• Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)

  NEWS.am STYLE-ի հետ զրույցում Թամլինն ավելի մանրամասն պատմեց իր տպավորությունների, Հայաստանի գինիների ու գինեգործների մասին...

• Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար

  Մալբեկը հարուստ, դարավոր պատմություն ունեցող խաղողի տեսակ է, որն ամբողջ աշխարհի գինու սիրահարներին գերել է իր համարձակ համերով եւ տարբերվող հատկանիշներով․․․

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• 20000 դոլար՝ հայտնիների ընկերակցությամբ թանկարժեք գինի վայելելու համար

  Եթե ​​ցանկանում եք թանկարժեք գինի վայելել այնպիսի հայտնիների ընկերակցությամբ, ինչպիսիք են Լեբրոն Ջեյմսը, Կառլոս Սանտանան եւ Դենի Դե Վիտոն, ապա դա ձեզ կոպեկներ կարժենա․․․

• Wine Story. Պորտվեյնի ակունքները

  Պորտվեյն գինու՝ շշերի մեջ թանկարժեք գանձի պես խնամքով պահվող այս հիասքանչ խմիչքի պատմությունը...

• Wine Story. Առաջին հայկական Ռիսլինգը եւ Alexandrea Winery եզակի գինիների պատմությունը

  Ռիսլինգը խորհրդավոր հմայքով սպիտակ գինու տեսակ է, որի համային պալիտրան տատանվում է չորից մինչև հագեցված-քաղցր՝ կախված տեռուարից և գինեգործի ոճից․․․

• Wine Story. Ինչպես ընտրել ճիշտ գինի Սուրբ Զատիկին

  NEWS.am STYLE-ը կկիսվի, թե ինչպես ընտրել ճիշտ գինի և պահպանել կրոնական կանոնները...

• Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ

  Diageo ընկերությունը միավորել է նորն ու հինը՝ ստեղծելով 50 հազար դոլար արժողությամբ վիսկիի երկու հազվագյուտ շիշ: Նոր արտադրանքը SmokeDNAi կոչվող արհեստական ինտելեկտի տեխնոլոգիան է, որը թույլ է տալիս ուսումնասիրել տակառներում վիսկիի հնեցման գործընթացը...

«379beer» գարեջրի արտադրության հիմնադիր և տնօրեն Հայկ Հակոբյանը երիտասարդ է և եռանդուն։ Նա 36 տարեկան է, կյանքի զգալի մասը զբաղվել է բիզնեսով։ Հայկի գարեջրի բիզնեսը գործում է ընդամենը երկու տարի։

«...Մեր ընկերության վաճառքից հետո ես ու եղբայրներս տեսանք Հայաստանում լավ գարեջուր արտադրելու պոտենցիալ։ Հիմնական խնդիրը լավ մասնագետ գարեջրագործ գտնելն էր... Եվ մեզ հաջողվեց հրավիրել Հայաստանում գարեջրագործության լավագույն տեխնոլոգներից մեկին՝ Գևորգ Համբարձումյանին... Մեր կայացման մյուս կարևոր ասպեկտը գարեջրի նոր ապրանքանիշի համար որակյալ հումք ներմուծելու հարցն էր։ Քանի որ ի սկզբանե որոշվել էր պատրաստել լավագույն գարեջուրը, մենք դիմեցինք այս ոլորտում աշխարհահռչակ գերմանական «Weyermann ® Specialty Malting» ընկերությանը։ Սկզբում նրանք բավականին թերահավատորեն էին գնահատում մեր հեռանկարները, քանի որ աշխատում են միայն խոշոր արտադրողների հետ, սակայն մեզ հաջողվեց պայմանավորվել համագործակցության մեկնարկի մասին։ Իսկ մի փոքր ավելի ուշ, երբ «Weyermann»-ի ներկայացուցիչները տեսան, թե ինչպես ենք մենք արագ զարգանում և արդեն պատվիրում հումքի շատ ավելի զգալի խմբաքանակներ, նրանք խոստովանեցին, որ մեզ հետ աշխատելու որոշումը ճիշտ էր»։

Այսպիսով, ի՞նչ է անհրաժեշտ որակյալ և ամենակարևորը համեղ գարեջուր արտադրելու համար: Առաջին կարգի տեխնոլոգ, լավագույն հումք և վերջապես՝ «համեղ» ջուր։

«Քանի որ որոշվել էր, որ արտադրությունը լինելու է մայրաքաղաքի մերձակայքում, մենք նմուշառեցինք Երևանի շրջակայքում առկա բոլոր տեսակի ջրերը։ Գարեջրի արտադրության համար լավագույնը Կոտայքի Կաթնաղբյուրի ջուրն էր։  Այնտեղ էլ հիմնեցին մեր գործարանը»։

Գարեջրի առաջին խմբաքանակն արտադրվել է 2 տարի առաջ՝ 2022 թվականի մարտին։ Միևնույն ժամանակ տեղի ունեցավ 379 Torch and Brew գարեջրի ռեստորանի տեխնիկական բացումը Երևանի հենց կենտրոնում՝ Հանրապետության փողոցում՝ Հանրապետության հրապարակի հարևանությամբ։

«Հպարտ եմ, որ ընդամենը մեկ տարվա ընթացքում մեր թիմին հաջողվեց շուկա դուրս գալ շշալցված արտադրանքով։ 2023 թվականից ի վեր մեր ագրեսիվ շուկայական քաղաքականության շնորհիվ մենք ներկա ենք, գրեթե, բոլոր խոշոր սուպերմարկետների ցանցերում, գարեջրի մասնագիտացված հաստատություններում... Այսօր մենք ունենք մոտ 480 գործընկեր և շարունակում ենք զարգանալ։ Տարվա ընթացքում արտադրության ծավալներն ավելացրել ենք 2,5 անգամ և այսօր տարեկան արտադրում ենք մոտ 350 հազար լիտր գարեջուր։ Իսկ մեր հզորությունների պոտենցիալը մինչեւ 1 մլն լիտր է»:

Մի փոքր գարեջրի պատրաստման մասին

Գարեջուրը, եթե բաժանել, լինում է երկու տեսակի՝ ale կամ վերին խմորման գարեջուր և Lager-ստորին խմորման գարեջուր: Խմորման «բարձրությունը» որոշվում է խմորիչի համապատասխան տեսակներով, որոնց օգնությամբ գարեջուրը խմորվում է ՝ հասնելով ապրանքային վիճակի։ Կախված գարեջրի կոնկրետ տեսակից, այս խմորումը տեղի է ունենում բնական պայմաններում 25-ից 45 օր: Սակայն ժամանակակից գարեջրագործության մեջ կարելի է օգտագործել սննդային քիմիական նյութեր, որոնց օգնությամբ այդ ժամկետը կրճատվում է երկու անգամ և, համապատասխանաբար, 2 անգամ ավելանում է օգտագործվող սարքավորումների արդյունավետությունը...

«Մենք չգնացինք այդ ճանապարհով ՝ առաջնահերթություն տալով «ավանդական» գարեջրագործությանը ՝ հիմնված բնական հումքի և բնական գործընթացների վրա։  Համապատասխանաբար, մեր արտադրանքի գինը ավելի բարձր է, քան շուկայական միջինը: Բայց համաձայնվեք, որ որակյալ բանը չի կարող էժան լինել»:
Գարեջրի շատ տեսակներ կան, բայց դրանց թվում կարելի է առանձնացնել հատկապես հանրաճանաչ տեսակները։ «379 beer»- ն իր համար առանձնացրել է 4 նման սորտեր և, հիմնվելով օրիգինալ բաղադրատոմսի վրա, սկսել է արտադրել Pilsner, Weizen, American wheat ale և Dunkel։

«Մեր գերմանական ոճի Pilsner-ը թեթև, փխրուն և առույգացնող է, պատրաստված է գերմանական լավագույն ածիկից և գայլուկից, որպեսզի ստեղծի սորտին բնորոշ ածիկի դառնությունը և ծաղկային-բուսական բույրը:

Weizen-ը ավանդական բավարական գարեջուր է: Եվ 379-ը պահպանում է այս տեսակի պատրաստման լավագույն ավանդույթները: Weizen-ը բնութագրվում է թեթևության զգացումով, բանանի բույրերի համադրությամբ և միևնույն ժամանակ ցորենի փափկությամբ և յուրահատուկ համով:

American wheat ale-ը բնութագրվում է թեթև ածիկի համով՝ ցորենի թեթև հետհամով: Այս տեսակը պատրաստելիս մենք օգտագործում ենք ամերիկյան լավագույն անուշաբույր գայլուկները, որոնք գարեջրին տալիս են ցիտրուսային, մերձարևադարձային երանգներ:

Dunkel-ը մուգ lager ոճի գարեջուր է: Մուգ գարեջրի այս ոճը բացահայտում է շոկոլադի, հացի կեղևի, սուրճի և կարամելի հավասարակշռված համերը:
Մենք ցանկանում էինք գոհացնել գարեջրի գրեթե ցանկացած սիրահարի, այսինքն, արտադրում ենք աշխարհի ամենահայտնի գարեջրի ամեն տեսակից մեկը»,- ասաց Հակոբյանը՝ հավելելով, որ շարքում իր ամենասիրելի տեսակը «Dunkel»-ն է։

Թվերի և վիշապի մասին.

Շատերն ուշադրություն դարձրին «379beer» խորհրդանիշին և, ամենայն հավանականությամբ, մեկ անգամ չէ, որ հարցրել են՝ ինչու՞ 379 և ի՞նչ կապ ունի դրա հետ վիշապը:

«Քանի որ ջուրը գարեջրի հիմնական բաղադրիչներից է, իսկ հայկական դիցաբանության մեջ վիշապը ջրի պահապանն է, ապա մեր ընտրությունը միանգամայն բնական է։ Միևնույն ժամանակ, Ուրոբորոս վիշապը, որը օղակաձև ոլորված կծում է իր պոչը, ինչպես նկարված է մեզ մոտ, նույնպես ինքնակատարելագործման և ինքնազարգացման հնագույն համաշխարհային խորհրդանիշներից է: Դա լիովին համապատասխանում է մեր արժեքներին: Իսկ «379»-ը հայերեն «վիշապ» բառի «թվայնացումն» է: Ինչպես հայտնի է, հայոց այբուբենի յուրաքանչյուր տառին համապատասխանում է որոշակի թիվ։ 

Գարեջրի հավակնություններ

«Մեր երկարաժամկետ նպատակը համաշխարհային շուկա դուրս գալն է երկու ուղղությամբ։  Առաջինը մեր ռեստորանային ապրանքանիշը ֆրանչայզինգ դարձնելն է, իսկ երկրորդը ՝ մեր գարեջրի արտահանումը։  Իհարկե, ներկայիս լոգիստիկայի և այլ պայմաններում արտահանումը դեռ հնարավոր է միայն Ռուսաստան։ Եվրոպա, առավել ևս՝ ԱՄՆ տեղափոխելը շատ թանկ է։ Այնուամենայնիվ, ժամանակակից աշխարհում դժվար պայմաններում հաջողության հասնելու շատ հետաքրքիր դեպքեր կան: Օրինակ՝ Կոբրա գարեջրի խթանման պատմությունը: Այս գարեջուրն ի սկզբանե արտադրվել է Հնդկաստանում երկու եղբայրների կողմից: Նրանք կարողացան գտնել այնպիսի բաղադրատոմս, որը դուր եկավ անգլիացիներին։  Բայց հեռավոր երկրներից գարեջուր բերելը շատ թանկ էր և անշահավետ։  Այդ ժամանակ հնդիկները Լեհաստանում գարեջրի գործարան գտան, որն ամբողջ հզորությամբ չէր աշխատում և սկսեցին այնտեղ իրենց գարեջուրն արտադրել։ Այժմ «Կոբրա»-ն Անգլիայում և Եվրոպայում հայտնի գարեջրի ապրանքանիշերից մեկն է... ժամանակակից շուկան շատ հագեցած է, և շատ դժվար է գտնել ձեր տեղը: Բայց ես խորապես համոզված եմ, որ եթե ինչ-որ բան լավ ես անում և ամբողջ հոգին ներդնում ես գործի մեջ, ապա հաջողությունն անպայման կգա»։

«Կարող է մի փոքր պաթոսային հնչել, բայց երբեմն դրանից հնարավոր չէ խուսափել: Մեր առաքելությունն է ստեղծել ամուր բրենդ, որի ուժը թիմն է, որտեղ ոչ ոք չի հանդուրժում միջակ աշխատանքը, ձգձգումը, անորակությունը և դանդաղկոտությունը: Մենք գնահատում ենք ժամանակը,  չենք վախենում, մտածում ենք, գործում և փոխում իրավիճակը: Իսկ նպատակը շուկայում առաջատար լինելն է՝ առանց կարծրատիպերի և սահմանների։ Մենք չենք հավատում պատմությանը, մենք կերտում ենք ապագան»։

Կարեն Արզումանյան

Հետևեք NEWS.am STYLE-ին Facebook-ում, Twitter-ում և Instagram-ում