի

  Նա վաճառում է իր սերը, արցունքներն ու զգացմունքները․․․

• Արքայադուստր Դիանայի ամետիստե վզնոցը նոր տեր ունի․ այն 197 հազար դոլարով գնել է Քիմ Քարդաշյանը (ֆոտո)

  Ադամանդները 5,25 կարատ են․ այն վաճառվել է 197,453 դոլարով...

• Արքայազն Հարրին պատմել է՝ իր գրքում չի ներառել հիշողություններ, որոնք կարող են վնասել հորը

  Սկզբնական տարբերակից բավականաչափ կրճատվել է․․․

• Արքայազն Հարիի հուշերը դարձել են բրիտանական պատմության ամենավաճառվող ոչ գեղարվեստական ​​գիրքը

  Առաջին օրը վաճառվել է գրքի  400 հազար օրինակ․․․

• Արքայազն Հարրին հրապարակավ վիրավորել է Կամիլա Փարքեր-Բոուլզին

  Նա վտանգավոր չարագործ է․․․

• Սկանդալային հուշերի պատճառով․ արքայազն Հարիին կարող են արգելել մուտք գործել ԱՄՆ

  Հարրին մանրամասն պատմել է իր բուռն երիտասարդության մասին․․․

Հարսանիքները բոլոր ժամանակներում էլ իրենց ուրույն դերն են ունեցել յուրաքանչյուր հասարակությունում՝ արքայական հարսանիքները առավել եւս: Դրանք միշտ ուշադրության կենտրոնում են եղել, կրկնօրինակվել են եւ երկար ժամանակ քննարկման թեմա դարձել: Գաղտնիք չէ նաեւ, որ մարդկանց միշտ հետաքրքրել է արարողակարգը, հարսի զգեստը, հյուրերը, մեքենաները եւ հարսանեկան տորթը:

Այսօր News.am STYLE կներկայացնի բրիտանական թագավորական ընտանիքում վերջին հարյուրամյակի ամենից հետաքրքիր հարսանեկան տորթերը:

Եղիսաբեթ II եւ արքայազն Ֆիլիպ Մաունթբեթեն (1947)

Այն ժամանակ արքայադուստր Եղիսաբեթի եւ Հունաստանի ու դանիայի արքայազն Ֆիլիպ Մաունթբեթենի հարսանեկան տորթը պատրաստել է Լոնդոնում հայտնի McVitie and Price ընկերությունը: 4 հարկանի տորթն ունեցել է 9 ոտնաչափ բարձրություն եւ կազմված է եղել 2000 կտորներից:

Տորթն ունեցել է մրգային միջուկ՝ մարնջի եւ կիտրոնի համադրությամբ: Քանի որ 2-րդ համաշխարհային պատերազմը դեռ նոր էր ավարտվել եւ որոշ մթերքներ դեռեւս բավարար չէին՝ հասարակության կարիքները հոգալու համար, շաքարավազը բերվել է Ավստրալիայից, ինչի համար էլ տորթը ստացել է «10 000 մղոն տորթը» մականունը:

Մեկ այլ տորթը զույգը նվեր է ստացել Լիոնի հայտնի հրուշակագործ Ֆ. Է. Ջեյքոբսի կողմից: Այն սպիտակ եւ կապույտ գույների համադրմամբ է եղել եւ կազմված է եղել 3 հարկից`վրան թագեր եւ EP տառերը:

ՄԲ Արքայադուստր Մարգարիտ եւ Էնթոնի Արմսթրոնգ-Ջոնս (1960)

Մեծ Բրիտանիայի արքայադուստր Մարգարիտի հարսանեկան տորթը յուրահատուկ է եղել՝ ֆրանսիական ճարտարապետական ոճի եւ գունային բազմազանության կիրառմամբ: Այն կազմված է եղել 3 հարկից եւ պատրաստվել է հայտնի J. Lyons and Company Ltd-ի կողմից:

Տորթի վրա պատկերված են եղել զույգի անվանատառերը, արքայադստեր զինանշանն ու անգլիական վարդ:

Չարլզ III եւ արքայադուստր Դիանա (1981)

Արքայական հարսանիքին եղել է 27 տորթ, սակայն գլխավորը, որը պատրաստել է Թագավորական ծովային խոհարարական դպրոցի գլխավոր հացթուխ Դեյվիդ Էվերին, կազմված է եղել 5 հարկերից: Այն զարդարված է եղել զույգի անվանատառերով, ընտանեկան զինանշանով եւ ծաղիկներով:

Այն ազդեցություն է կրել գերմանական Սուրբ Ծննդյան բուրգերից:

Արքայազն Ուիլիամ եւ Քեյթ Միդլթոն (2011)

Տորթի ընտրության հարցում զույգը պահպանել է մրգայինին նախապատվություն տալու ընտանեկան ավանդույթը: Այն զարդարված է եղել ժապավեններով, ծաղիկներով եւ մարգարիտներով՝ տորթին տալով հին ժամանակների տեսք: Այն պատրաստել է հրուշակագործ Ֆիոնա Քեյրնսը:

 Եղել է նաեւ երկրորդ՝ փեսայի տորթ, որը պատրաստվել է Եղիսաբեթ II-ի հարսանեկան տորթի հեղինակեների կողմից:

Արքայազն Հարրի եւ Մեգան Մարքլ(2018)

Զույգի հարսանեկան տորթը պատրաստվել է լիմոնի համով խմորից եւ թագուհու նստավայր Սանդրինգհեմից քաղված «Էդելֆլաուր» տեսակի ծաղիկներից պատրաստված օշարակից: Տորթը զարդարվել է 150 սպիտակ թարմ ծաղիկներով՝ հիմնակաում պիոններ եւ վարդեր: Այն կազմված է եղել մի քանի տորթերից, որոնք դասավորվել են միմյանց կողք կողքի՝ ոսկեգույ եւ հայելապատ սկուտեղների վրա:

Տորթը պատրաստվել է պալատում՝ ծնունդով ԱՄՆ-ից բրիտանացի հայտնի հրուշակագործ Քլեյր Փթակի կողմից:

Արքայադուստր Եվգենիա եւ Ջեք Բրուքսբանք (2018)

Զույգը նախապատվությունը տվել է մրգային միջուկով տորթին, որը կազմված է եղել 5 հարկերից: Այն զարդարված է եղել աշնանյին գույնի տերեըներով, քանի որ զույգի հարսանեկան արարողությունը կայացել է աշնանը, իսկ ներքեւի հարկը զարդանածշերով, որի վրա հարսի ու փեսայի անվանատառերն են եղել:

Ի տարբերություն այլ արքայական հարսանեկան տորթերի՝ այն ամանորյա տեսք է ունեցել եւ պատրաստվել է հրուշակագործ Սոֆի Քաբոթի կողմից:

Հետևեք NEWS.am STYLE-ին Facebook-ում, Twitter-ում և Instagram-ում