Stylish Faces. Աստղիկ Սաֆարյան. «Ասել եմ՝ չեմ սիրում, ու հեռացել եմ սիրելով»

Տիհանա Vibes. Dasein-ը սիրո եւ տարբերվող մարդկանց մասին է

«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար

20:23, 17 ապրիլի

Մալբեկը հարուստ, դարավոր պատմություն ունեցող խաղողի տեսակ է, որն ամբողջ աշխարհի գինու սիրահարներին գերել է իր համարձակ համերով եւ տարբերվող հատկանիշներով: Ծագումով Ֆրանսիայից, մասնավորապես Բորդոյի տարածաշրջանից, Մալբեկն իր իսկական արտահայտությունը գտել է Արգենտինայի բարձր լեռնային խաղողի այգիներում:

Արգենտինական ամենահայտնի սորտի պատվին տոնակատարության ամսաթիվը նույնպես պատահական չի ընտրվել․ 1853 թվականի ապրիլի 17-ին՝ ֆրանսիացի գյուղատնտես Միշել Պուժեի գլխավորությամբ, հրամանագիր է ստորագրվել Մենդոզայում՝ Quinta Normal ագրոնոմիական դպրոցի ստեղծման մասին: Հենց նա առաջին անգամ բերեց Մալբեկի խաղողի վազերը Արգենտինա՝ չկանխատեսելով այս սորտի՝ այն ժամանակվա հաջողությունը նոր պայմաններում։ Չնայած Մալբեկի հայրենիքը Ֆրանսիայի հարավ-արեւմուտքում է, արգենտինացիներին հաջողվել է համոզել գրեթե ողջ աշխարհին, որ իրենց Մալբեկը գերազանցում է բոլորին:

Այսօր Մալբեկը հայտնի է ոչ միայն Արգենտինայում, այլեւ աճեցվում է աշխարհի տարբեր գինեգործական շրջաններում, այդ թվում՝ Չիլիում, ԱՄՆ-ում եւ Ավստրալիայում: Նրա գինեգործական բազմակողմանիությունը, տարածաշրջանի արտահայտման ունակությունը եւ կայուն որակն այն հաստատել են որպես աշխարհի ամենասիրված կարմիր գինիներից մեկը: Անկախ նրանից՝ մատուցվում է ինքնուրույն, թե համակցված համեղ ուտեստի հետ՝ Մալբեկը շարունակում է գերել գինու սիրահարներին իր համային պրոֆիլով եւ անհերքելի հմայքով:

Karas Malbec

Karas_Malbec_81603_2_0.jpg (61 KB)

Հայաստանը, նույնպես, բացառություն չէր, եւ այսօր Արմավիրի արեւոտ մարզում գտնվող Karas գինեգործարանի այգիներում կարելի է փորձել հայկական տերուարի վրա աճեցված յուրահատուկ խաղողից ստացված գինիները: Karas Malbec-ը հմտորեն արտահայտում է իր բնույթը՝ մուգ կարմիր գույն՝ մանուշակագույն երանգներով, կարմիր սալորի, մոշի եւ ծխախոտի բույրեր, թավշյա դաբաղանյութեր եւ հմտորեն հավասարակշռված համ:

Միջին գինը՝ 4900 դրամ։

Luis Felipe Edwards Malbec

LUIS-FELIPE-EDWARDS-malbec-1.jpg (21 KB)

LFE-ի գինեգործները վարպետորեն ընդգծում են խաղողի յուրաքանչյուր սորտի մրգային առանձնահատկությունները՝ չմոռանալով չիլիական տերուարի արտահայտչականությունը: Լուիս Ֆելիպե Էդվարդսի չիլիական Մալբեկը այս գծի ամենավառ ներկայացուցիչներից է՝ կարմիր չոր գինի՝ հարուստ մրգային փնջով եւ ներդաշնակ, փափուկ համով, որը բնութագրվում է ցածր թթվայնությամբ եւ տանիններով: Բույրի մեջ գերակշռում են սեւ սալորի եւ բալի նոտաները, որոնք լրացվում են տրյուֆելի եւ թխվածքաբլիթի նրբագեղ երանգներով: Գինին լավ համադրվում է պաստայի, սպիտակ մսի, պիցցայի եւ ավանդական չիլիական էմպանադայի հետ: Բոլոր չափանիշներով այն իդեալական է ամենօրյա օգտագործման համար, թեեւ խորհուրդ չի տրվում պահպանել երկար ժամանակով:

Միջին գինը՝ 4200 դրամ

Postales Malbec

291-2_vina-postales-1024x1536.jpg (235 KB)

Արգենտինայի այս Մալբեկը առանձնահատուկ է կարմիր սալորի եւ կծու նարնջի նրբերանգներով: Պատագոնիայի Մալբեկն ունի թեթեւ եւ թարմացնող համ՝ սեւ հաղարջի նոտաներով: Միայն վերջին փուլում է հայտնվում մի փոքր դառնություն։ Այն հիանալի համադրվում է տավարի տապակած մսի հետ եւ, նույնիսկ, եթերային աղանդերի հետ:

Միջին գինը՝ 3900 դրամ

Rigal «L'esquisse» Cahors

1619.jpg (35 KB)

Գինին Ֆրանսիայի հարավ-արեւմուտքից է, որը Մալբեկի ծննդավայրն է: . Այն ունի հարուստ համ՝ հաճելի թթվայնությամբ, թավշյա դաբաղանյութեր, որոնք բերանում մածուցիկության հաճելի զգացողություն են թողնում առաջին կումից հետո, հաճելի դառնություն, սեւ պղպեղ եւ շոկոլադ՝ ոչ շատ կայուն հետհամով։ Գաստրոնոմիկ առումով գինին մի փոքր քմահաճ է, բայց այն անպայման կսազի կարմիր մսով ուտեստների, հնեցված գաուդայի եւ ինտենսիվ թունդ համով այլ պանիրների հետ։

Միջին գինը՝ 4000 դրամ

Լիանա Աղաջանյան
 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել