Թեեւ Հայաստանը հնագույն ժամանակներից գինի է արտադրում, բայց գինիների սիրահարների համար բավականին դժվար է կողմնորոշվել սորտերի եւ ապրանքանիշերի հսկայական քանակի մեջ։ Այս կապակցությամբ NEWS.am STYLE-ը դիմել է փորձագետ, «In Vino»-ի համահիմնադիր Մարիամ Սաղաթելյանին։ Միասին փորձեցինք պարզել, թե 5000 դրամից ցածր արժողությամբ ո՞ր սպիտակ գինիներն են արժանի հատուկ ուշադրության։
Karas – Tale of two Mountains 2021
Tale of two Mountains գինին արտադրվում է Արմավիրի մարզում աճեցված խաղողից։ Karas-ի գինիներն առաջինն էին, որ որոկապես համապատասխանեցին արժեք-որակ հարաբերակցության առումով: Բնականաբար, յուրաքանչյուր տարվա արտադրանքը տարբեր է։
Tale of two Mountains-ը եզակի է նրանով, որ միավորում է խաղողի երկու տեսակ՝ առաջին «Կանգունը» (60%), տեղական, բայց ոչ էնդեմիկ, այսինքն՝ ստացված խաչասերման արդյունքում (այս սորտը որոշվել է հարգանքի տուրք մատուցել խորհրդային տարիներին։ Այն համարվում է տեղական եւ աշխարհում ոչ մի այլ տեղ չի հանդիպում), երկրորդ՝ Chenin Blanc (40%).
Գինին ունի 12% խտություն, բավականին թարմ, թթու, հաճելի, կանաչ խնձորի նոտաներով է։ Այն հեշտ է ըմպել։
Tale of two Mountains –ը պահպանում է իր որակը եւ տարեցտարի չի փոխվում, այն արդեն 3-4 տարեկան է։ Սա գինու խոշոր արտադրողի օրինակ է:
Գինը՝ 3300 դրամ։
Tushpa white 2020
Tushpa-ն փոքր ընկերություն է։ Գինին պատրաստվում է «Կանգուն» սորտից։ Սա շատ հագեցած գինի է, մի փոքր ավելի ծանր, ավելի հետաքրքիր համով, քանի որ խաղողն աճեցվում է ընկերության սեփական այգիներում։
Այն ունի դեղին խնձորի եւ տանձի բույրեր՝ վայրի ծաղիկների եւ ցիտրուսների նոտաներով։
Գինը՝ 4600 դրամ։
Stork 2021
Stork-ը բավականին երիտասարդ նախագիծ է։ Գաղափարը ներշնչված է արագիլների բներից, որոնց հաճախ ենք հանդիպում Արարատյան դաշտի ճանապարհներին։ Stork-ը պատրաստվում է Տափերականի խաղողից (գյուղ Արարատի մարզում), նաեւ Կանգուն սորտից։ Այն ունի ավելի թթվային, թարմ, ծաղկային նոտաներ։ Tushpa-յի համեմատ կան ավելի թարմ բուսական, կիտրոնի նոտաներ, մինչդեռ Tushpa-ն ունի կանաչ եւ դեղին խնձորի նոտաներ:
Գինը՝ 4600 դրամ։
Noa Arkuri 2021
Noa-ն շվեյցարացի Յակոբ Շուլերի նախագիծն է Հայաստանում, ով ցանկացել է գալ այս տարածաշրջան, գտնել իրեն հոգեհարազատ խաղողի տեսականի եւ գինի արտադրել։ Այդ նպատակով նա այցելել է Վրաստան, իսկ հետո եկավ Հայաստան, սիրահարվեց ու հասկացավ, որ առաջընթացի հնարավորություն կա։
Այժմ նա արտադրում է Arkuri գինիները։ Արկուրի նշանակում է այն վայրը, որտեղ, ըստ Աստվածաշնչի, Նոյը սկսել է հող մշակել եւ խաղողի այգի է տնկել։ Գինին պատրաստվում է Ոսկեհատ եւ Խաթուն սորտերից։ Ոսկեհատ սորտը մեր էնդեմիկ սորտերից է, բավականին հին, իսկ Խաթունի լրիվ անվանումը Խաթուն Խարջի է, որը հիմնված է այն բանի վրա, որ երբ պարսկական լծի տակ էինք, Խաթուն թագավորին տուրք էինք տալիս խաղողի տեսքով։ Դա լեգենդ էր։ Այլ անվանումը՝ Խաչխառջի, քանի որ որթատունկը աճում է խաչի տեսքով։ Arkuri ալկոհոլի պարունակությունը կազմում է 13%: Այս գինին ունի միջին մարմնեղություն։ Այն ունի դեղին խնձորի բույր՝ դեղձի, ծիրանի եւ վարդի նրբերանգներով։
Գինը՝ 4500 դրամ
EVN Wine Academy 2019
Գինու գործարանը գտնվում է Ոսկեհատ գյուղում եւ արտադրվում է միայն այնտեղի խաղողից։ Խոսքը 2019 թվականի խաղողի բերքահավաքի մասին է, որն իր որակի եւ գնի շնորհիվ շատ լավ է վաճառվում շուկայում։ Սա թարմ ու թեթև գինի է, այն ունի վայրի ծաղիկների բույր, կիտրոնի թթու, սպիտակ ծաղիկների նրբերանգներով։
Գինը՝ 3800 դրամ։
Հետևեք NEWS.am STYLE-ին Facebook-ում, Twitter-ում և Instagram-ում
09:00, 2 մայիսի
ՄԱՅԻՍԻ 2-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը